neetu kapoor rishi kapoor: ਵੇਟਰਨ ਅਦਾਕਾਰਾ ਨੀਤੂ ਕਪੂਰ ਅੱਜ ਯਾਨੀ 8 ਜੁਲਾਈ ਨੂੰ ਆਪਣਾ ਜਨਮਦਿਨ ਮਨਾ ਰਹੀ ਹੈ। ਇਹ 63ਵਾਂ ਜਨਮਦਿਨ ਓਨਾ ਖੁਸ਼ੀਆਂ ਵਾਲਾ ਨਹੀਂ ਹੈ ਕਿਉਂਕਿ ਉਨ੍ਹਾਂ ਨੇ ਇਸ ਸਾਲ ਆਪਣੇ ਪਤੀ ਤੇ ਅਦਾਕਾਰ ਰਿਸ਼ੀ ਕਪੂਰ ਨੂੰ ਖੋਹ ਦਿੱਤਾ ਹੈ। ਰਿਸ਼ੀ ਕਪੂਰ ਦੇ ਜਾਣ ਤੋਂ ਬਾਅਦ ਨੀਤੂ ਨੂੰ ਖੁਦ ਨੂੰ ਸੰਭਾਲਣਾ ਕਾਫੀ ਮੁਸ਼ਕਿਲ ਹੋ ਗਿਆ ਸੀ। ਨੀਤੂ ਦੀਆਂ ਸੋਸ਼ਲ ਮੀਡੀਆ ਪੋਸਟਾਂ ਤੋਂ ਇਹ ਤਾ ਸਪੱਸ਼ਟ ਹੋ ਗਿਆ ਸੀ ਕਿ ਉਹ ਰਿਸ਼ੀ ਕਪੂਰ ਨੂੰ ਕਿੰਨਾ ਜਿਆਦਾ ਮਿਸ ਕਰਦੀ ਹੈ। ਦੋਨਾਂ ਦਾ ਕਾਫੀ ਮਜਬੂਤ ਰਿਸ਼ਤਾ ਸੀ । ਇਸ ਸਾਲ ਰਿਸ਼ੀ ਕਪੂਰ ਨੇ ਇਸ ਦੁਨੀਆ ਨੂੰ ਅਲਵਿਦਾ ਕਿਹਾ। ਅੱਜ ਇਸ ਖਾਸ ਮੌਕੇ ‘ਤੇ ਅਸੀਂ ਤੁਹਾਨੂੰ ਰਿਸ਼ੀ ਅਤੇ ਨੀਤੂ ਦੀ ਲਵ ਸਟੋਰੀ ਬਾਰੇ ਦੱਸਾਂਗੇ।
ਨੀਤੂ ਕਪੂਰ ਮਹਿਜ਼ 14 ਸਾਲਾਂ ਦੀ ਸੀ ਜਦੋਂ ਉਸਨੇ ਰਿਸ਼ੀ ਨੂੰ ਡੇਟ ਕਰਨਾ ਸ਼ੁਰੂ ਕੀਤਾ। ਉਹ ਇਸ ਇੰਡਸਟਰੀ ਵਿਚ ਪੂਰੀ ਤਰ੍ਹਾਂ ਨਵੀਂ ਸੀ। ਰਿਸ਼ੀ ਫਿਲਮ ਦੇ ਸੈੱਟਾਂ ‘ਤੇ ਨੀਤੂ ਨੂੰ ਛੇੜਦੇ ਅਤੇ ਉਸ ਦੀ ਇਹ ਆਦਤ ਨੀਤੂ ਨੂੰ ਪਰੇਸ਼ਾਨ ਕਰਦੀ ਸੀ। ਪਰ ਇਸ ਦੌਰਾਨ, ਦੋਵਾਂ ਦੀ ਦੋਸਤੀ ਹੋਈ ਫਿਰ ਪਿਆਰ ਤੇ ਵਿਆਹ। ਨੀਤੂ ਕਪੂਰ ਨੇ ਆਪਣੇ ਇੱਕ ਇੰਟਰਵਿਊ ਵਿੱਚ ਕਿਹਾ ਕਿ ਰਿਸ਼ੀ ਕਪੂਰ ਇੱਕ ਸਖਤ ਬੁਆਏਫ੍ਰੈਂਡ ਸੀ। ਉਸਨੇ ਉਨ੍ਹਾਂ ਨੂੰ 8.30 ਤੋਂ ਬਾਅਦ ਕੰਮ ਕਰਨ ਤੋਂ ਮਨ੍ਹਾ ਕਰ ਦਿੱਤਾ। ਨੀਤੂ ਦੀ ਮਾਂ ਨੂੰ ਨੀਤੂ ਅਤੇ ਰਿਸ਼ੀ ਕਪੂਰ ਦਾ ਇਕੱਠੇ ਘੁੰਮਣਾ ਬਿਲਕੁਲ ਵੀ ਪਸੰਦ ਨਹੀਂ ਸੀ। ਜਦੋਂ ਵੀ ਦੋਵੇਂ ਕਿਤੇ ਬਾਹਰ ਜਾਂਦੇ ਸਨ, ਨੀਤੂ ਦੀ ਮਾਂ ਚਚੇਰੀ ਭੈਣ ਨੂੰ ਉਹਨਾਂ ਨਾਲ ਭੇਜਦੀ ਸੀ। ਨੀਤੂ ਸਿਰਫ 14 ਸਾਲਾਂ ਦੀ ਸੀ ਜਦੋਂ ਉਸਨੇ ਰਿਸ਼ੀ ਨੂੰ ਡੇਟ ਕਰਨਾ ਸ਼ੁਰੂ ਕੀਤਾ। ਉਸ ਸਮੇਂ ਨੀਤੂ ਇੰਡਸਟਰੀ ਵਿਚ ਪੈਰ ਜਮਾਉਣ ਦੀ ਕੋਸ਼ਿਸ਼ ਕਰ ਰਹੀ ਸੀ। ਫਿਲਮ ‘ਖੇਲ-ਖੇਲ ਮੇ’ ਦੇ ਦੌਰਾਨ ਦੋਨਾਂ ਨੂੰ ਇਕ ਦੂਜੇ ਨਾਲ ਪਿਆਰ ਹੋ ਗਿਆ। ਫਿਲਮ ਦੇ ਰਿਲੀਜ਼ ਤੋਂ ਬਾਅਦ ਉਨ੍ਹਾਂ ਦੇ ਰੋਮਾਂਸ ਦੀਆਂ ਚਰਚਾਵਾਂ ਸ਼ੁਰੂ ਹੋ ਗਈਆਂ।
ਬਾਅਦ ਵਿਚ ਨੀਤੂ ਅਤੇ ਰਿਸ਼ੀ ਕਪੂਰ ਨੇ ਕਈ ਹਿੱਟ ਫਿਲਮਾਂ ਵਿਚ ਇਕੱਠੇ ਕੰਮ ਕੀਤਾ। ਦੋਵਾਂ ਨੂੰ ਬਾਲੀਵੁੱਡ ਦੀਆਂ ਹਿੱਟ ਜੋੜੀਆਂ ਵਿਚ ਸ਼ਾਮਲ ਕਰਨਾ ਸ਼ੁਰੂ ਕੀਤਾ ਗਿਆ ਅਤੇ ਦੋਵਾਂ ਦਾ ਪਿਆਰ ਸੁਰਖੀਆਂ ਵਿਚ ਬਣਨ ਲੱਗ ਗਿਆ। ਦੋਨਾਂ ਦੇ ਬਾਰੇ ਕਪੂਰ ਪਰਿਵਾਰ ਨੂੰ ਵੀ ਪਤਾ ਸੀ। ਰਾਜ ਕਪੂਰ ਨੇ ਰਿਸ਼ੀ ਨੂੰ ਸਾਫ਼ ਕਹਿ ਦਿੱਤਾ ਸੀ ਕਿ ਜੇ ਉਹ ਨੀਤੂ ਨੂੰ ਪਿਆਰ ਕਰਦਾ ਹੈ ਤਾਂ ਵਿਆਹ ਕਰਵਾ ਲਵੇ । ਇਸ ਤੋਂ ਬਾਅਦ ਰਿਸ਼ੀ ਅਤੇ ਨੀਤੂ ਦੇ ਨਾਲ 1979 ਵਿਚ ਵਿਆਹ ਕਰਵਾ ਲਿਆ। ਦੋਵਾਂ ਦੇ ਦੋ ਬੱਚੇ ਰਣਬੀਰ ਕਪੂਰ ਅਤੇ ਰਿਧੀਮਾ ਕਪੂਰ ਹਨ। ਇਹ ਜੋੜੀ ਆਖਰੀ ਵਾਰ 2013 ਵਿੱਚ ਆਈ ਫਿਲਮ ‘ਬੇਸ਼ਰਮ’ ਵਿੱਚ ਵੇਖੀ ਗਈ ਸੀ ਜਿਸ ਵਿੱਚ ਰਣਬੀਰ ਕਪੂਰ ਨੇ ਮੁੱਖ ਭੂਮਿਕਾ ਨਿਭਾਈ ।
