Shakti Kapoor Plastic drum Alcohol : ਸ਼ਕਤੀ ਕਪੂਰ ਸੋਸ਼ਲ ਮੀਡੀਆ ਉੱਤੇ ਉਝ ਤਾਂ ਕਾਫ਼ੀ ਘੱਟ ਐਕਟਿਵ ਰਹਿੰਦੇ ਹਨ ਪਰ ਅੱਜ ਕੱਲ੍ਹ ਦੀ ਹਾਲਤ ਨੂੰ ਵੇਖਕੇ ਉਹ ਆਪਣੇ ਆਪ ਨੂੰ ਰੋਕ ਨਹੀਂ ਪਾ ਰਹੇ ਹਨ। ਸ਼ਕਤੀ ਕਪੂਰ ਨੇ ਹਾਲ ਹੀ ਵਿੱਚ ਇੱਕ ਵੀਡੀਓ ਪੋਸਟ ਕੀਤਾ ਹੈ, ਜਿਸ ਵਿੱਚ ਉਨ੍ਹਾਂ ਨੂੰ ਸਿਰ ਉੱਤੇ ਲਾਲ ਡਰੱਮ ਰੱਖ ਕੇ ਘਰ ਤੋਂ ਬਾਹਰ ਆਉਂਦੇ ਵੇਖਿਆ ਜਾ ਸਕਦਾ ਹੈ। ਵੀਡੀਓ ਬਣਾ ਰਿਹਾ ਵਿਅਕਤੀ ਜਦੋਂ ਪੁੱਛਦਾ ਹੈ ਕਿ ਓਏ ਭਰਾ ਕਿੱਥੇ ਜਾ ਰਹੇ ਹੋ ਤਾਂ ਸ਼ਕਤੀ ਕਪੂਰ ਕਹਿੰਦੇ ਹਨ ਕਿ ਮੈਂ ਦਾਰੂ ਲੈਣ ਜਾ ਰਿਹਾ ਹਾਂ।
ਫਿਰ ਉਹ ਵਿਅਕਤੀ ਕਹਿੰਦਾ ਹੈ ਕਿ ਠੀਕ ਹੈ, ਪੂਰੀ ਸੋਸਾਇਟੀ ਲਈ ਲੈ ਕੇ ਆਉਣਾ। ਇਸ ਤੋਂ ਪਹਿਲਾਂ ਸ਼ਕਤੀ ਕਪੂਰ ਨੇ ਇੱਕ ਵੀਡੀਓ ਸ਼ੇਅਰ ਕੀਤਾ ਸੀ, ਜਿਸ ਵਿੱਚ ਉਨ੍ਹਾਂ ਨੇ ਪਰਵਾਸੀ ਮਜਦੂਰਾਂ ਲਈ ਗਾਣਾ ਬਣਾਇਆ ਸੀ। ਗਾਣਾ ਕਾਫ਼ੀ ਇਮੋਸ਼ਨਲ ਸੀ, ‘ਮੈਨੂੰ ਘਰ ਹੈ ਜਾਣਾ’। ਗਾਣੇ ਵਿੱਚ ਸ਼ਕਤੀ ਕਪੂਰ ਨੇ ਉਨ੍ਹਾਂ ਲੋਕਾਂ ਦੀ ਹਾਲਤ ਬਿਆਨ ਕੀਤੀ ਸੀ ਜੋ ਆਪਣੇ ਘਰ ਵਾਪਸ ਜਾਣਾ ਚਾਹੁੰਦੇ ਹਨ।
ਇਸ ਤੋਂ ਇਲਾਵਾ ਇੱਕ ਇੰਟਰਵਿਊ ਵਿੱਚ ਸ਼ਕਤੀ ਕਪੂਰ ਨੇ ਕਿਹਾ ਸੀ ਕਿ ਜਦੋਂ ਇਹ ਲਾਕਡਾਊਨ ਖਤਮ ਹੋ ਜਾਵੇਗਾ ਤਾਂ ਉਹ ਆਪਣੇ ਬੱਚਿਆਂ ਦੇ ਨਾਲ ਕਈ ਧਾਰਮਿਕ ਸਥਾਨਾਂ ਉੱਤੇ ਜਾਣਾ ਚਾਹੁੰਦੇ ਹਨ। ਤੁਹਾਨੂੰ ਦੱਸ ਦੇਈਏ ਕਿ ਕੋਰੋਨਾ ਵਾਇਰਸ ਦੇ ਚਲਦੇ ਦੇਸ਼ ਵਿੱਚ ਦੋ ਮਹੀਨੇ ਤੋਂ ਲਾਕਡਾਊਨ ਲਾਗੂ ਸੀ। ਹੁਣ ਅਨਲਾਕ 1 ਸ਼ੁਰੂ ਹੋ ਚੁੱਕਾ ਹੈ। ਇਸ ਵਿੱਚ ਲੋਕਾਂ ਨੂੰ ਘਰ ਤੋਂ ਬਾਹਰ ਨਿਕਲਣ ਦੀ ਆਗਿਆ ਦੇ ਨਾਲ ਕਈ ਦੁਕਾਨਾਂ, ਮਾਲ, ਜਿੱਮ, ਮੰਦਿਰ ਆਦਿ ਜਗ੍ਹਾਂਵਾਂ ਖੋਲ ਦਿੱਤੀਆਂ ਗਈਆਂ ਹਨ।
ਹਾਲ ਹੀ ਵਿੱਚ ਬਾਲੀਵੁਡ ਸੈਲੇਬਸ ਵੀ ਘਰ ਤੋਂ ਬਾਹਰ ਨਿਕਲ ਅਨਲਾਕ 1 ਦਾ ਆਨੰਦ ਲੈਂਦੇ ਨਜ਼ਰ ਆਏ। ਸੈਫ ਅਲੀ ਖਾਨ, ਕਰੀਨਾ ਕਪੂਰ ਖਾਨ ਅਤੇ ਤੈਮੂਰ ਅਲੀ ਖਾਨ ਨੂੰ ਮਰੀਨ ਡਰਾਇਵ ਉੱਤੇ ਘੁੰਮਦੇ ਵੇਖਿਆ ਗਿਆ। ਇਸ ਤੋਂ ਇਲਾਵਾ ਰਕੁਲ ਪ੍ਰੀਤ ਸਿੰਘ, ਰਿਆ ਚੱਕਰਵਰਤੀ ਵੀ ਘਰ ਦੇ ਬਾਹਰ ਵਾਕ ਕਰਦੀ ਨਜ਼ਰ ਆਈ। ਜਾਣਕਾਰੀ ਮੁਤਾਬਿਕ ਤੁਹਾਨੂੰ ਦਸ ਦੇਈਏ ਕਿ ਸ਼ਕਤੀ ਕਪੂਰ, ਸੋਸ਼ਲ ਮੀਡੀਆ ‘ਤੇ ਅਕਸਰ ਹੀ ਲਾਈਮਲਾਈਟ ‘ਚ ਛਾਏ ਰਹਿੰਦੇ ਹਨ। ਉਹਨਾਂ ਦੀ ਅਦਾਕਾਰੀ ਨੂੰ ਦਰਸ਼ਕਾਂ ਵੱਲੋਂ ਕਾਫੀ ਪਸੰਦ ਕੀਤਾ ਜਾਂਦਾ ਹੈ।
