Chandigarh Kare Aashiqui trailer: ਆਯੁਸ਼ਮਾਨ ਖੁਰਾਨਾ ਅਤੇ ਵਾਣੀ ਕਪੂਰ ਦੀ ਮੋਸਟ ਅਵੇਟਿਡ ਫਿਲਮ ਚੰਡੀਗੜ੍ਹ ਕਰੇ ਆਸ਼ਿਕੀ ਦਾ ਟ੍ਰੇਲਰ ਸੋਮਵਾਰ ਨੂੰ ਰਿਲੀਜ਼ ਹੋਇਆ। ਫਿਲਮ ‘ਚ ਪਹਿਲੀ ਵਾਰ ਆਯੁਸ਼ਮਾਨ ਚੰਡੀਗੜ੍ਹ ਦੇ ਮੁੰਡੇ ਦੇ ਕਿਰਦਾਰ ‘ਚ ਨਜ਼ਰ ਆ ਰਹੇ ਹਨ, ਜੋ ਬਾਕੀ ਕਿਰਦਾਰਾਂ ਤੋਂ ਵੱਖ ਹੈ।
ਫਿਲਮ ‘ਚ ਆਯੁਸ਼ਮਾਨ ਨੇ ਜਿਮ ਟ੍ਰੇਨਰ ਦੀ ਭੂਮਿਕਾ ਨਿਭਾਈ ਹੈ। ਦੂਜੇ ਪਾਸੇ ਵਾਣੀ ਕਪੂਰ ਜ਼ੁਬਾ ਟਰੇਨਰ ਦੀ ਭੂਮਿਕਾ ‘ਚ ਹੈ। ਅਭਿਸ਼ੇਕ ਕਪੂਰ ਦੇ ਨਿਰਦੇਸ਼ਨ ‘ਚ ਬਣੀ ਇਸ ਫਿਲਮ ‘ਚ ਵਾਣੀ ਅਤੇ ਆਯੁਸ਼ਮਾਨ ਦੀ ਜ਼ਬਰਦਸਤ ਕੈਮਿਸਟਰੀ ਦੇਖ ਕੇ ਤੁਸੀਂ ਖੁਦ ਨੂੰ ਇਸ ਕਿਰਦਾਰ ਨਾਲ ਪਿਆਰ ਕਰਨ ਤੋਂ ਨਹੀਂ ਰੋਕ ਸਕੋਗੇ। ਆਯੁਸ਼ਮਾਨ ਖੁਰਾਨਾ ਨੇ 2 ਨਵੰਬਰ ਨੂੰ ਫਿਲਮ ਦਾ ਪਹਿਲਾ ਲੁੱਕ ਸ਼ੇਅਰ ਕੀਤਾ ਸੀ।
ਹੁਣ ਜੇਕਰ ਆਯੁਸ਼ਮਾਨ ਕਿਸੇ ਫਿਲਮ ਦਾ ਹਿੱਸਾ ਹਨ ਤਾਂ ਜ਼ਾਹਿਰ ਹੈ ਕਿ ਫਿਲਮ ਤੁਹਾਨੂੰ ਮਨੋਰੰਜਨ ਦੇ ਨਾਲ-ਨਾਲ ਕੁਝ ਸੰਦੇਸ਼ ਦੇਣ ਦੀ ਕੋਸ਼ਿਸ਼ ਜ਼ਰੂਰ ਕਰੇਗੀ। ਹਾਲਾਂਕਿ ਸੰਦੇਸ਼ ਕੀ ਹੈ, ਇਸ ਦੇ ਲਈ ਫਿਲਮ ਦੇ ਰਿਲੀਜ਼ ਹੋਣ ਦਾ ਇੰਤਜ਼ਾਰ ਕਰਨਾ ਹੋਵੇਗਾ। ਪਿਆਰ, ਦਲੇਰੀ ਅਤੇ ਡਰਾਮੇ ਨਾਲ ਭਰਪੂਰ, ਇਹ ਟ੍ਰੇਲਰ ਤੁਹਾਨੂੰ ਮਨੋਰੰਜਨ ਦੀ ਡਬਲ ਖੁਰਾਕ ਦੇਵੇਗਾ। ਟ੍ਰੇਲਰ ਵਿੱਚ ਵਾਣੀ ਅਤੇ ਆਯੁਸ਼ਮਾਨ ਦੀ ਕੈਮਿਸਟਰੀ ਪ੍ਰਸ਼ੰਸਕਾਂ ਲਈ ਬਿਲਕੁਲ ਨਵੀਂ ਅਤੇ ਤਾਜ਼ਾ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
ਫਟਾਫਟ ਬਣਾਓ ਨਮਕੀਨ ਖ਼ਸਤਾ ਪਾਰੇ
ਆਯੁਸ਼ਮਾਨ ਨੇ ਆਪਣੇ ਕਿਰਦਾਰ ਲਈ ਆਪਣੀ ਬਾਡੀ ‘ਤੇ ਖਾਸ ਕੰਮ ਕੀਤਾ ਹੈ। ਸ਼ੂਟਿੰਗ ਦੌਰਾਨ ਉਹ ਘੰਟਿਆਂਬੱਧੀ ਜਿਮ ‘ਚ ਸਮਾਂ ਬਿਤਾਉਂਦੇ ਸਨ। ਫਿਲਮ ਦੇ ਟ੍ਰੇਲਰ ‘ਚ ਆਯੁਸ਼ਮਾਨ ਦੀ ਮਿਹਨਤ ਨਜ਼ਰ ਆ ਰਹੀ ਹੈ। ਇਸ ‘ਚ ਉਸ ਦੇ ਡੋਲੇ-ਸ਼ੋਲੇ ਪ੍ਰਸ਼ੰਸਕਾਂ ਲਈ ਖਿੱਚ ਦਾ ਕੇਂਦਰ ਬਣਿਆ ਰਹਿੰਦਾ ਹੈ।
