KGF chapter 2 news: ਰੌਕਿੰਗ ਸਟਾਰ ਯਸ਼ ਦੀ ਫਿਲਮ ‘KGF ਚੈਪਟਰ 2’ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋ ਗਈ ਹੈ। ਫਿਲਮ ਨੂੰ ਲੈ ਕੇ ਸੋਸ਼ਲ ਮੀਡੀਆ ‘ਤੇ ਟਰੈਂਡ ਦੇਖਣ ਨੂੰ ਮਿਲ ਰਹੇ ਹਨ ਅਤੇ ਦਰਸ਼ਕ ਫਿਲਮ ਦੀ ਖੂਬ ਤਾਰੀਫ ਕਰਦੇ ਨਜ਼ਰ ਆ ਰਹੇ ਹਨ। ਪ੍ਰਸ਼ੰਸਕ ਫਿਲਮ ਦੇ ਹਰ ਕਿਰਦਾਰ ਨੂੰ ਪਸੰਦ ਕਰ ਰਹੇ ਹਨ ਅਤੇ ਸੋਸ਼ਲ ਮੀਡੀਆ ‘ਤੇ ਪ੍ਰਤੀਕਿਰਿਆ ਦੇ ਰਹੇ ਹਨ। ਇਸ ਦੌਰਾਨ ਪ੍ਰਸ਼ੰਸਕਾਂ ਲਈ ਇੱਕ ਵੱਡੀ ਅਤੇ ਚੰਗੀ ਖ਼ਬਰ ਸਾਹਮਣੇ ਆਈ ਹੈ। ਯਸ਼ ਦੇ ਨਾਲ, ਸੰਜੇ ਦੱਤ, ਰਵੀਨਾ ਟੰਡਨ, ਪ੍ਰਕਾਸ਼ ਰਾਜ ਅਤੇ ਸ਼੍ਰੀਨਿਧੀ ਸ਼ੈੱਟੀ ਸਟਾਰਰ ਕੇਜੀਐਫ ਚੈਪਟਰ 2 ਦਾ ਅਗਲਾ ਭਾਗ ਕੇਜੀਐਫ ਚੈਪਟਰ 3 ਵੀ ਰਿਲੀਜ਼ ਹੋਵੇਗਾ।
ਯਾਦ ਰਹੇ ਕਿ ਕੇਜੀਐਫ ਦਾ ਪਹਿਲਾ ਚੈਪਟਰ 2018 ਵਿੱਚ ਰਿਲੀਜ਼ ਹੋਇਆ ਸੀ ਅਤੇ ਉਸ ਤੋਂ ਬਾਅਦ ਹੁਣ ਫਿਲਮ ਦਾ ਦੂਜਾ ਚੈਪਟਰ ਸਾਲ 2022 ਵਿੱਚ ਰਿਲੀਜ਼ ਕੀਤਾ ਗਿਆ ਹੈ। ਅਜਿਹੇ ‘ਚ ਹਾਲ ਹੀ ‘ਚ ਹਿੰਦੁਸਤਾਨ ਟਾਈਮਜ਼ ਨਾਲ ਗੱਲ ਕਰਦੇ ਹੋਏ ਪ੍ਰਸ਼ਾਂਤ ਨੀਲ ਤੋਂ ਇਸ ਦੇ ਸੀਨ ਨੂੰ ਲੈ ਕੇ ਸਵਾਲ ਕੀਤਾ ਗਿਆ ਸੀ, ਜਿਸ ‘ਤੇ ਉਨ੍ਹਾਂ ਕਿਹਾ ਕਿ ਇਸ ਬਾਰੇ ਕੁਝ ਕਹਿਣਾ ਜਲਦਬਾਜ਼ੀ ਹੋਵੇਗੀ। ਜੇਕਰ ਲੋਕ KGF: ਚੈਪਟਰ 2 ਨੂੰ ਪਸੰਦ ਕਰਦੇ ਹਨ, ਤਾਂ ਅਸੀਂ ਫ੍ਰੈਂਚਾਇਜ਼ੀ ਨੂੰ ਜਾਰੀ ਰੱਖਣ ਬਾਰੇ ਸੋਚ ਸਕਦੇ ਹਾਂ।
KGF ਨਿਰਦੇਸ਼ਕ ਪ੍ਰਸ਼ਾਂਤ ਨੇ ਫਿਲਮ ਦੇ ਤੀਜੇ ਪਾਰਟ ਬਾਰੇ ਗੱਲ ਕੀਤੀ ਹੈ, ਉੱਥੇ ਹੀ ਦੂਜੇ ਪਾਸੇ ਫਿਲਮ ਨੂੰ ਲੈ ਕੇ ਸੋਸ਼ਲ ਮੀਡੀਆ ‘ਤੇ ਕਾਫੀ ਪੋਸਟਾਂ ਦੇਖਣ ਨੂੰ ਮਿਲ ਰਹੀਆਂ ਹਨ। ਸੋਸ਼ਲ ਮੀਡੀਆ ਯੂਜ਼ਰਸ ਦਾ ਦਾਅਵਾ ਹੈ ਕਿ ਫਿਲਮ ਦਾ ਤੀਜਾ ਪਾਰਟ ਵੀ ਰਿਲੀਜ਼ ਕੀਤਾ ਜਾਵੇਗਾ। ਕਈ ਟਵਿੱਟਰ ਯੂਜ਼ਰਸ ਨੇ ਲਿਖਿਆ ਹੈ ਕਿ ਫਿਲਮ ਦਾ ਤੀਜਾ ਪਾਰਟ ਬਣਾਇਆ ਜਾਵੇਗਾ ਅਤੇ ਫਿਲਮ ਦੇ ਅੰਤਮ ਕ੍ਰੈਡਿਟ ਨੂੰ ਮਿਸ ਨਾ ਕਰੋ। ਯਾਨੀ ਕੁੱਲ ਮਿਲਾ ਕੇ ਪ੍ਰਸ਼ੰਸਕਾਂ ਲਈ ਇਹ ਚੰਗੀ ਖ਼ਬਰ ਹੈ। ਜਾਣਕਾਰੀ ਮੁਤਾਬਕ ‘ਕੇਜੀਐੱਫ ਚੈਪਟਰ 3’ ‘ਚ ਅਮਰੀਕਾ-ਇੰਡੋਨੇਸ਼ੀਆ ਸਮੇਤ 16 ਦੇਸ਼ਾਂ ‘ਚ ਹੋਏ ਅਪਰਾਧ ਦੀ ਕਹਾਣੀ ਦਿਖਾਈ ਜਾਵੇਗੀ।
