ਅਦਾਕਾਰ ਮੁਕੇਸ਼ ਖੰਨਾ ਨੇ ‘ਬੇਸ਼ਰਮ ਰੰਗ’ ਗੀਤ ‘ਤੇ ਆਪਣੀ ਪ੍ਰਤੀਕਿਰਿਆ ਦਿੰਦੇ ਹੋਏ, ਦੇਖੋ ਕੀ ਕਿਹਾ

Mukesh Khanna Pathaan Controversy: ਬਾਲੀਵੁੱਡ ਅਦਾਕਾਰ ਮੁਕੇਸ਼ ਖੰਨਾ ਨੇ ਹਾਲ ਹੀ ‘ਚ ਸ਼ਾਹਰੁਖ ਖਾਨ ਦੀ ਆਉਣ ਵਾਲੀ ਫਿਲਮ ‘ਪਠਾਨ’ ਦੇ ਗੀਤ ‘ਬੇਸ਼ਰਮ ਰੰਗ’ ‘ਤੇ ਪ੍ਰਤੀਕਿਰਿਆ ਦਿੰਦੇ ਹੋਏ ਇਸ ਨੂੰ ਅਸ਼ਲੀਲ ਦੱਸਿਆ ਹੈ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਇਹ ਵੀ ਕਿਹਾ ਹੈ ਕਿ ਸੈਂਸਰ ਬੋਰਡ ਨੂੰ ਅਜਿਹੇ ਗੀਤਾਂ ਨੂੰ ਪਾਸ ਨਹੀਂ ਕਰਨਾ ਚਾਹੀਦਾ।

‘ਬੇਸ਼ਰਮ ਰੰਗ’ ਗੀਤ ਬਾਰੇ ਗੱਲ ਕਰਦੇ ਹੋਏ ਮੁਕੇਸ਼ ਖੰਨਾ ਨੇ ਕਿਹਾ, ‘ਅੱਜ ਦੇ ਬੱਚੇ ਟੀਵੀ ਅਤੇ ਫਿਲਮਾਂ ਦੇਖ ਕੇ ਵੱਡੇ ਹੋ ਰਹੇ ਹਨ। ਇਸ ਲਈ ਸੈਂਸਰ ਬੋਰਡ ਨੂੰ ਅਜਿਹੇ ਗੀਤਾਂ ਨੂੰ ਪਾਸ ਨਹੀਂ ਕਰਨਾ ਚਾਹੀਦਾ। ਅਜਿਹੇ ਗੀਤ ਲਿਆਉਣ ਲਈ ਸਾਡਾ ਦੇਸ਼ ਸਪੇਨ ਨਹੀਂ ਬਣ ਗਿਆ। ਸੈਂਸਰ ਬੋਰਡ ਇਸ ਤਰ੍ਹਾਂ ਗੀਤ ਕਿਉਂ ਪਾਸ ਕਰਦਾ ਹੈ? ਮੁਕੇਸ਼ ਖੰਨਾ ਨੇ ਅੱਗੇ ਕਿਹਾ, ‘ਕੀ ਇਸ ਗੀਤ ਦੇ ਨਿਰਮਾਤਾ ਨੂੰ ਨਹੀਂ ਪਤਾ ਕਿ ਭਗਵਾ ਰੰਗ ਧਰਮ ਅਤੇ ਭਾਈਚਾਰੇ ਲਈ ਬਹੁਤ ਮਾਇਨੇ ਰੱਖਦਾ ਹੈ। ਇਹ ਰੰਗ ਬਹੁਤ ਹੀ ਸੰਵੇਦਨਸ਼ੀਲ ਹੁੰਦਾ ਹੈ। ਅਸੀਂ ਇਸਨੂੰ ਭਗਵਾ ਕਹਿੰਦੇ ਹਾਂ, ਜੋ ਸ਼ਿਵ ਸੈਨਾ ਦੇ ਝੰਡੇ ਵਿੱਚ ਵੀ ਹੈ ਅਤੇ ਸਾਡੇ ਆਰ.ਐਸ.ਐਸ. ਵਿੱਚ ਵੀ, ਜੇਕਰ ਉਹ ਇਹ ਜਾਣਦੇ ਹਨ ਤਾਂ ਇਹ ਗੀਤ ਬਣਾਉਣ ਵਾਲੇ ਨੇ ਕੀ ਸੋਚਿਆ। ਇਸ ਦੇ ਨਾਲ ਹੀ ਸਵਰਾ ਭਾਸਕਰ ਨੇ ਸੋਸ਼ਲ ਮੀਡੀਆ ਰਾਹੀਂ ‘ਬੇਸ਼ਰਮ ਰੰਗ’ ਦਾ ਸਮਰਥਨ ਕੀਤਾ।

ਵੀਡੀਓ ਲਈ ਕਲਿੱਕ ਕਰੋ -:

“‘ਮੈਂ ਆਪਣੇ ਪਿਓ ਦੀ 11 ਮਹੀਨੇ ਤੋਂ ਆਵਾਜ਼ ਵੀ ਨਹੀਂ ਸੁਣੀ, ਜੇ ਤੁਸੀਂ ਕੁਝ ਨਹੀਂ ਕਰਨਾ ਤਾਂ ਮੈਨੂੰ ਦਵੋ ਇਜਾਜ਼ਤ’ “

‘ਪਠਾਨ’ ਦਾ ਗੀਤ ‘ਬੇਸ਼ਰਮ ਰੰਗ…’ਰਿਲੀਜ਼ ਹੋਣ ਤੋਂ ਬਾਅਦ ਤੋਂ ਹੀ ਮੁਸ਼ਕਿਲਾਂ ‘ਚ ਘਿਰਿਆ ਹੋਇਆ ਹੈ। ਇਸ ‘ਚ ਸ਼ਾਹਰੁਖ ਖਾਨ ਅਤੇ ਦੀਪਿਕਾ ਪਾਦੂਕੋਣ ਨੇ ਕਾਫੀ ਬੋਲਡ ਸੀਨ ਦਿੱਤੇ ਹਨ। ਇਸ ਗੀਤ ‘ਚ ਦੀਪਿਕਾ ਨੇ ਬੋਲਡ ਭਗਵਾ ਪਹਿਰਾਵਾ ਪਾਇਆ ਹੋਇਆ ਹੈ, ਇਸ ਨੂੰ ਲੈ ਕੇ ਫਿਲਮ ਨੂੰ ਵਿਰੋਧ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ। ਇਸ ਗੀਤ ਨੂੰ ਦੇਖਣ ਤੋਂ ਬਾਅਦ ਲੋਕਾਂ ਦਾ ਕਹਿਣਾ ਹੈ ਕਿ ਇਸ ਗੀਤ ਨੂੰ ਸੈਂਸਰ ਬੋਰਡ ਤੋਂ ਪਾਸ ਨਹੀਂ ਹੋਣਾ ਚਾਹੀਦਾ ਸੀ।