Kota Factory Season2 Trailer: ਜਤਿੰਦਰ ਕੁਮਾਰ ਇੱਕ ਵਾਰ ਫਿਰ ਵੈਬ ਸੀਰੀਜ਼ ਕੋਟਾ ਫੈਕਟਰੀ ਸੀਜ਼ਨ 2 ਨਾਲ ਧਮਾਲ ਪਾਉਣ ਲਈ ਤਿਆਰ ਹਨ। ਹਾਲ ਹੀ ਵਿੱਚ ਇਸਦੇ ਸੀਜ਼ਨ 2 ਦਾ ਟ੍ਰੇਲਰ ਰਿਲੀਜ਼ ਕੀਤਾ ਗਿਆ ਹੈ। ਟੀਵੀਐਫ ਦੀ ਕੋਟਾ ਫੈਕਟਰੀ ਦਾ ਪਹਿਲਾ ਸੀਜ਼ਨ ਸਾਲ 2019 ਵਿੱਚ ਯੂਟਿਉਬ ‘ਤੇ ਰਿਲੀਜ਼ ਹੋਇਆ ਸੀ।
ਪਰ ਹੁਣ ਇਸਦਾ ਦੂਜਾ ਸੀਜ਼ਨ 24 ਸਤੰਬਰ ਨੂੰ ਨੈੱਟਫਲਿਕਸ’ ਤੇ ਰਿਲੀਜ਼ ਹੋਣ ਜਾ ਰਿਹਾ ਹੈ। ਇਸ ਸ਼ੋਅ ਨੂੰ ਦਰਸ਼ਕਾਂ ਦਾ ਅਥਾਹ ਪਿਆਰ ਮਿਲਿਆ ਸੀ ਅਤੇ ਜਿਸ ਕਾਰਨ ਜਤਿੰਦਰ ਕੁਮਾਰ ਨੇ ਰਾਤੋ ਰਾਤ ਪ੍ਰਸਿੱਧੀ ਹਾਸਲ ਕੀਤੀ ਸੀ। ਇਸ ਦੇ ਨਾਲ ਹੀ ਸੀਜ਼ਨ 2 ਦਾ ਟ੍ਰੇਲਰ ਰਿਲੀਜ਼ ਹੋਣ ਤੋਂ ਬਾਅਦ ਪ੍ਰਸ਼ੰਸਕ ਇਸ ਨੂੰ ਲੈ ਕੇ ਹੋਰ ਵੀ ਉਤਸ਼ਾਹਿਤ ਹੋ ਗਏ ਹਨ।
ਉਹ ਇਹ ਜਾਣਨ ਦੀ ਬੇਸਬਰੀ ਨਾਲ ਉਡੀਕ ਕਰ ਰਹੇ ਹਨ ਕਿ ਦੂਜੇ ਸੀਜ਼ਨ ਵਿੱਚ ਕਿਹੜੀ ਕਹਾਣੀ ਪੇਸ਼ ਕੀਤੀ ਜਾ ਰਹੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਇਸ ਟ੍ਰੇਲਰ ਵਿੱਚ ਦਿਖਾਏ ਗਏ ਵਿਦਿਆਰਥੀਆਂ ਨੂੰ ਪਤਾ ਲਗਦਾ ਹੈ ਕਿ ਉਨ੍ਹਾਂ ਦੇ ਮਨਪਸੰਦ ਭੌਤਿਕ ਵਿਗਿਆਨ ਦੇ ਅਧਿਆਪਕ ਜੀਤੂ ਭਈਆ ਨੇ ਟਿਉਸ਼ਨ ਸੈਂਟਰ ਛੱਡ ਦਿੱਤਾ ਹੈ।
ਆਪਣੇ ਇੱਕ ਬਿਆਨ ਵਿੱਚ, ਨਿਰਦੇਸ਼ਕ ਰਾਘਵ ਸੁਬੂ ਨੇ ਕਿਹਾ ਕਿ, ਇੱਕ ਨਿਰਦੇਸ਼ਕ ਦੇ ਰੂਪ ਵਿੱਚ, ਮੈਂ ਅਜਿਹੀਆਂ ਕਹਾਣੀਆਂ ਬਣਾਉਣ ਦੀ ਕੋਸ਼ਿਸ਼ ਕਰਦਾ ਹਾਂ ਜੋ ਦਰਸ਼ਕਾਂ ਨੂੰ ਪ੍ਰੇਰਿਤ ਅਤੇ ਰੋਮਾਂਚਿਤ ਕਰਦੀਆਂ ਹਨ। ਕੋਟਾ ਫੈਕਟਰੀ ਦਾ ਸੀਜ਼ਨ 2 ਕੋਟਾ ਵਿੱਚ ਵਿਦਿਆਰਥੀਆਂ ਦੀ ਯਾਤਰਾ ਅਤੇ ਸੰਘਰਸ਼ਾਂ ਨੂੰ ਬਿਆਨ ਕਰਦਾ ਹੈ।
ਇਸ ਸੀਰੀਜ਼ ਵਿੱਚ ਜਤਿੰਦਰ ਕੁਮਾਰ, ਮਯੂਰ ਮੋਰੇ, ਰੰਜਨ ਰਾਜ, ਆਲਮ ਖਾਨ, ਅਹਿਸਾਸ ਚੰਨਾ, ਰੇਵਤੀ ਪਿਲੱਈ ਅਤੇ ਉਰਵੀ ਸਿੰਘ ਮੁੱਖ ਭੂਮਿਕਾਵਾਂ ਵਿੱਚ ਹਨ। ਕੋਟਾ ਫੈਕਟਰੀ ਭਾਰਤ ਦੀ ਪਹਿਲੀ ਬਲੈਕ ਐਂਡ ਵਾਈਟ ਵੈਬ ਸੀਰੀਜ਼ ਹੈ ਜੋ ਕੋਟਾ ਦੇ ਦੁਆਲੇ ਘੁੰਮਦੀ ਹੈ.
