neha kakkar diwali celebrations:ਵਿਆਹ ਤੋਂ ਬਾਅਦ ਗਾਇਕਾ ਨੇਹਾ ਕੱਕੜ ਨੇ ਵਿਦੇਸ਼ ਵਿੱਚ ਦੀਵਾਲੀ ਮਨਾਈ। ਨੇਹਾ ਕੱਕੜ ਇਨ੍ਹੀਂ ਦਿਨੀਂ ਆਪਣੇ ਪਤੀ ਰੋਹਨਪ੍ਰੀਤ ਨਾਲ ਦੁਬਈ ਵਿੱਚ ਹਨੀਮੂਨ ਮਨਾ ਰਹੀ ਹੈ। ਇੱਥੇ ਹੀ ਨੇਹਾ ਕੱਕੜ ਨੇ ਦੀਵਾਲੀ ਦਾ ਤਿਉਹਾਰ ਵੀ ਮਨਾਇਆ ਸੀ। ਨੇਹਾ ਕੱਕੜ ਨੇ ਦੀਵਾਲੀ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ‘ਤੇ ਸ਼ੇਅਰ ਕੀਤੀਆਂ ਹਨ।
ਨੇਹਾ ਕੱਕੜ ਨੇ ਦੁਬਈ ਤੋਂ ਆਪਣੇ ਪ੍ਰਸ਼ੰਸਕਾਂ ਨੂੰ ਦੀਵਾਲੀ ਮੌਕੇ ‘ਤੇ ਵਧਾਈ ਦਿੰਦੇ ਹੋਏ ਇੱਕ ਰੋਮਾਂਟਿਕ ਵੀਡੀਓ ਸ਼ੇਅਰ ਕੀਤੀ ਹੈ । ਜਿਸ ਦੋਵੇਂ ਜਣੇ ਹੈਪੀ ਦੀਵਾਲੀ ਕਹਿੰਦੇ ਹੋਏ ਨਜ਼ਰ ਆ ਰਹੇ ਨੇ। ਇਸ ਵੀਡੀਓ ਨੂੰ ਦੋ ਮਿਲੀਅਨ ਤੋਂ ਵੱਧ ਲੋਕ ਇਸ ਨੂੰ ਦੇਖ ਚੁੱਕੇ ਹਨ।ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਕੁਝ ਤਸਵੀਰਾਂ ਆਪਣੇ ਇੰਸਟਾਗ੍ਰਾਮ ਅਕਾਉਂਟ ਉੱਤੇ ਵੀ ਸ਼ੇਅਰ ਕੀਤੀਆਂ ਹਨ । ਨੇਹਾ ਕੱਕੜ ਤੇ ਰੋਹਨਪ੍ਰੀਤ ਇਨ੍ਹਾਂ ਤਸਵੀਰਾਂ ਵਿੱਚ ਬਹੁਤ ਖੁਸ਼ ਦਿਖਾਈ ਦੇ ਰਹੇ ਹਨ। ਨੇਹਾ ਕੱਕੜ ਨੇ ਲਿਖਿਆ ਹੈ – ‘ਸਾਡੀ ਪਹਿਲੀ ਦੀਵਾਲੀ ਇਕੱਠੇ ਤੇ ਬਹੁਤ ਹੀ ਖ਼ਾਸ । ਹੈਪੀ ਦੀਵਾਲੀ ਸਭ ਨੂੰ!!! ਪਰਮਾਤਮਾ ਸਭ ਤੇ ਮਿਹਰ ਕਰਨ’ । ਇਸ ਪੋਸਟ ਉੱਤੇ ਵੀ ਇੱਕ ਮਿਲੀਅਨ ਤੋਂ ਵੱਧ ਲਾਈਕਸ ਤੇ ਵੱਡੀ ਗਿਣਤੀ ‘ਚ ਕਮੈਂਟਸ ਆ ਚੁੱਕੇ ਹਨ।
ਨੇਹਾ ਕੱਕੜ ਨੇ ਇੰਸਟਾਗ੍ਰਾਮ ਤੇ ਪਤੀ ਰੋਹਨਪ੍ਰੀਤ ਨਾਲ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਕੈਪਸ਼ਨ ਵਿੱਚ ਨੇਹਾ ਕੱਕੜ ਨੇ ਲਿਖਿਆ ‘ ਸਾਡੀ ਪਹਿਲੀ ਦੀਵਾਲੀ ਇਕੱਠੇ ਅਤੇ ਬੇਹੱਦ ਖਾਸ ਵਾਲੀ ਵੀ।ਸਾਰਿਆਂ ਨੂੰ ਦੀਵਾਲੀ ਦੀ ਵਧਾਈ, ਸਾਰਿਆਂ ਦਾ ਭਗਵਾਨ ਭਲਾ ਕਰੇ।ਨੇਹਾ ਦੀਆਂ ਇਨ੍ਹਾਂ ਤਸਵੀਰਾਂ’ਤੇ ਉਸਦੇ ਭਰਾ ਟੋਨੀ ਕੱਕੜ ਨੇ ਵੀ ਪ੍ਰਤੀਕ੍ਰਿਆ ਦਿੱਤੀ ਹੈ। ਟੋਨੀ ਨੇ ਲਿਖਿਆ- ਹੈਪੀ ਦੀਵਾਲੀ। ਤੁਹਾਨੂੰ ਦੋਵਾਂ ਨੂੰ ਬਹੁਤ ਯਾਦ ਆ ਰਿਹਾ ਹੈ। ਭੈਣ ਸੋਨੂੰ ਨੇ ਨੇਹਾ-ਰੋਹਨਪ੍ਰੀਤ ਨੂੰ ਦੀਵਾਲੀ ਦੇ ਮੌਕੇ ਤੋਂ ਮਿਸ ਕਰਨ ਦੀ ਗੱਲ ਆਖੀ ਹੈ।
ਨੇਹਾ ਕੱਕੜ ਦੀ ਪੋਸਟ ‘ਤੇ ਟਿੱਪਣੀ ਕਰਦਿਆਂ, ਰੋਹਨਪ੍ਰੀਤ ਨੇ ਲਿਖਿਆ- ਮੇਰੀ ਨੋਨਾ ਨੋਨਾ ਪੁਤ ਸੋਹਣਾ ਸੋਹਣਾ ਬਾਬੂ। ਸੋਸ਼ਲ ਮੀਡੀਆ ‘ਤੇ ਨੇਹਾ ਕੱਕੜ ਲਈ ਲਿਖੀਆਂ ਰੋਹਨਪ੍ਰੀਤ ਦੀਆਂ ਇਹ ਰੋਮਾਂਟਿਕ ਲਾਈਨਾਂ ਪ੍ਰਸ਼ੰਸਕਾਂ ਨੂੰ ਪ੍ਰਭਾਵਿਤ ਕਰ ਰਹੀਆਂ ਹਨ।ਦੀਵਾਲੀ ਦੀਆਂ ਇਨ੍ਹਾਂ ਤਸਵੀਰਾਂ ਨੂੰ ਰੋਹਨਪ੍ਰੀਤ ਨੇ ਵੀ ਇੰਸਟਾਗ੍ਰਾਮ ਤੇ ਸ਼ੇਅਰ ਕੀਤਾ ਹੈ।ਤਸਵੀਰਾਂ ਵਿੱਚ ਕਪਲ ਦਾ ਬਾਂਡ ਅਤੇ ਪਿਆਰ ਸਾਫ ਨਜ਼ਰ ਆਉਂਦਾ ਹੈ। ਦੋਵੇਂ ਮੇਡ ਫਾਰ ਈਚ ਅਦਰ ਲਗ ਰਹੇ ਹਨ।ਇੱਕ ਤਸਵੀਰ ਵਿੱਚ ਰੋਹਨਪ੍ਰੀਤ ਨੇਹਾ ਕੱਕੜ ਨੂੰ ਮੱਥੇ ਤੇ ਕਿਸ ਕਰਦੇ ਹੋਏ ਵੀ ਦਿਖਦੇ ਹਨ।
