amitabh wished grand daughter aaradhya:ਬਾਲੀਵੁੱਡ ਦੇ ਮਹਾਨਾਇਕ ਅਮਿਤਾਭ ਬੱਚਨ ਦੀ ਪੋਤੀ ਆਰਾਧਿਆ ਬੱਚਨ 16 ਨਵੰਬਰ ਨੂੰ ਆਪਣਾ 9 ਵਾਂ ਜਨਮਦਿਨ ਮਨਾ ਰਹੀ ਹੈ। ਇਸ ਖਾਸ ਮੌਕੇ ‘ਤੇ ਬਿੱਗ ਬੀ ਨੇ ਆਪਣੀ ਪੋਤੀ ਆਰਾਧਿਆ ਨੂੰ ਜਨਮਦਿਨ ਦੀਆਂ ਬਹੁਤ-ਬਹੁਤ ਮੁਬਾਰਕਾਂ ਦਿੱਤੀਆਂ। ਬਿੱਗ ਬੀ ਨੇ ਸੋਸ਼ਲ ਮੀਡੀਆ ‘ਤੇ ਖਾਸ ਅੰਦਾਜ਼ ਨਾਲ ਆਰਾਧਿਆ ਨੂੰ ਬਰਥਡੇ ਵਿਸ਼ ਕੀਤਾ ਹੈ।ਬਿੱਗ ਬੀ ਨੇ ਖਾਸ ਅੰਦਾਜ਼ ਵਿੱਚ ਆਰਾਧਿਆ ਨੂੰ ਕੀਤਾ ਬਰਥਡੇ ਵਿਸ਼-ਅਮਿਤਾਭ ਬੱਚਨ ਨੇ 1 ਸਾਲ ਤੋਂ 9 ਸਾਲ ਤੱਕ ਲੈ ਕੇ ਆਰਾਧਿਆ ਦੀਆਂ ਪਿਆਰੀਆਂ ਤਸਵੀਰਾਂ ਦਾ ਇੱਕ ਕੋਲਾਜ ਸਾਂਝਾ ਕੀਤਾ ਹੈ।ਸਾਰੀਆਂ ਤਸਵੀਰਾਂ ਵਿੱਚ ਆਰਾਧਿਆ ਬਹੁਤ ਪਿਆਰੀ ਲੱਗ ਰਹੀ ਹੈ। ਇਨ੍ਹਾਂ ਤਸਵੀਰਾਂ ਦੀ ਮਦਦ ਨਾਲ ਤੁਸੀਂ ਹਰ ਸਾਲ ਆਰਾਧਿਆ ਨੂੰ ਵਧਦੇ ਹੋਏ ਦੇਖੋਗੇ। ਹਰ ਸਾਲ ਕਿਵੇਂ ਆਰਾਧਿਆ ਵੱਡੀ ਹੁੰਦੀ ਗਈ ਅਤੇ ਉਸ ਦੇ ਲੁਕ ਵਿੱਚ ਕਿਹੜੀਆਂ-ਕਿਹੜੀਆਂ ਤਬਦੀਲੀਆਂ ਆਈਆਂ, ਇਸ ਕੋਲਾਜ ਤਸਵੀਰ ਨੂੰ ਵੇਖ ਕੇ ਸਪੱਸ਼ਟ ਸਮਝਿਆ ਜਾ ਸਕਦਾ ਹੈ।
ਪੋਤੀ ਦੀਆਂ ਇਨ੍ਹਾਂ ਪਿਆਰੀਆਂ ਤਸਵੀਰਾਂ ਨੂੰ ਸਾਂਝਾ ਕਰਦੇ ਹੋਏ ਅਮਿਤਾਭ ਬੱਚਨ ਨੇ ਲਿਖਿਆ- ਜਨਮਦਿਨ ਮੁਬਾਰਕ ਆਰਾਧਿਆ… all my love 💕💕💕🌹. 