Asees Kaur goldie Wedding: ਮਸ਼ਹੂਰ ਗਾਇਕਾ ਅਸੀਸ ਕੌਰ ਨੇ ਸੰਗੀਤਕਾਰ ਗੋਲਡੀ ਸੋਹੇਲ ਨਾਲ ਵਿਆਹ ਦੇ ਬੰਧਨ ਵਿੱਚ ਬੱਝ ਗਏ ਹਨ। ਇਸ ਜੋੜੇ ਦੇ ਵੱਡੇ ਦਿਨ ਦੀਆਂ ਪਹਿਲੀਆਂ ਤਸਵੀਰਾਂ ਸਾਹਮਣੇ ਆਈਆਂ ਹਨ। ਜਿਸ ‘ਚ ਦੋਵੇਂ ਕਾਫੀ ਕਿਊਟ ਲੱਗ ਰਹੇ ਹਨ। ਦੋਹਾਂ ਦਾ ਵਿਆਹ ਪਰਿਵਾਰ ਦੀ ਮੌਜੂਦਗੀ ‘ਚ ਆਨੰਦ ਕਾਰਜ ਸਮਾਰੋਹ ‘ਚ ਹੋਇਆ।
ਰਾਤਨ ਲੰਬੀਆਂ ਦੀ ਗਾਇਕਾ ਅਸੀਸ ਕੌਰ ਨੇ ਦਿਲਬਰ, ਅੱਖ ਲੜ ਜਾਵੇ ਵਰਗੇ ਕਈ ਚਾਰਟਬਸਟਰ ਗੀਤ ਦਿੱਤੇ ਹਨ। 17 ਜੂਨ ਨੂੰ ਅਸੀਸ ਆਪਣੇ ਲੰਬੇ ਸਮੇਂ ਦੇ ਬੁਆਏਫ੍ਰੈਂਡ ਗੋਲਡੀ ਸੋਹੇਲ ਨਾਲ ਵਿਆਹ ਦੇ ਬੰਧਨ ਵਿੱਚ ਬੱਝ ਗਈ। ਦੋਹਾਂ ਦਾ ਵਿਆਹ ਬਹੁਤ ਹੀ ਸਾਦੇ ਢੰਗ ਨਾਲ ਗੁਰਦੁਆਰਾ ਸਾਹਿਬ ‘ਚ ਹੋਇਆ। ਜਿਸ ‘ਚ ਉਨ੍ਹਾਂ ਦਾ ਪਰਿਵਾਰ ਅਤੇ ਖਾਸ ਦੋਸਤ ਸ਼ਾਮਲ ਹੋਏ। ਅਸੀਸ ਕੌਰ ਨੇ ਆਪਣੀ ਜ਼ਿੰਦਗੀ ਦੇ ਇਸ ਖਾਸ ਪਲ ਲਈ ਬਲੱਸ਼ ਪਿੰਕ ਕਲਰ ਦੀ ਚੋਣ ਕੀਤੀ। ਵਿਆਹ ਲਈ, ਅਸੀਸ ਨੇ ਜ਼ਰੀ ਵਰਕ ਸਲਵਾਰ ਸੂਟ ਪਹਿਨਿਆ ਅਤੇ ਇਸ ਨੂੰ ਗੋਟਾ ਵਰਕ ਦੁਪੱਟੇ ਨਾਲ ਜੋੜਿਆ। ਇਸ ਦੇ ਨਾਲ ਹੀ ਉਸ ਨੇ ਡਾਇਮੰਡ ਨੇਕਪੀਸ ਪਾ ਕੇ ਆਪਣਾ ਲੁੱਕ ਪੂਰਾ ਕੀਤਾ। ਆਸੀਸ ਬ੍ਰਾਈਡਲ ਆਊਟਫਿਟ ‘ਚ ਕਾਫੀ ਕਿਊਟ ਲੱਗ ਰਹੀ ਸੀ। ਵਿਆਹ ਦਾ ਚੂੜਾ ਵੀ ਉਸ ਦੇ ਹੱਥਾਂ ‘ਚ ਬਹੁਤ ਸੋਹਣਾ ਲੱਗ ਰਿਹਾ ਸੀ। ਜਦੋਂ ਕਿ ਗੋਲਡੀ ਨੇ ਵੀ ਅਸੀਸ ਦੇ ਨਾਲ ਬਲਸ਼ ਪਿੰਕ ਸ਼ੇਰਵਾਨੀ ਪਹਿਨੀ ਸੀ। ਦੋਵਾਂ ਦੀ ਜੋੜੀ ਕਾਫੀ ਖੂਬਸੂਰਤ ਲੱਗ ਰਹੀ ਸੀ।
ਅਸੀਸ ਅਤੇ ਗੋਲਡੀ ਵਿਆਹ ਤੋਂ ਬਾਅਦ ਹਰਿਮੰਦਰ ਸਾਹਿਬ ਵਿਖੇ ਨਤਮਸਤਕ ਹੋਣਗੇ। ਦੋਵਾਂ ਦੇ ਵਿਆਹ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਕਾਫੀ ਵਾਇਰਲ ਹੋ ਰਹੀਆਂ ਹਨ। ਦੋਵਾਂ ਦੇ ਵਿਆਹ ਤੋਂ ਉਨ੍ਹਾਂ ਦੇ ਫੈਨਜ਼ ਕਾਫੀ ਖੁਸ਼ ਹਨ। ਅਸੀਸ ਨੇ ਕੁਝ ਸਮਾਂ ਪਹਿਲਾਂ ਦੱਸਿਆ ਕਿ ਉਹ ਆਪਣੀ ਜ਼ਿੰਦਗੀ ਦੇ ਇਸ ਖਾਸ ਪਲ ਲਈ ਬਹੁਤ ਉਤਸ਼ਾਹਿਤ ਹੈ। ਉਨ੍ਹਾਂ ਨੇ ਕਿਹਾ ਸੀ, ‘ਕੌਣ ਜਾਣਦਾ ਸੀ ਕਿ ਮੇਰੀ ਲਵ ਸਟੋਰੀ ਹਾਰਟ ਬ੍ਰੇਕ ਗੀਤ ‘ਤੇ ਸਟੂਡੀਓ ਸੈਸ਼ਨ ਨਾਲ ਸ਼ੁਰੂ ਹੋਵੇਗੀ। ਵਿਆਹ ਦੀਆਂ ਤਿਆਰੀਆਂ ਦਾ ਸਾਰਾ ਸਿਹਰਾ ਮੇਰੀ ਭੈਣ ਦੀਦਾਰ ਨੂੰ ਜਾਂਦਾ ਹੈ ਕਿਉਂਕੀ ਮੈਂ ਕੰਮ ਵਿੱਚ ਬਹੁਤ ਰੁੱਝਿਆ ਹੋਈ ਹਾਂ। ਵਿਆਹ ਤੋਂ ਬਾਅਦ, ਅਸੀਂ ਅਸ਼ੀਰਵਾਦ ਲੈਣ ਲਈ ਅੰਮ੍ਰਿਤਸਰ ਦੇ ਹਰਿਮੰਦਰ ਸਾਹਿਬ ਜਾਵਾਂਗੇ, ਫਿਰ ਅਗਲੇ ਮਹੀਨੇ ਲੰਡਨ ਵਿੱਚ ਮੇਰੇ ਸ਼ੋਅ ਤੋਂ ਬਾਅਦ, ਅਸੀਂ ਹਨੀਮੂਨ ‘ਤੇ ਜਾਵਾਂਗੇ।
