Kareena Kapoor crime mystery: ਬਾਲੀਵੁੱਡ ਅਦਾਕਾਰਾ ਕਰੀਨਾ ਕਪੂਰ ਖਾਨ ਦਾ ਫਿਲਮ ਇੰਡਸਟਰੀ ਵਿੱਚ ਇੱਕ ਵੱਖਰਾ ਰੁਤਬਾ ਹੈ। ਉਨ੍ਹਾਂ ਦਾ ਨਾਂ ਉਨ੍ਹਾਂ ਪ੍ਰਤਿਭਾਸ਼ਾਲੀ ਕਲਾਕਾਰਾਂ ‘ਚੋਂ ਇਕ ਹੈ, ਜਿਨ੍ਹਾਂ ਨੇ ਆਪਣੇ ਕੰਮ ਦੇ ਦਮ ‘ਤੇ ਫਿਲਮੀ ਦੁਨੀਆ ‘ਚ ਆਪਣੀ ਪਛਾਣ ਬਣਾਈ ਹੈ। ਬੇਬੋ ਲੱਖਾਂ ਕਰੋੜਾਂ ਲੋਕਾਂ ਦੀ ਪ੍ਰੇਰਨਾ ਸਰੋਤ ਹੈ।
![Kareena Kapoor crime mystery](https://d3pc1xvrcw35tl.cloudfront.net/ln/images/1103x827/kareena-kapoor-khan-1643766415_202202325579.jpg)
ਕਰੀਨਾ ਚੰਗੀ ਤਰ੍ਹਾਂ ਜਾਣਦੀ ਹੈ ਕਿ ਆਪਣੀ ਨਿੱਜੀ ਅਤੇ ਪੇਸ਼ੇਵਰ ਜ਼ਿੰਦਗੀ ਨੂੰ ਕਿਵੇਂ ਸੰਤੁਲਿਤ ਕਰਨਾ ਹੈ। ਅਦਾਕਾਰਾ ਆਪਣੀ ਫਿਲਮ ‘ਲਾਲ ਸਿੰਘ ਚੱਢਾ’ ਦੀ ਰਿਲੀਜ਼ ਦਾ ਇੰਤਜ਼ਾਰ ਕਰ ਰਹੀ ਹੈ। ਇਸ ਫਿਲਮ ‘ਚ ਕਰੀਨਾ ਆਮਿਰ ਖਾਨ ਨਾਲ ਸਕ੍ਰੀਨ ਸ਼ੇਅਰ ਕਰਦੀ ਨਜ਼ਰ ਆਵੇਗੀ। ਜੇਕਰ ਦੇਖਿਆ ਜਾਵੇ ਤਾਂ ਕਰੀਨਾ ਦੇ ਕੋਲ ਕਈ ਪ੍ਰੋਜੈਕਟ ਹਨ ਜਿਨ੍ਹਾਂ ‘ਤੇ ਉਹ ਕੰਮ ਕਰ ਰਹੀ ਹੈ। ਅਦਾਕਾਰਾ ਨੂੰ ਇੱਕ ਹੋਰ ਨਵਾਂ ਪ੍ਰੋਜੈਕਟ ਮਿਲਿਆ ਹੈ। ਕਰੀਨਾ ਨੇ ਸੁਜੋਏ ਘੋਸ਼ ਦੀ ਕ੍ਰਾਈਮ ਮਿਸਟਰੀ ਫਿਲਮ ਸਾਈਨ ਕੀਤੀ ਹੈ। ਰਿਪੋਰਟ ਮੁਤਾਬਕ ਸੁਜੋਏ ਘੋਸ਼ ‘ਕ੍ਰਾਈਮ ਮਿਸਟਰੀ’ ਫਿਲਮ ਦਾ ਨਿਰਦੇਸ਼ਨ ਕਰਦੇ ਨਜ਼ਰ ਆਉਣਗੇ। ਦੱਸਿਆ ਜਾ ਰਿਹਾ ਹੈ ਕਿ ਸੁਜੋਏ ਨੇ ਇਸ ਪ੍ਰੋਜੈਕਟ ਲਈ ਕਰੀਨਾ ਨੂੰ ਸਾਈਨ ਕੀਤਾ ਹੈ। ਇਹ ਫਿਲਮ ‘The Devotion of Suspect X’ ਦਾ ਹਿੰਦੀ ਰੀਮੇਕ ਬਣਨ ਜਾ ਰਹੀ ਹੈ। ਇਹ ਫਿਲਮ ਇਕ ਸਿੰਗਲ ਮਾਂ ਦੀ ਕਹਾਣੀ ਹੈ ਜੋ ਗਲਤੀ ਨਾਲ ਆਪਣੇ ਸਾਬਕਾ ਪਤੀ ਨੂੰ ਮਾਰ ਦਿੰਦੀ ਹੈ।
![](https://akm-img-a-in.tosshub.com/indiatoday/images/story/202202/pjimage_16.jpg?JSYf3SLUWZJiRRikMRVjdaZ.3kPSnBgh&size=770:433)
ਇਸ ਕ੍ਰਾਈਮ ਥ੍ਰਿਲਰ ਫਿਲਮ ‘ਚ ਜੈਦੀਪ ਅਹਲਾਵਤ ਅਤੇ ਵਿਜੇ ਵਰਮਾ ਵੀ ਅਹਿਮ ਭੂਮਿਕਾਵਾਂ ਨਿਭਾਉਂਦੇ ਨਜ਼ਰ ਆਉਣਗੇ। ਫਿਲਮ ਦੀ ਸ਼ੂਟਿੰਗ ਮਾਰਚ ਮਹੀਨੇ ਤੋਂ ਸ਼ੁਰੂ ਹੋਵੇਗੀ। ਕਰੀਨਾ ਨੇ ਇਸ ਫਿਲਮ ‘ਚ ਆਪਣੀ ਭੂਮਿਕਾ ਲਈ ਤਿਆਰੀਆਂ ਸ਼ੁਰੂ ਕਰ ਦਿੱਤੀਆਂ ਹਨ। ਕਰੀਨਾ ਕਪੂਰ ਖਾਨ ਦੀ ਫਿਲਮ ‘ਲਾਲ ਸਿੰਘ ਚੱਢਾ’ 14 ਅਪ੍ਰੈਲ ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਵੇਗੀ। ਕਰੀਨਾ ਅਤੇ ਆਮਿਰ ਤੀਜੀ ਵਾਰ ਇੱਕ ਫਿਲਮ ਵਿੱਚ ਇਕੱਠੇ ਨਜ਼ਰ ਆਉਣਗੇ। ਇਸ ਤੋਂ ਪਹਿਲਾਂ ਉਹ ‘ਤਲਾਸ਼’ ਅਤੇ ‘3 ਇਡੀਅਟਸ’ ‘ਚ ਨਜ਼ਰ ਆ ਚੁੱਕੇ ਹਨ। ਦੋਵਾਂ ਦੀ ਆਨਸਕ੍ਰੀਨ ਜੋੜੀ ਨੂੰ ਪ੍ਰਸ਼ੰਸਕਾਂ ਵੱਲੋਂ ਖੂਬ ਪਸੰਦ ਕੀਤਾ ਗਿਆ ਸੀ। ਇਸ ਤੋਂ ਇਲਾਵਾ ਬੇਬੋ ਕੋਲ ਏਕਤਾ ਕਪੂਰ ਅਤੇ ਹੰਸਲ ਮਹਿਤਾ ਨਾਲ ਵੀ ਇੱਕ ਫਿਲਮ ਹੈ। ਹਾਲਾਂਕਿ ਇਸ ਫਿਲਮ ਦੇ ਨਾਂ ਦਾ ਅਜੇ ਐਲਾਨ ਨਹੀਂ ਕੀਤਾ ਗਿਆ ਹੈ। ਕਰਨ ਜੌਹਰ ਦੀ ਫਿਲਮ ‘ਤਖਤ’ ਵੀ ਪਾਈਪਲਾਈਨ ‘ਚ ਹੈ।