Alizeh agnihotri Bollywood Debut: ਇੱਕ ਹੋਰ ਸਟਾਰ ਕਿਡ ਜਲਦ ਹੀ ਬਾਲੀਵੁੱਡ ਵਿੱਚ ਐਂਟਰੀ ਕਰਨ ਜਾ ਰਹੀ ਹੈ । ਦਬੰਗ ਅਦਾਕਾਰ ਸਲਮਾਨ ਖਾਨ ਜਲਦ ਹੀ ਆਪਣੀ ਭਾਣਜੀ ਅਲੀਜ਼ਾ ਅਗਨੀਹੋਤਰੀ ਨੂੰ ਬਾਲੀਵੁੱਡ ‘ਚ ਲਾਂਚ ਕਰਨ ਦੀ ਤਿਆਰੀ ਕਰ ਰਹੇ ਹਨ। Alizeh ਸਲਮਾਨ ਦੀ ਭੈਣ ਅਲਵੀਰਾ ਖਾਨ ਅਤੇ ਅਤੁਲ ਅਗਨੀਹੋਤਰੀ ਦੀ ਬੇਟੀ ਹੈ।
ਇਸ ਫਿਲਮ ਨੂੰ ਸਲਮਾਨ ਖਾਨ, ਅਤੁਲ ਅਤੇ ਅਲਵੀਰਾ ਅਗਨੀਹੋਤਰੀ ਪ੍ਰੋਡਿਊਸ ਕਰਨਗੇ। ਜਿਸ ਲਈ ਸਾਰੀਆਂ ਤਿਆਰੀਆਂ ਮੁਕੰਮਲ ਕਰ ਲਈਆਂ ਗਈਆਂ ਹਨ। ਇਹ ਫਿਲਮ ਰੋਮਾਂਟਿਕ ਡਰਾਮਾ ਫਿਲਮ ਹੋਵੇਗੀ। ਇਸ ਫਿਲਮ ਦੇ ਨਾਂ ਦਾ ਐਲਾਨ ਅਗਲੇ ਮਹੀਨੇ ਹੀ ਕੀਤਾ ਜਾਵੇਗਾ। ਖਬਰਾਂ ਮੁਤਾਬਕ ਅਲੀਜ਼ਾ ਅਗਨੀਹੋਤਰੀ ਪਿਛਲੇ ਦੋ ਸਾਲਾਂ ਤੋਂ ਐਕਟਿੰਗ, ਡਾਂਸ ਅਤੇ ਡਰਾਮਾ ਸਿੱਖ ਰਹੀ ਹੈ ਅਤੇ ਹੁਣ ਉਸ ਨੂੰ ਲੱਗਦਾ ਹੈ ਕਿ ਉਹ ਬਾਲੀਵੁੱਡ ‘ਚ ਡੈਬਿਊ ਕਰਨ ਲਈ ਪੂਰੀ ਤਰ੍ਹਾਂ ਤਿਆਰ ਹੈ। ਸਲਮਾਨ ਖਾਨ ਅਲੀਜ਼ਾ ਨਾਲ ਬਹੁਤ ਜੁੜੇ ਹੋਏ ਹਨ। ਇਸ ਲਈ ਉਹ ਖੁਦ ਫਿਲਮ ਦੇ ਨਿਰਮਾਣ ਅਤੇ ਤਕਨੀਕ ‘ਤੇ ਪੂਰਾ ਧਿਆਨ ਦੇ ਰਹੇ ਹਨ। ਫਿਲਮ ਦੀ ਸਟਾਰ ਕਾਸਟ ਤੋਂ ਲੈ ਕੇ ਨਿਰਦੇਸ਼ਨ ਤੱਕ ਸਭ ਕੁਝ ਫਾਈਨਲ ਕੀਤਾ ਜਾ ਰਿਹਾ ਹੈ।
