Babita Phogat LockUpp show: ਅਦਾਕਾਰਾ ਕੰਗਨਾ ਰਣੌਤ ਦੇ ਰਿਐਲਿਟੀ ਸ਼ੋਅ ‘ਲਾਕ-ਅੱਪ’ ‘ਚ ਬਬੀਤਾ ਫੋਗਾਟ ਹਿੱਸਾ ਲੈਣ ਲਈ ਤਿਆਰ ਹੈ। ਉਸ ਦੀ ਐਂਟਰੀ ਦੀ ਪੁਸ਼ਟੀ ਨਿਰਮਾਤਾ ਏਕਤਾ ਕਪੂਰ ‘ਤੇ ਸ਼ੋਅ ਦੇ ਨਿਰਮਾਤਾਵਾਂ ਨੇ ਸ਼ੋਅ ਦਾ ਇੱਕ ਨਵਾਂ ਟੀਜ਼ਰ ਵੀਡੀਓ ALTBalaji ਦੇ ਅਧਿਕਾਰਤ ਇੰਸਟਾਗ੍ਰਾਮ ਹੈਂਡਲ ‘ਤੇ ਸਾਂਝਾ ਕਰਕੇ ਕੀਤੀ।
ਟੀਜ਼ਰ ‘ਚ ਦਿਖਾਇਆ ਗਿਆ ਹੈ ਕਿ ਨਿਸ਼ਾ ਰਾਵਲ, ਮੁਨੱਵਰ ਫਾਰੂਕੀ ਅਤੇ ਪੂਨਮ ਪਾਂਡੇ ਵਰਗੀਆਂ ਮਸ਼ਹੂਰ ਹਸਤੀਆਂ ਵਾਂਗ ਬਬੀਤਾ ਫੋਗਾਟ ਵੀ ਉਸ ਦੀ ਅਗਲੀ ਅਤੇ ਚੌਥੀ ‘ਲਾਕਅੱਪ’ ਪ੍ਰਤੀਯੋਗੀ ਹੈ। ਇਹ ਸ਼ੋਅ 27 ਫਰਵਰੀ ਤੋਂ ALTBalajiਅਤੇ ਐਮਐਕਸ ਪਲੇਅਰ ‘ਤੇ ਸ਼ੁਰੂ ਹੋਣ ਜਾ ਰਿਹਾ ਹੈ। ਸ਼ੋਅ ਲਗਾਤਾਰ ਸੁਰਖੀਆਂ ‘ਚ ਹੈ। ਇਸ ਦੇ ਨਾਲ ਹੀ ਮੇਕਰਸ ਲਗਾਤਾਰ ਪ੍ਰਤੀਯੋਗੀਆਂ ਦੇ ਨਾਂ ਦਾ ਖੁਲਾਸਾ ਕਰਕੇ ਸਾਰਿਆਂ ਨੂੰ ਹੈਰਾਨ ਕਰ ਰਹੇ ਹਨ। ਕੁਝ ਰਿਪੋਰਟਾਂ ਮੁਤਾਬਕ ਕਿਹਾ ਜਾ ਰਿਹਾ ਹੈ ਕਿ ਬਬੀਤਾ ਤੋਂ ਬਾਅਦ ਸ਼ੋਅ ਦੀ ਅਗਲੀ ਅਤੇ ਪੰਜਵੀਂ ਪ੍ਰਤੀਯੋਗੀ ਅਦਾਕਾਰਾ ਸਾਰਾ ਖਾਨ ਹੋਵੇਗੀ, ਜੋ ਟੀਵੀ ਸ਼ੋਅ ‘ਬਿਦਾਈ’ ਤੋਂ ਮਸ਼ਹੂਰ ਹੋਈ ਸੀ। ਹਾਲਾਂਕਿ ਇਸ ਬਾਰੇ ਅਜੇ ਕੋਈ ਅਧਿਕਾਰਤ ਜਾਣਕਾਰੀ ਸਾਹਮਣੇ ਨਹੀਂ ਆਈ ਹੈ।
ਤੁਹਾਡੀ ਜਾਣਕਾਰੀ ਲਈ ਦੱਸ ਦੇਈਏ ਕਿ ਬਬੀਤਾ ਦੂਜੀ ਵਾਰ ਟੀਵੀ ਦੇ ਰਿਐਲਿਟੀ ਸ਼ੋਅ ਵਿੱਚ ਨਜ਼ਰ ਆਉਣ ਵਾਲੀ ਹੈ, ਇਸ ਤੋਂ ਪਹਿਲਾਂ ਉਹ ਆਪਣੇ ਪਤੀ ਵਿਵੇਕ ਸੁਹਾਗ ਨਾਲ ਡਾਂਸ ਰਿਐਲਿਟੀ ਸ਼ੋਅ ‘ਨੱਚ ਬਲੀਏ 9’ ਵਿੱਚ ਨਜ਼ਰ ਆਈ ਸੀ। ਉਸ ਨੇ ਭਾਵੇਂ ਇਹ ਸ਼ੋਅ ਨਹੀਂ ਜਿੱਤਿਆ, ਪਰ ਆਪਣੀ ਮਾਸੂਮੀਅਤ ਅਤੇ ਸ਼ਾਂਤ ਸੁਭਾਅ ਨਾਲ ਦਰਸ਼ਕਾਂ ਦਾ ਦਿਲ ਜਿੱਤ ਲਿਆ। ਮਜ਼ੇਦਾਰ ਗੱਲ ਇਹ ਹੈ ਕਿ ਕੰਗਨਾ ਰਣੌਤ ਇਸ ਸ਼ੋਅ ‘ਤੇ ਡਿਜੀਟਲ ਡੈਬਿਊ ਕਰਨ ਜਾ ਰਹੀ ਹੈ। ਹਾਲ ਹੀ ‘ਚ ‘ਲਾਕ ਅੱਪ’ ਦਾ ਟ੍ਰੇਲਰ ਰਿਲੀਜ਼ ਕਰਦੇ ਹੋਏ ਕੰਗਨਾ ਨੇ ਇਸ ਨੂੰ ਸਭ ਤੋਂ ਵੱਡਾ ਵਿਵਾਦਿਤ ਸ਼ੋਅ ਕਰਾਰ ਦਿੱਤਾ ਹੈ।
