Heropanti2 New Trailer out: ਅਦਾਕਾਰ ਟਾਈਗਰ ਸ਼ਰਾਫ ਤੁਹਾਨੂੰ ਸਾਜਿਦ ਨਾਡਿਆਡਵਾਲਾ ਦੀ ਆਉਣ ਵਾਲੀ ਫਿਲਮ ‘ਹੀਰੋਪੰਤੀ 2’ ਦੇ ਨਾਲ ਇੱਕ ਰੋਮਾਂਚਕ ਰਾਈਡ ‘ਤੇ ਲੈ ਜਾਣ ਲਈ ਤਿਆਰ ਹੈ। ਹੁਣ ਜਦੋਂ ਫਿਲਮ ਰਿਲੀਜ਼ ਦੇ ਨੇੜੇ ਹੈ, ਫਿਲਮ ਦੇ ਨਿਰਮਾਤਾਵਾਂ ਨੇ ਇੱਕ ਹੋਰ ਦਿਲਚਸਪ ਟ੍ਰੇਲਰ ਲਾਂਚ ਕੀਤਾ ਹੈ।
ਫਿਲਮ ਦਾ ਇਹ ਤਾਜ਼ਾ ਟ੍ਰੇਲਰ ਬਬਲੂ ਉਰਫ ਟਾਈਗਰ ਸ਼ਰਾਫ ਦੀ ‘ਹੀਰੋਪੰਤੀ 2’ ਦੀਆਂ ਮਹੱਤਵਪੂਰਨ ਝਲਕੀਆਂ ਨੂੰ ਦਰਸਾਉਂਦਾ ਹੈ। ਅਜਿਹੇ ‘ਚ ਫਿਲਮ ਦਾ ਦੂਜਾ ਟ੍ਰੇਲਰ ਰਿਲੀਜ਼ ਹੋਣ ਨੂੰ ਟਾਈਗਰ ਦੇ ਪ੍ਰਸ਼ੰਸਕਾਂ ਲਈ ਸਰਪ੍ਰਾਈਜ਼ ਟ੍ਰੀਟ ਦੱਸਿਆ ਜਾ ਰਿਹਾ ਹੈ, ਜਿਨ੍ਹਾਂ ਨੇ ਆਉਣ ਵਾਲੀ ਫਿਲਮ ਲਈ ਕਾਫੀ ਸਮਰਥਨ ਅਤੇ ਉਤਸ਼ਾਹ ਦਿਖਾਇਆ ਹੈ। ਐਕਸ਼ਨ ਵਿੱਚ ਇੱਕ ਅੱਪਗਰੇਡ ਦੇ ਨਾਲ, ਦੂਜਾ ਟ੍ਰੇਲਰ ਉਹਨਾਂ ਭਾਵਨਾਵਾਂ ਨੂੰ ਦਰਸਾਉਂਦਾ ਹੈ ਜਿਸ ਨਾਲ ਮੁੱਖ ਪਾਤਰ ਸਾਈਬਰ ਕ੍ਰਾਈਮ ਦੀ ਦੁਨੀਆ ਵਿੱਚ ਨੈਵੀਗੇਟ ਕਰਦਾ ਹੈ। ਟ੍ਰੇਲਰ ਨੂੰ ਅਹਿਮਦਾਬਾਦ ‘ਚ ਇਕ ਪ੍ਰੈੱਸ ਕਾਨਫਰੰਸ ‘ਚ ਲਾਂਚ ਕੀਤਾ ਗਿਆ, ਜਿਸ ਨੂੰ ਟਾਈਗਰ ਦਾ ਦੂਜਾ ਘਰ ਵੀ ਕਿਹਾ ਜਾਂਦਾ ਹੈ। ਇਸ ਟ੍ਰੇਲਰ ਨੇ ਦਰਸ਼ਕਾਂ ਨੂੰ ਬਬਲੂ ਦੇ ਗੁੱਸੇ, ਜਨੂੰਨ ਅਤੇ ਦਰਦ ਦੀ ਇੱਕ ਵੱਖਰੇ ਪੱਧਰ ‘ਤੇ ਝਲਕ ਦਿੱਤੀ ਹੈ। ਟ੍ਰੇਲਰ ਦੇਖਣ ‘ਚ ਕਾਫੀ ਜ਼ਬਰਦਸਤ ਲੱਗ ਰਿਹਾ ਹੈ।
‘ਬਾਗੀ 2’ ਅਤੇ ‘ਬਾਗੀ 3’ ਵਰਗੀਆਂ ਫਿਲਮਾਂ ਤੋਂ ਬਾਅਦ ਸਾਦੀਜ ਨਾਡਿਆਡਵਾਲਾ ਟਾਈਗਰ ਸ਼ਰਾਫ ਅਤੇ ਨਿਰਦੇਸ਼ਕ ਅਹਿਮਦ ਖਾਨ ਦੀ ਇਹ ਤਿਕੜੀ ਆਪਣੇ ਸਹਿਯੋਗ ਨੂੰ ਅੱਗੇ ਵਧਾਉਣ ਅਤੇ ‘ਹੀਰੋਪੰਤੀ 2’ ਦੇ ਨਾਲ ਐਕਸ਼ਨ ਵਿੱਚ ਇੱਕ ਨਵਾਂ ਬੈਂਚਮਾਰਕ ਸਥਾਪਤ ਕਰਨ ਲਈ ਪੂਰੀ ਤਰ੍ਹਾਂ ਤਿਆਰ ਹੈ। ਰਜਤ ਅਰੋੜਾ ਦੁਆਰਾ ਲਿਖੀ ਇਸ ਫਿਲਮ ਦਾ ਸੰਗੀਤ ਏ.ਆਰ ਰਹਿਮਾਨ ਨੇ ਦਿੱਤਾ ਹੈ। ਦੂਜੇ ਪਾਸੇ ਸਾਜਿਦ ਨਾਡਿਆਡਵਾਲਾ ਦੀ ‘ਹੀਰੋਪੰਤੀ 2’ ਦਾ ਨਿਰਦੇਸ਼ਨ ਅਹਿਮਦ ਖਾਨ ਨੇ ਕੀਤਾ ਹੈ, ਜਿਨ੍ਹਾਂ ਨੇ ਟਾਈਗਰ ਦੀ ਪਿਛਲੀ ਰਿਲੀਜ਼ ‘ਬਾਗੀ 3’ ਦਾ ਵੀ ਨਿਰਦੇਸ਼ਨ ਕੀਤਾ ਸੀ। ਇਹ ਫਿਲਮ ਈਦ ਦੇ ਖਾਸ ਮੌਕੇ ਯਾਨੀ 29 ਅਪ੍ਰੈਲ 2022 ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਣ ਜਾ ਰਹੀ ਹੈ।
