Netflix show Bridgeton 2: ਦਰਸ਼ਕ ਲੰਬੇ ਸਮੇਂ ਤੋਂ ਨੈੱਟਫਲਿਕਸ ਦੇ ਮਸ਼ਹੂਰ ਸ਼ੋਅ ‘Bridgeton’ ਦੇ ਸੀਜ਼ਨ 2 ਦਾ ਇੰਤਜ਼ਾਰ ਕਰ ਰਹੇ ਹਨ। ਇਸ ਦਾ ਪਹਿਲਾ ਸੀਜ਼ਨ 2020 ‘ਚ ਰਿਲੀਜ਼ ਹੋਇਆ ਸੀ, ਜਿਸ ਨੂੰ ਦਰਸ਼ਕਾਂ ਦਾ ਕਾਫੀ ਪਿਆਰ ਮਿਲਿਆ ਸੀ। ਇਹ ਸ਼ੋਅ Netflix ‘ਤੇ ਸਭ ਤੋਂ ਮਸ਼ਹੂਰ ਸ਼ੋਅ ਬਣ ਗਿਆ।
ਇਸ ਸ਼ੋਅ ਦਾ ਸੰਗੀਤ, ਪਲਾਟ, ਕਹਾਣੀ, ਕਾਫੀ ਸੁਰਖੀਆਂ ‘ਚ ਰਿਹਾ ਸੀ। ਹੁਣ ਜਦੋਂ ਸੀਜ਼ਨ 2 ਆਉਣ ਵਾਲਾ ਹੈ, ਨਿਰਮਾਤਾਵਾਂ ਨੇ ਦਰਸ਼ਕਾਂ ਲਈ ਕੁਝ ਵੱਖਰਾ ਅਤੇ ਬਹੁਤ ਖਾਸ ਯੋਜਨਾ ਬਣਾਈ ਹੈ। ਦਰਅਸਲ, ਨਿਰਮਾਤਾ ‘Bridgeton 2’ ਦੇ ਨਾਲ ਇੱਕ ਐਲਬਮ ਵੀ ਰਿਲੀਜ਼ ਕਰਨਗੇ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਇਸ ਐਲਬਮ ‘ਚ ਸ਼ਾਹਰੁਖ ਖਾਨ ਦੀ ਬਲਾਕਬਸਟਰ ਫਿਲਮ ‘ਕਭੀ ਖੁਸ਼ੀ ਕਭੀ ਗਮ’ ਦਾ ਗੀਤ ਵੀ ਸ਼ਾਮਲ ਹੋਵੇਗਾ। ਨਿਰਮਾਤਾਵਾਂ ਨੇ ਐਲਬਮ ਵਿੱਚ ‘ਕਭੀ ਖੁਸ਼ੀ ਕਭੀ ਗਮ’ ਦਾ ਟਾਈਟਲ ਗੀਤ ਰੱਖਣ ਦਾ ਫੈਸਲਾ ਕੀਤਾ ਹੈ। ਸ਼ੋਅ ਦੇ ਨਿਰਮਾਤਾ ਕ੍ਰਿਸ ਵੈਨ ਡੁਸੇਨ ਨੇ ਕਿਹਾ ਹੈ ਕਿ ਇਹ ਗੀਤ ਚੌਥੇ ਐਪੀਸੋਡ ‘ਚ ਹੋਵੇਗਾ। ਗੀਤ ਦੇ ਮੂਲ ਗੀਤ ਨੂੰ ਸੰਗੀਤਕਾਰ ਜਤਿਨ-ਲਲਿਤ ਨੇ ਤਿਆਰ ਕੀਤਾ ਸੀ।
ਤੁਹਾਨੂੰ ਦੱਸ ਦੇਈਏ ਕਿ ‘ਕਭੀ ਖੁਸ਼ੀ ਕਭੀ ਗ਼ਮ’ ਦਾ ਟਾਈਟਲ ਗੀਤ ‘Bridgeton 2′ ਲਈ ਕ੍ਰਿਸ ਬੋਵਰਸ ਨੇ ਕੰਪੋਜ਼ ਕੀਤਾ ਹੈ। ਸ਼ੋਭਾਰਤੀ ਦਰਸ਼ਕ ਵੀ ਇਸ ਸ਼ੋਅ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਖਾਸ ਕਰਕੇ ‘Bridgeton’ ਦੇ ਪਹਿਲੇ ਸੀਜ਼ਨ ਤੋਂ ਬਾਅਦ ਹੁਣ ਦੂਜਾ ਸੀਜ਼ਨ ਵੀ ਹਿੱਟ ਹੋਣ ਦੀ ਸੰਭਾਵਨਾ ਹੈ। ‘Bridgeton 2’ ਦੀ ਲੇਖਕ ਜੂਲੀਆ ਕੁਈਨ ਦੀ ਕਿਤਾਬ ‘ਦਿ ਵਿਸਕਾਉਂਟ ਹੂ ਲਵਡ’ ‘ਤੇ ਆਧਾਰਿਤ। ਇਸ ‘ਚ ਬ੍ਰਿਟਿਸ਼ ਅਦਾਕਾਰਾ ਸਿਮੋਨ ਐਸ਼ਲੇ ਅਤੇ ਅਦਾਕਾਰ ਜੋਨਾਥਨ ਬੇਲੀ ਨਜ਼ਰ ਆਉਣਗੇ। ਦੋਵੇਂ ਸ਼ੋਅ ਦੇ ਮੁੱਖ ਕਲਾਕਾਰ ਹਨ। ਇਹ ਸ਼ੋਅ 25 ਮਾਰਚ ਨੂੰ ਨੈੱਟਫਲਿਕਸ ‘ਤੇ ਪ੍ਰਸਾਰਿਤ ਹੋਵੇਗਾ। ਪ੍ਰਸ਼ੰਸਕ ਇਸ ਸ਼ੋਅ ਦੇ ਸਟ੍ਰੀਮ ਲਈ ਬੇਸਬਰੀ ਨਾਲ ਉਡੀਕ ਕਰ ਰਹੇ ਹਨ।
