Katrina Vicky TV debut: ਕੈਟਰੀਨਾ ਕੈਫ ‘ਤੇ ਵਿੱਕੀ ਕੌਸ਼ਲ ਬਾਲੀਵੁੱਡ ਦੇ ਨਵ-ਵਿਆਹੇ ਜੋੜਿਆਂ ਵਿੱਚੋਂ ਇੱਕ ਹਨ। ਇਸ ਲਈ ਜਦੋਂ ਵੀ ਇਨ੍ਹਾਂ ਨੂੰ ਇਕੱਠੇ ਦੇਖਿਆ ਜਾਂਦਾ ਹੈ ਤਾਂ ਉਹ ਟ੍ਰੈਂਡ ਕਰਨ ਲੱਗ ਜਾਂਦੇ ਹਨ। ਪ੍ਰਸ਼ੰਸਕ ਹਮੇਸ਼ਾ ਇਸ ਜੋੜੀ ਨੂੰ ਸਕ੍ਰੀਨ ‘ਤੇ ਇਕੱਠੇ ਦੇਖਣ ਲਈ ਉਤਸ਼ਾਹਿਤ ਰਹਿੰਦੇ ਹਨ।
ਇਸ ਦੌਰਾਨ ਇਕ ਚੰਗੀ ਖਬਰ ਸਾਹਮਣੇ ਆਈ ਹੈ। ਖਬਰਾਂ ਹਨ ਕਿ ਜੋੜਾ ਜਲਦੀ ਹੀ ਇੱਕ ਟੀਵੀ ਸ਼ੋਅ ਵਿੱਚ ਪਹਿਲੀ ਵਾਰ ਨਜ਼ਰ ਆਉਣ ਵਾਲਾ ਹੈ। ਇਕ ਸੂਤਰ ਨੇ ਦਸਇਆ- ਸਟਾਰ ਪਲੱਸ ਆਪਣੇ ਸ਼ੋਅ ‘ਸਮਾਰਟ ਜੋੜੀ’ ‘ਤੇ ਵਿੱਕੀ ਕੌਸ਼ਲ ਅਤੇ ਕੈਟਰੀਨਾ ਕੈਫ ਨੂੰ ਜੋੜੀ ਵਜੋਂ ਲਿਆਉਣ ਦੀ ਪੂਰੀ ਕੋਸ਼ਿਸ਼ ਕਰ ਰਿਹਾ ਹੈ। ਭਾਰਤੀ ਟੀਵੀ ‘ਤੇ ਇਸ ਜੋੜੇ ਦਾ ਡੈਬਿਊ ਹੋਵੇਗਾ, ਚੈਨਲ ਨੂੰ ਵੀ ਕਾਫੀ ਪ੍ਰਚਾਰ ਮਿਲੇਗਾ। “ਉਹ ਚਾਹੁੰਦੇ ਹਨ ਕਿ ਵਿੱਕੀ-ਕੈਟਰੀਨਾ ਸ਼ੋਅ ਸਮਾਰਟ ਜੋੜੀ ਦੇ ਸ਼ੁਰੂਆਤੀ ਐਪੀਸੋਡ ਵਿੱਚ ਮਸ਼ਹੂਰ ਮਹਿਮਾਨ ਵਜੋਂ ਪੇਸ਼ ਹੋਣ। ਸ਼ੋਅ ਦੇ ਪ੍ਰੋਮੋ ਸਾਹਮਣੇ ਆ ਚੁੱਕੇ ਹਨ।
ਜੇਕਰ ਵਿੱਕੀ-ਕੈਟਰੀਨਾ ਸ਼ੋਅ ‘ਚ ਮਹਿਮਾਨ ਦੇ ਤੌਰ ‘ਤੇ ਆਉਂਦੇ ਹਨ, ਤਾਂ ਇਹ ਬਹੁਤ ਵੱਡਾ ਕਦਮ ਹੋਵੇਗਾ।” ਹੁਣ ਤੱਕ ਕੈਟਰੀਨਾ ਅਤੇ ਵਿੱਕੀ ਸ਼ੋਅ ਲਈ ਸਹਿਮਤ ਨਹੀਂ ਹੋਏ ਹਨ। ਮਨੀਸ਼ ਪਾਲ ਸ਼ੋਅ ਸਮਾਰਟ ਜੋੜੀ ਨੂੰ ਹੋਸਟ ਕਰਨਗੇ। ਇਹ ਸ਼ੋਅ ਕੰਨੜ ਸ਼ੋਅ ‘Ishmart Jodi’ ਦਾ ਰੀਮੇਕ ਹੈ। ਸ਼ੋਅ ‘ਚ ਨੀਲ ਭੱਟ-ਐਸ਼ਵਰਿਆ ਸ਼ਰਮਾ, ਰਾਹੁਲ ਮਹਾਜਨ-ਨਤਾਲੀ, ਭਾਗਿਆਸ਼੍ਰੀ-ਹਿਮਾਲਿਆ ਦਾਸਾਨੀ ਪ੍ਰਤੀਯੋਗੀ ਦੇ ਰੂਪ ‘ਚ ਨਜ਼ਰ ਆਉਣਗੇ। ਸ਼ੋਅ ‘ਚ ਜੋੜਿਆਂ ਨੂੰ ਮਜ਼ੇਦਾਰ ਗੇਮ ਖੇਡਣੀ ਹੋਵੇਗੀ। ਸ਼ੋਅ ਦਾ ਫਾਰਮੈਟ ਕਾਫੀ ਮਜ਼ੇਦਾਰ ਹੈ। ਦੇਖਣਾ ਹੋਵੇਗਾ ਕਿ ਦਰਸ਼ਕ ਇਸ ਸ਼ੋਅ ਨੂੰ ਕਿੰਨਾ ਪਸੰਦ ਕਰਦੇ ਹਨ।
