Bholaa box office collection: ਅਜੈ ਦੇਵਗਨ ਅਤੇ ਤੱਬੂ ਸਟਾਰਰ ਫਿਲਮ ‘ਭੋਲਾ’ ਆਖਰਕਾਰ ਗਲੋਬਲ ਬਾਕਸ ਆਫਿਸ ‘ਤੇ 100 ਕਰੋੜ ਰੁਪਏ ਦਾ ਅੰਕੜਾ ਪਾਰ ਕਰ ਗਈ ਹੈ। ਇਸ ਮੀਲ ਪੱਥਰ ਨੂੰ ਪਾਰ ਕਰਨ ਲਈ ਫਿਲਮ ਨੂੰ 17 ਦਿਨ ਲੱਗੇ। ਭੋਲਾ ਆਪਣੇ ਤੀਜੇ ਹਫ਼ਤੇ ਵਿੱਚ ਹੈ ਘਰੇਲੂ ਬਾਕਸ ਆਫਿਸ ‘ਤੇ ਫਿਲਮ ਦਾ ਕੋਈ ਮੁਕਾਬਲਾ ਦੇਖਣ ਨੂੰ ਨਹੀਂ ਮਿਲਿਆ ਹੈ। ਅਜਿਹੇ ‘ਚ ਫਿਲਮ ਤੀਜੇ ਹਫਤੇ 80 ਕਰੋੜ ਰੁਪਏ ਤੋਂ ਜ਼ਿਆਦਾ ਦਾ ਘਰੇਲੂ ਕਾਰੋਬਾਰ ਕਰ ਸਕਦੀ ਹੈ।
16ਵੇਂ ਦਿਨ ਦੀ ਕਮਾਈ ਦੀ ਗੱਲ ਕਰੀਏ ਤਾਂ ਤੀਜੇ ਸ਼ੁੱਕਰਵਾਰ ਨੂੰ ਅਜੇ ਦੇਵਗਨ ਦੀ ਫਿਲਮ ਭੋਲਾ ਨੇ ਘਰੇਲੂ ਬਾਕਸ ਆਫਿਸ ‘ਤੇ 1.80 ਕਰੋੜ ਰੁਪਏ ਦਾ ਕਾਰੋਬਾਰ ਕੀਤਾ ਹੈ। ਇਸ ਨਾਲ ਫਿਲਮ ਦੀ ਕੁੱਲ ਕਮਾਈ ਹੁਣ 80.29 ਕਰੋੜ ਰੁਪਏ ਹੋ ਗਈ ਹੈ। ਜਦੋਂ ਕਿ ਭੋਲਾ ਦੀ ਵਿਸ਼ਵ ਪੱਧਰ ‘ਤੇ ਕੁਲ ਕੁਲੈਕਸ਼ਨ 101.50 ਕਰੋੜ ਰੁਪਏ ਹੈ। ਸ਼ਾਹਰੁਖ ਖਾਨ ਦੀ ਐਕਸ਼ਨ ‘ਪਠਾਨ’ ਅਤੇ ਰਣਬੀਰ ਕਪੂਰ ਦੀ ‘ਤੂੰ ਝੂਠੀ ਮੈਂ ਮੱਕੜ’ ਤੋਂ ਬਾਅਦ ਦੁਨੀਆ ਭਰ ‘ਚ 100 ਕਰੋੜ ਦਾ ਅੰਕੜਾ ਪਾਰ ਕਰਨ ਵਾਲੀ 2023 ਦੀ ‘ਭੋਲਾ’ ਤੀਜੀ ਫਿਲਮ ਹੈ। ਤੁਹਾਨੂੰ ਦੱਸ ਦੇਈਏ ਕਿ ‘ਪਠਾਨ’ ਨੇ ਵਿਸ਼ਵ ਪੱਧਰ ‘ਤੇ 1000 ਕਰੋੜ ਰੁਪਏ ਤੋਂ ਵੱਧ ਦੀ ਕਮਾਈ ਕੀਤੀ ਹੈ, ਜਦਕਿ ਰਣਬੀਰ ਕਪੂਰ ਅਤੇ ਸ਼ਰਧਾ ਕਪੂਰ ਸਟਾਰਰ ਰੋਮਾਂਟਿਕ ਕਾਮੇਡੀ ਫਿਲਮ ‘ਤੂੰ ਝੂਠੀ ਮੈਂ ਮੱਕੜ’ ਨੇ ਦੁਨੀਆ ਭਰ ‘ਚ 200 ਕਰੋੜ ਰੁਪਏ ਤੋਂ ਵੱਧ ਦੀ ਕਮਾਈ ਕੀਤੀ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“ਪੰਜਾਬ ਦੀ ਆਹ ਕੁੜੀ ਨੇ ਬੁਲਟ ‘ਤੇ ਘੁੰਮਿਆ ਸਾਰਾ ‘India’, ਹੁਣ ਬੁਲਟ ‘ਤੇ ਚੱਲੀ ਐ ਇੰਗਲੈਂਡ ! “
‘ਭੋਲਾ’ ਦੀ ਗੱਲ ਕਰੀਏ ਤਾਂ ਅਜੇ ਦੇਵਗਨ ਦੇ ਨਿਰਦੇਸ਼ਨ ਹੇਠ ਬਣੀ ਇਹ ਚੌਥੀ ਫਿਲਮ ਹੈ। ਸੁਪਰਸਟਾਰ ਨੇ 2008 ਦੇ ਰੋਮਾਂਟਿਕ ਡਰਾਮੇ ‘ਯੂ ਮੀ ਔਰ ਹਮ’ ਨਾਲ ਨਿਰਦੇਸ਼ਕ ਵਜੋਂ ਸ਼ੁਰੂਆਤ ਕੀਤੀ। ਇਸ ਫਿਲਮ ‘ਚ ਅਜੇ ਨੇ ਆਪਣੀ ਅਦਾਕਾਰਾ ਪਤਨੀ ਕਾਜੋਲ ਨਾਲ ਕੰਮ ਕੀਤਾ ਸੀ। ਅੱਠ ਸਾਲ ਬਾਅਦ, ਉਹ ਆਪਣੀ ਅਗਲੀ ਨਿਰਦੇਸ਼ਕ ‘ਸ਼ਿਵਾਏ’ ਨਾਲ ਵਾਪਸ ਪਰਤਿਆ ਜੋ 2016 ਵਿੱਚ ਰਿਲੀਜ਼ ਹੋਈ ਇੱਕ ਐਕਸ਼ਨ-ਥ੍ਰਿਲਰ ਸੀ। ਛੇ ਸਾਲਾਂ ਦੇ ਵਕਫੇ ਤੋਂ ਬਾਅਦ, ਉਸਨੇ ਸਾਲ 2022 ਵਿੱਚ ‘ਰਨਵੇ 34’ ਦਾ ਨਿਰਦੇਸ਼ਨ ਕੀਤਾ। ‘ਭੋਲਾ’ ‘ਚ ਅਜੇ ਦੇਵਗਨ ਅਤੇ ਤੱਬੂ ਤੋਂ ਇਲਾਵਾ ਦੀਪਕ ਡੋਬਰਿਆਲ, ਸੰਜੇ ਮਿਸ਼ਰਾ, ਅਮਲਾ ਪਾਲ ਅਤੇ ਗਜਰਾਜ ਰਾਓ ਸਮੇਤ ਕਈ ਕਲਾਕਾਰਾਂ ਨੇ ਕਮਾਲ ਦੀ ਐਕਟਿੰਗ ਕੀਤੀ ਹੈ।