💕💕💕🌹। ਬਿੱਗ ਬੀ ਦੀ ਇਸ ਪੋਸਟ ‘ਤੇ ਪ੍ਰਸ਼ੰਸਕਾਂ ਦੀਆਂ ਕਈ ਟਿੱਪਣੀਆਂ ਆ ਰਹੀਆਂ ਹਨ। ਹਰ ਕੋਈ ਆਰਾਧਿਆ ਨੂੰ ਜਨਮਦਿਨ ਦੀਆਂ ਵਧਾਈਆਂ ਦੇ ਰਿਹਾ ਹੈ।ਇਸ ਦੇ ਨਾਲ ਉਨ੍ਹਾਂ ਦੀਆਂ ਤਸਵੀਰਾਂ ਨੂੰ ਕਿਊਟ ਵੀ ਦੱਸ ਰਹੇ ਹਨ।
ਦੱਸ ਦੇਈਏ ਕਿ ਆਰਾਧਿਆ ਦੇ ਜਨਮਦਿਨ ਦੇ ਜਸ਼ਨਾਂ ਦੀ ਗੱਲ ਕਰੀਏ, ਕੋਰੋਨਾ ਦੇ ਕਾਰਨ, ਸਟਾਰਕੀਡ ਦਾ ਜਨਮਦਿਨ ਨਿਸ਼ਚਤ ਤੌਰ ‘ਤੇ ਥੋੜਾ ਜਿਹਾ ਸੁਸਤ ਹੋਵੇਗਾ। ਖਬਰਾਂ ਅਨੁਸਾਰ ਅਭਿਸ਼ੇਕ ਅਤੇ ਐਸ਼ਵਰਿਆ ਇਸ ਸਾਲ ਆਪਣੀ ਧੀ ਦਾ ਜਨਮਦਿਨ ਧੂਮਧਾਮ ਨਾਲ ਨਹੀਂ ਬਲਕਿ ਛਿੋਟੀ ਜਿਹੀ ਗੈਦਰਿੰਗ ਕਰ ਸੈਲੀਬ੍ਰੇਟ ਕਰਨਗੇ।ਇੱਥੇ ਕੋਈ ਵੱਡਾ ਸਮਾਗਮ ਨਹੀਂ ਹੋਵੇਗਾ, ਪਰ ਨੇੜਲੇ ਪਰਿਵਾਰ ਨਾਲ ਇਕ ਛੋਟੀ ਜਿਹੀ ਪਾਰਟੀ ਅਤੇ ਕੇਕ ਕੱਟਣ ਦੀਆਂ ਰਸਮਾਂ ਜ਼ਰੂਰ ਹੋਣਗੀਆਂ। ਉੱਥੇ ਹੀ ਦੱਸ ਦੇਈਏ ਕਿ ਐਸ਼ਵਰਿਆ ਰਾਏ ਬੱਚਨ ਤੇ ਅਭਿਸ਼ੇਕ ਬੱਚਨ ਦੀ ਬੇਟੀ ਆਰਾਧਿਆ ਅੱਜ 9 ਸਾਲ ਦੀ ਹੋ ਗਈ ਹੈ ਅਤੇ ਆਰਾਧਿਆ ਦਾ ਜਨਮ 16 ਨਵੰਬਰ 2011 ਨੂੰ ਹੋਇਆ ਸੀ ਅਤੇ ਉਹ ਬਾਲੀਵੁਡ ਦੀ ਸਭ ਤੋਂ ਫੇਮਸ ਸਟਾਰ ਕਿਡਜ਼ ਵਿੱਚੋਂ ਇੱਕ ਹੈ।ਆਰਾਧਿਆ ਬੱਚਨ ਅਮਿਤਾਭ ਬੱਚਨ ਦੇ ਪਰਿਵਾਰ ਦੀ ਸਭ ਤੋਂ ਛੋਟੀ ਮੈਂਬਰ ਹੈ ਅਤੇ ਸਾਰਿਆਂ ਦੀ ਪਿਆਰੀ ਹੈ।ਅੱਜ ਉਸਦੇ 9ਵੇਂ ਜਨਮਦਿਨ ਤੇ ਬੱਚਨ ਪਰਿਵਾਰ ਵਿੱਚ ਖੁਸ਼ੀ ਦਾ ਮਾਹੌਲ ਹੈ।
