ਓਟੀਟੀ ਪਲੇਟਫਾਰਮ KableOne ਅਤੇ Saga Studios ਵੱਲੋਂ ਫ਼ਿਲਮ “ਰੌਣਕ” ਦਾ ਗਲੋਬਲ ਟ੍ਰੇਲਰ ਪ੍ਰੀਮੀਅਰ 17 ਸਤੰਬਰ 2025 ਨੂੰ ਰਿਲੀਜ਼ ਹੋ ਗਿਆ ਹੈ। ਇਹ ਫ਼ਿਲਮ 26 ਸਤੰਬਰ 2025 ਤੋਂ KableOne ’ਤੇ 11 ਗਲੋਬਲ ਭਾਸ਼ਾਵਾਂ, ਅੰਗਰੇਜ਼ੀ, ਹਿੰਦੀ, ਪੰਜਾਬੀ, ਤਾਮਿਲ, ਤੇਲਗੂ, ਮਲਿਆਲਮ, ਚਾਈਨੀਜ਼, ਫ੍ਰੈਂਚ, ਰਸ਼ੀਅਨ, ਸਪੈਨਿਸ਼ ਅਤੇ ਅਰਬੀ ਵਿੱਚ ਸਟ੍ਰੀਮ ਕੀਤੀ ਜਾਵੇਗੀ।
ਫ਼ਿਲਮ ਦਾ ਨਿਰਦੇਸ਼ਨ ਜਸ ਗਰੇਵਾਲ ਨੇ ਕੀਤਾ ਹੈ ਅਤੇ ਇਸ ਨੂੰ ਸੁਮੀਤ ਸਿੰਘ ਅਤੇ ਲਵ ਇਸਰਾਨੀ ਨੇ ਪ੍ਰੋਡਿਊਸ ਕੀਤਾ ਹੈ। “ਰੌਣਕ” ਵਿੱਚ ਇੱਕ ਘਰੇਲੂ ਮਦਦਗਾਰ ਕੁੜੀ ਦੀ ਕਹਾਣੀ ਦਿਖਾਈ ਗਈ ਹੈ, ਜਿਸਦੀ ਮਾਸੂਮ ਖੁਸ਼ੀ ਧੋਖੇ ਅਤੇ ਮੁਸ਼ਕਲਾਂ ਦੇ ਸਾਹਮਣੇ ਖੜੀ ਰਹਿੰਦੀ ਹੈ। ਫ਼ਿਲਮ ਵਿੱਚ ਅਰਵਿੰਦਰ ਕੌਰ, ਰਾਜਵਿੰਦਰ, ਜੱਸੀ ਜਸਪ੍ਰੀਤ, ਮਲਕੀਤ ਰੌਣੀ, ਰੁਪਿੰਦਰ ਰੂਪੀ ਅਤੇ ਗੁਰਪ੍ਰੀਤ ਭੰਗੂ ਸਮੇਤ ਕਈ ਕਲਾਕਾਰਾਂ ਨੇ ਕੰਮ ਕੀਤਾ ਹੈ। ਬੱਚੇ ਕਲਾਕਾਰਾਂ ਦੀ ਅਦਾਕਾਰੀ ਵੀ ਖ਼ਾਸ ਆਕਰਸ਼ਣ ਬਣੀ ਹੋਈ ਹੈ।
ਇਹ ਵੀ ਪੜ੍ਹੋ : ਗਾਇਕ ਮਨਕੀਰਤ ਔਲਖ ਨੂੰ ਧ.ਮ.ਕਾ/ਉਣ ਦੇ ਦੋਸ਼ ‘ਚ ਫੜੇ ਬੰਦੇ ਨੂੰ ਲੈ ਕੇ ਆਈ ਵੱਡੀ Update!
ਫ਼ਿਲਮ ਦੇ ਟੀਜ਼ਰ ਨੇ ਹੁਣ ਤੱਕ 5 ਮਿਲੀਅਨ ਤੋਂ ਵੱਧ ਵਿਊਜ਼ ਪ੍ਰਾਪਤ ਕੀਤੇ ਹਨ। ਸੰਗੀਤਕਾਰ ਜੈਦੇਵ ਕੁਮਾਰ ਦੇ ਐਲਬਮ ਨੂੰ ਵੀ ਸੋਸ਼ਲ ਮੀਡੀਆ ’ਤੇ ਬੇਹੱਦ ਪਸੰਦ ਕੀਤਾ ਜਾ ਰਿਹਾ ਹੈ। ਗਾਇਕਾ ਜਿਓਤਿਕਾ ਟੰਗਰੀ ਦਾ ਗਾਇਆ ਗਾਣਾ “ਯਾਰ ਬਾਵਰਾ” 2.2 ਮਿਲੀਅਨ ਤੋਂ ਵੱਧ ਵੇਖਿਆ ਜਾ ਚੁੱਕਾ ਹੈ ਅਤੇ 1.25 ਲੱਖ ਤੋਂ ਵੱਧ ਰੀਲਾਂ ਬਣ ਚੁੱਕੀਆਂ ਹਨ। ਫ਼ਿਲਮ ਦਾ ਸੰਗੀਤ Saga Music ਹੇਠ ਰਿਲੀਜ਼ ਹੋਇਆ ਹੈ। ਰੌਣਕ ਆਪਣੀ ਕਹਾਣੀ, ਅਦਾਕਾਰੀ ਅਤੇ ਸੰਗੀਤ ਕਾਰਨ ਡਿਜ਼ਿਟਲ ਸਿਨੇਮਾ ਦੀਆਂ ਵੱਡੀਆਂ ਰਿਲੀਜ਼ਾਂ ਵਿੱਚ ਸ਼ਾਮਲ ਹੋਣ ਦੀ ਉਮੀਦ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