ਫਿਲਮ ਦਾ ਨਿਰਮਾਣ ਸਲਮਾਨ ਖਾਨ ਦੇ ਪ੍ਰੋਡਕਸ਼ਨ ਅਤੇ ਅਤੁਲ ਅਲਵੀਰਾ ਦੇ ਪ੍ਰੋਡਕਸ਼ਨ ਹਾਊਸ ਰੀਲ ਲਾਈਫ ਪ੍ਰੋਡਕਸ਼ਨ ਦੇ ਅਧੀਨ ਕੀਤਾ ਜਾਵੇਗਾ। ਫਿਲਮ ਦੀ ਸ਼ੂਟਿੰਗ ਅਗਲੇ ਸਾਲ 2022 ‘ਚ ਸ਼ੁਰੂ ਹੋਵੇਗੀ। ਮੰਨਿਆ ਜਾ ਰਿਹਾ ਹੈ ਕਿ ਇਸ ਦੀ ਰਿਲੀਜ਼ ਡੇਟ 2023 ‘ਚ ਹੋ ਸਕਦੀ ਹੈ। ਅਲੀਜ਼ਾ ਦੇ ਜਿਊਲਰੀ ਸ਼ੂਟ ਨੂੰ ਸੋਸ਼ਲ ਮੀਡੀਆ ‘ਤੇ ਕਾਫੀ ਪਸੰਦ ਕੀਤਾ ਗਿਆ ਸੀ। ਇਸ ਸ਼ੂਟ ‘ਚ ਉਸ ਦੀ ਸਾਦਗੀ ਅਤੇ ਖੂਬਸੂਰਤੀ ਦੇਖ ਕੇ ਪ੍ਰਸ਼ੰਸਕਾਂ ਦੀ ਝੜੀ ਲੱਗ ਗਈ। ਸਲਮਾਨ ਖਾਨ ਨੇ ਖੁਦ ਉਨ੍ਹਾਂ ਦੇ ਸ਼ੂਟ ਦੀ ਤਾਰੀਫ ਕੀਤੀ ਸੀ। ਉਸ ਦੀ ਤਾਰੀਫ ਕਰਦੇ ਹੋਏ ਸਲਮਾਨ ਨੇ ਆਪਣੀ ਸੋਸ਼ਲ ਮੀਡੀਆ ਪੋਸਟ ‘ਚ ਲਿਖਿਆ ਕਿ ਬੇਟਾ ਤੂੰ ਬਹੁਤ ਖੂਬਸੂਰਤ ਲੱਗ ਰਹੀ ਹੈ।
ਅਲੀਜ਼ਾ ਆਪਣੀ ਪੜ੍ਹਾਈ ਪੂਰੀ ਕਰਕੇ ਕੁਝ ਸਾਲ ਪਹਿਲਾਂ ਲੰਡਨ ਤੋਂ ਵਾਪਸ ਆਈ ਹੈ। ਉਹ ਪਿਛਲੇ ਕੁਝ ਸਮੇਂ ਤੋਂ ਬਾਲੀਵੁੱਡ ‘ਚ ਆਪਣੇ ਡੈਬਿਊ ਦੀ ਤਿਆਰੀ ਕਰ ਰਹੀ ਸੀ। ਅਲੀਜ਼ਾ ਆਪਣੀ ਪੜ੍ਹਾਈ ਪੂਰੀ ਕਰਕੇ ਕੁਝ ਸਾਲ ਪਹਿਲਾਂ ਲੰਡਨ ਤੋਂ ਵਾਪਸ ਆਈ ਹੈ। ਉਦੋਂ ਤੋਂ ਉਹ ਬਾਲੀਵੁੱਡ ‘ਚ ਆਪਣੇ ਡੈਬਿਊ ਦੀ ਤਿਆਰੀ ਕਰ ਰਹੀ ਹੈ। ਕੋਰੋਨਾ ਕਾਰਨ ਉਨ੍ਹਾਂ ਦੇ ਡੈਬਿਊ ‘ਚ ਦੇਰੀ ਹੋਈ ਸੀ ਪਰ ਹੁਣ ਜਲਦ ਹੀ ਇਹ ਇੰਤਜ਼ਾਰ ਖਤਮ ਹੋਣ ਜਾ ਰਿਹਾ ਹੈ।
