kangana Ranaut account hacked: ਕੰਗਨਾ ਰਨੋਟ ਨੇ ਹਾਲ ਹੀ ‘ਚ ਸੋਸ਼ਲ ਮੀਡੀਆ ‘ਤੇ ਆਪਣੇ ਪ੍ਰਸ਼ੰਸਕਾਂ ਅਤੇ ਫਾਲੋਅਰਜ਼ ਨੂੰ ਚਿਤਾਵਨੀ ਦਿੱਤੀ ਹੈ ਕਿ ਕੁਝ ਲੋਕ ਉਨ੍ਹਾਂ ਦੇ ਨਾਂ ਦੀ ਗਲਤ ਵਰਤੋਂ ਕਰ ਰਹੇ ਹਨ। ਖਬਰਾਂ ਮੁਤਾਬਕ ਕੰਗਣਾ ਨੇ ਕਿਹਾ ਹੈ ਕਿ ਸੋਸ਼ਲ ਮੀਡੀਆ ‘ਤੇ ਲੌਰਾ ਨਾਂ ਦਾ ਅਕਾਊਂਟ ਚਲਾਇਆ ਜਾ ਰਿਹਾ ਹੈ। ਇਹ ਅਕਾਊਂਟ ਕੰਗਨਾ ਦੇ ਆਨਲਾਈਨ ਮੈਨੇਜਰ ਬਣ ਕੇ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਨੂੰ ਮੈਸੇਜ ਕਰ ਰਿਹਾ ਹੈ।
ਕੰਗਨਾ ਮੁਤਾਬਕ ਇਸ ਦੇ ਪਿੱਛੇ ਚੰਗੂ-ਮੰਗੂ ਗੈਂਗ ਅਤੇ ਫਿਲਮ ਮਾਫੀਆ ਦਾ ਹੱਥ ਹੈ। ਕੰਗਨਾ ਨੇ ਮੁੰਬਈ ਸਾਈਬਰ ਕ੍ਰਾਈਮ ਬ੍ਰਾਂਚ ਨੂੰ ਵੀ ਮਾਮਲੇ ਦੀ ਜਾਂਚ ਕਰਨ ਦੀ ਬੇਨਤੀ ਕੀਤੀ ਹੈ। ਇਕ ਮੈਸੇਜ ਦਾ ਸਕਰੀਨਸ਼ਾਟ ਸ਼ੇਅਰ ਕਰਦੇ ਹੋਏ ਕੰਗਨਾ ਨੇ ਲਿਖਿਆ- ਅੱਜ ਮੈਨੂੰ ਪਤਾ ਲੱਗਾ ਹੈ ਕਿ ਫਿਲਮ ਮਾਫੀਆ ਮੇਰੇ ਨਾਂ ‘ਤੇ ਫਰਜ਼ੀ ਅਕਾਊਂਟ ਚਲਾ ਰਿਹਾ ਹੈ। ਅਸਲ ‘ਚ ਕੰਗਨਾ ਦੇ ਪ੍ਰਸ਼ੰਸਕਾਂ ਨੂੰ ਜੋ ਮੈਸੇਜ ਸ਼ੇਅਰ ਕੀਤਾ ਜਾ ਰਿਹਾ ਹੈ, ਉਸ ‘ਚ ਲਿਖਿਆ ਹੈ- ਤੁਹਾਨੂੰ ਕੰਗਨਾ ਦੇ ਵੈਰੀਫਾਈਡ ਅਕਾਊਂਟ ‘ਤੇ ਲਾਈਕਸ ਅਤੇ ਕਮੈਂਟਸ ਦੇ ਆਧਾਰ ‘ਤੇ ਚੁਣਿਆ ਗਿਆ ਹੈ। ਕੰਗਨਾ ਤੁਹਾਡੀਆਂ ਟਿੱਪਣੀਆਂ ਨੂੰ ਪਸੰਦ ਕਰਦੀ ਹੈ ਅਤੇ ਤੁਹਾਡੇ ਨਾਲ ਗੱਲ ਕਰਨਾ ਚਾਹੁੰਦੀ ਹੈ। ਮੈਂ ਕੰਗਨਾ ਦੀ ਔਨਲਾਈਨ ਮੈਨੇਜਰ ਲੌਰਾ ਹਾਂ। ਕੀ ਤੁਸੀਂ ਉਸ ਨਾਲ ਗੱਲ ਕਰਨਾ ਚਾਹੁੰਦੇ ਹੋ? ਜੇਕਰ ਤੁਹਾਨੂੰ ਇਹ ਪੇਸ਼ਕਸ਼ ਪਸੰਦ ਹੈ, ਤਾਂ ਹੇਠਾਂ ਦਿੱਤੇ ਲਿੰਕ ‘ਤੇ ਕਲਿੱਕ ਕਰਕੇ ਮੈਨੂੰ ਆਪਣੀ ਰਾਏ ਦਿਓ।
ਕੰਗਨਾ ਨੇ ਕਿਹਾ ਹੈ ਕਿ ਮੇਰਾ ਇਸ ਵਿਅਕਤੀ ਨਾਲ ਕੋਈ ਲੈਣਾ-ਦੇਣਾ ਨਹੀਂ ਹੈ ਅਤੇ ਮੇਰੇ ਕੋਲ ਅਜਿਹਾ ਕੋਈ ਔਨਲਾਈਨ ਮੈਨੇਜਰ ਵੀ ਨਹੀਂ ਹੈ। ਇਹ ਹੈ ਚੰਗੂ-ਮੰਗੂ ਗੈਂਗ ਦਾ ਹੱਥ ਜਿਸ ਦੀ ਫਿਲਮ ਛੁੱਟੀ ਵਾਲੇ ਦਿਨ ਵੀ 18 ਕਰੋੜ ਨਹੀਂ ਕਮਾ ਸਕੀ। ਮਣੀਕਰਨਿਕਾ ਨੇ ਜਿੱਥੇ ਇੱਕ ਦਿਨ ਵਿੱਚ 18 ਕਰੋੜ ਰੁਪਏ ਕਮਾ ਲਏ ਸਨ, ਉੱਥੇ ਹੀ ਇਸ ਫਿਲਮ ਨੂੰ ਰਿਲੀਜ਼ ਹੋਣ ਤੋਂ ਪਹਿਲਾਂ ਹੀ ਇਨ੍ਹਾਂ ਲੋਕਾਂ ਨੇ ਫਲਾਪ ਕਰਾਰ ਦਿੱਤਾ ਸੀ। ਉਨ੍ਹਾਂ ਦੇ ਜਾਲ ਵਿੱਚ ਨਾ ਫਸੋ। ਕਿਸੇ ਦਾ ਨਾਂ ਲਏ ਬਿਨਾਂ ਕੰਗਨਾ ਨੇ ਫਿਲਮ ਮਾਫੀਆ ਅਤੇ ਚੰਗੂ-ਮੰਗੂ ਗੈਂਗ ਵਰਗੇ ਸ਼ਬਦਾਂ ਦੀ ਵਰਤੋਂ ਕਰਦੇ ਹੋਏ ਕਰਨ ਜੌਹਰ ਵੱਲ ਇਸ਼ਾਰਾ ਕੀਤਾ ਹੈ। 28 ਜੁਲਾਈ ਨੂੰ ਉਨ੍ਹਾਂ ਦੀ ਫਿਲਮ ਰੌਕੀ ਔਰ ਰਾਣੀ ਕੀ ਪ੍ਰੇਮ ਕਹਾਣੀ ਵੀ ਰਿਲੀਜ਼ ਹੋਈ ਸੀ।
