Mouni Roy judge show: ਮੌਨੀ ਰਾਏ ਦੇ ਪ੍ਰਸ਼ੰਸਕਾਂ ਲਈ ਖੁਸ਼ਖਬਰੀ ਹੈ ਕਿ ਉਨ੍ਹਾਂ ਦੀ ਪਸੰਦੀਦਾ ਅਦਾਕਾਰਾ ਇੱਕ ਵਾਰ ਫਿਰ ਟੀਵੀ ਸਕ੍ਰੀਨ ‘ਤੇ ਨਜ਼ਰ ਆਉਣ ਵਾਲੀ ਹੈ। ਅਦਾਕਾਰਾ ਡਾਂਸ ਰਿਐਲਿਟੀ ਸ਼ੋਅ ‘DID Li’L Masters’ ਦੇ ਪ੍ਰਤੀਯੋਗੀਆਂ ਨੂੰ ਜੱਜ ਕਰਦੀ ਨਜ਼ਰ ਆਵੇਗੀ।
ਇਸ ਸ਼ੋਅ ਦੇ ਜੱਜਿੰਗ ਪੈਨਲ ਵਿੱਚ ਮੌਨੀ ਦੇ ਨਾਲ ਮਸ਼ਹੂਰ ਕੋਰੀਓਗ੍ਰਾਫਰ-ਨਿਰਦੇਸ਼ਕ ਰੇਮੋ ਡਿਸੂਜ਼ਾ ਅਤੇ ਬਾਲੀਵੁੱਡ ਅਦਾਕਾਰਾ ਸੋਨਾਲੀ ਬੇਂਦਰੇ ਸ਼ਾਮਲ ਹਨ। ਮੌਨੀ ਇਸ ਪੈਨਲ ਦਾ ਹਿੱਸਾ ਬਣਨ ਅਤੇ ਛੋਟੇ ਪਰਦੇ ‘ਤੇ ਵਾਪਸੀ ਕਰਨ ਲਈ ਬਹੁਤ ਉਤਸ਼ਾਹਿਤ ਹੈ। ਮੌਨੀ ਰਾਏ ਨੇ ਇੰਸਟਾਗ੍ਰਾਮ ‘ਤੇ ‘DID Li’L Masters’ ਦਾ ਪ੍ਰੋਮੋ ਸਾਂਝਾ ਕੀਤਾ ਅਤੇ ਕੈਪਸ਼ਨ ‘ਚ ਲਿਖਿਆ, ‘ਮੈਂ ਇਸ ਪੈਨਲ ਅਤੇ ਇਸ ਸ਼ੋਅ ਦਾ ਹਿੱਸਾ ਬਣ ਕੇ ਰੋਮਾਂਚਿਤ ਅਤੇ ਸਨਮਾਨਤ ਹਾਂ ਅਤੇ ਮੈਂ ਇਸ ਸ਼ੋਅ ਨੂੰ ਹਮੇਸ਼ਾ ਪਸੰਦ ਕੀਤਾ ਹੈ। ਇਸ ਨਵੀਂ ਯਾਤਰਾ ਲਈ ਤੁਹਾਡੇ ਪਿਆਰ ਅਤੇ ਆਸ਼ੀਰਵਾਦ ਦੀ ਲੋੜ ਹੈ। ਮੌਨੀ ਦੇ ਪ੍ਰਸ਼ੰਸਕ ਵੀ ਉਨ੍ਹਾਂ ਨੂੰ ਜੱਜ ਦੇ ਰੂਪ ‘ਚ ਦੇਖਣ ਲਈ ਕਾਫੀ ਉਤਸੁਕ ਹਨ ਅਤੇ ਉਨ੍ਹਾਂ ਨੂੰ ਬਹੁਤ-ਬਹੁਤ ਵਧਾਈ ਦੇ ਰਹੇ ਹਨ।
ਦੂਜੇ ਪਾਸੇ, ਡਾਂਸ ਇੰਡੀਆ ਡਾਂਸ ਨਾਲ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕਰਨ ਵਾਲੀ ਮੌਨੀ ਦੇ ਸਭ ਤੋਂ ਚੰਗੇ ਦੋਸਤ ਰਾਹੁਲ ਸ਼ੈੱਟੀ ਨੂੰ ਮੌਨੀ ਦੇ ਨਵੇਂ ਸਫ਼ਰ ‘ਤੇ ਬਹੁਤ ਮਾਣ ਹੈ। ਇਸ ਤੋਂ ਇਲਾਵਾ ਆਸ਼ਕਾ ਗੋਰਾਡੀਆ, ਜੀਆ ਮੁਸਤਫਾ, ਅਦਾ ਖਾਨ, ਰੋਸ਼ਨੀ ਚੋਪੜਾ ਸਮੇਤ ਕਈ ਸੈਲੇਬਸ ਨੇ ਮੌਨੀ ਨੂੰ ਵਧਾਈ ਦਿੱਤੀ ਹੈ। ਮੌਨੀ ਰਾਏ ਟੀਵੀ ਦੀ ਦੁਨੀਆ ਦਾ ਜਾਣਿਆ-ਪਛਾਣਿਆ ਨਾਮ ਹੈ। ਟੀਵੀ ਸੀਰੀਅਲ ‘ਕਿਉੰਕੀ ਸਾਸ ਭੀ ਕਭੀ ਬਹੂ ਥੀ’ ਵਿੱਚ ਕ੍ਰਿਸ਼ਨਾ ਤੁਲਸੀ ਦੇ ਕਿਰਦਾਰ ਵਿੱਚ ਨਜ਼ਰ ਆਈ ਸੀ। ਇਸ ਤੋਂ ਬਾਅਦ ਉਹ ਏਕਤਾ ਕਪੂਰ ਦੇ ਮਸ਼ਹੂਰ ਸ਼ੋਅ ‘ਨਾਗਿਨ’ ਦਾ ਹਿੱਸਾ ਰਹੀ। ਟੀਵੀ ਸਕ੍ਰੀਨ ‘ਤੇ ਮਿਲੀ ਪ੍ਰਸਿੱਧੀ ਤੋਂ ਬਾਅਦ ਮੌਨੀ ਨੇ ਬਾਲੀਵੁੱਡ ਵੱਲ ਕਦਮ ਰੱਖਿਆ। ਇਸ ਤੋਂ ਬਾਅਦ ਉਹ ਇਕ ਵਾਰ ਫਿਰ ਟੀਵੀ ਸਕ੍ਰੀਨ ‘ਤੇ ਜੱਜ ਦੀ ਭੂਮਿਕਾ ਨਿਭਾਉਂਦੀ ਨਜ਼ਰ ਆਵੇਗੀ।
