No Entry movie sequel: ਸਲਮਾਨ ਖਾਨ ਦੀ ਹਿੱਟ ਫਿਲਮ ‘ਨੋ ਐਂਟਰੀ’ ਇਕ ਕਾਮੇਡੀ ਫਿਲਮ ਸੀ। ਇਸ ਫਿਲਮ ‘ਚ ਸਲਮਾਨ ਨਾਲ ਅਨਿਲ ਕਪੂਰ ਅਤੇ ਫਰਦੀਨ ਖਾਨ ਵੀ ਸਨ। ਫਿਲਮ ਦਾ ਨਿਰਦੇਸ਼ਨ ਅਨੀਸ ਬਜ਼ਮੀ ਨੇ ਕੀਤਾ ਸੀ। ਸਾਲ 2005 ‘ਚ ਆਈ ਸੁਪਰਹਿੱਟ ਕਾਮੇਡੀ ਫਿਲਮ ਦਾ ਸੀਕਵਲ ਬਣਾਉਣ ਦੀਆਂ ਖਬਰਾਂ ਕਾਫੀ ਸਮੇਂ ਤੋਂ ਆ ਰਹੀਆਂ ਹਨ।
ਪਿਛਲੇ ਸਾਲ ਦਸੰਬਰ ‘ਚ ਆਪਣੇ ਜਨਮਦਿਨ ‘ਤੇ ਸਲਮਾਨ ਨੇ ਸੀਕਵਲ ਦਾ ਐਲਾਨ ਕੀਤਾ ਸੀ। ਸੀਕਵਲ ਦਾ ਨਿਰਦੇਸ਼ਨ ਵੀ ਅਨੀਸ ਕਰਨਗੇ। ਫਿਲਮ ਦੇ ਨਿਰਮਾਤਾ ਬੋਨੀ ਕਪੂਰ ਹਨ। ਬੋਨੀ ਨੇ ਖੁਲਾਸਾ ਕੀਤਾ ਹੈ ਕਿ ਉਹ ਇਕ ਸ਼ਰਤ ‘ਤੇ ਫਿਲਮ ‘ਨੋ ਐਂਟਰੀ ਦਾ ਸੀਕਵਲ ਬਣਾਉਣ ਲਈ ਰਾਜ਼ੀ ਹੋ ਗਏ ਹਨ। ਬੋਨੀ ਕਪੂਰ ਨੇ ਦੱਸਿਆ ਕਿ ਉਨ੍ਹਾਂ ਨੇ ‘ਨੋ ਐਂਟਰੀ’ ਦਾ ਸੀਕਵਲ ਬਣਾਉਣ ਦਾ ਫੈਸਲਾ ਸਿਰਫ ਇਸ ਸ਼ਰਤ ‘ਤੇ ਕੀਤਾ ਹੈ ਕਿ ਸਲਮਾਨ ਖਾਨ ਇਸ ‘ਚ ਕੰਮ ਕਰਨ ਲਈ ਰਾਜ਼ੀ ਹੋ ਗਏ ਹਨ। ਮੇਰੇ ਕੋਲ ਸਕ੍ਰਿਪਟ ਹੈ ਅਤੇ ਇਹ ਸਲਮਾਨ ‘ਤੇ ਛੱਡ ਦਿੱਤਾ ਗਿਆ ਸੀ ਕਿ ਉਹ ਇਸ ‘ਚ ਕੰਮ ਕਰਨਾ ਚਾਹੁੰਦੇ ਹਨ ਜਾਂ ਨਹੀਂ। ਜਦੋਂ ਉਨ੍ਹਾਂ ਨੇ ਆਪਣੇ ਜਨਮਦਿਨ ‘ਤੇ ਕਿਹਾ ਕਿ ਉਹ ਇਹ ਫਿਲਮ ਕਰਨਗੇ ਤਾਂ ਮੈਂ ਸਕ੍ਰਿਪਟ ਤਿਆਰ ਕਰ ਲਈ ਹੈ ਅਤੇ ਮੈਂ ਤਿਆਰ ਹਾਂ। ਅਨੀਸ ਫਿਲਮ ਦੇ ਨਿਰਦੇਸ਼ਕ ਹਨ ਅਤੇ ਉਹ ਫਿਲਮ ਦੇ ਸੀਕਵਲ ਦੀ ਸਕ੍ਰਿਪਟ ‘ਤੇ ਕੰਮ ਕਰ ਰਹੇ ਹਨ। ਫਿਲਮ ਦਾ ਵਿਚਾਰ ਕਿਸੇ ਹੋਰ ਦਾ ਸੀ।
ਬੋਨੀ ਕਪੂਰ ਨੇ ਦਾਅਵਾ ਕੀਤਾ ਹੈ ਕਿ ਇਸ ਫਿਲਮ ਦਾ ਸੀਕਵਲ ਫਿਲਮ ‘ਨੋ ਐਂਟਰੀ’ ਨਾਲੋਂ ਜ਼ਿਆਦਾ ਸਫਲ ਹੋਵੇਗਾ। ਬੋਨੀ ਕਪੂਰ ਨੇ ਅੱਗੇ ਕਿਹਾ ਕਿ ‘ਨੋ ਐਂਟਰੀ’ ਲਈ ਮੇਰੇ ਕੋਲ ਜੋ ਸਕ੍ਰਿਪਟ ਹੈ, ਉਹ ਪਿਛਲੀ ਫਿਲਮ ਨਾਲੋਂ ਬਹੁਤ ਵਧੀਆ ਹੈ। ਇਹ ਫਿਲਮ ਪਿਛਲੀ ਫਿਲਮ ਦੇ ਮੁਕਾਬਲੇ 10 ਗੁਣਾ ਜ਼ਿਆਦਾ ਮਜ਼ੇਦਾਰ ਹੋਣ ਜਾ ਰਹੀ ਹੈ। ਪਰ ਇਹ ਪੂਰੀ ਤਰ੍ਹਾਂ ਸਲਮਾਨ ਖਾਨ ‘ਤੇ ਹੈ, ਇਹ ਫਿਲਮ ਉਨ੍ਹਾਂ ਨਾਲ ਹੀ ਬਣ ਸਕਦੀ ਹੈ। ਖਬਰਾਂ ਮੁਤਾਬਕ ‘ਨੋ ਐਂਟਰੀ‘ ‘ਚ ਜਿੱਥੇ ਸਲਮਾਨ ਖਾਨ ਕੈਮਿਓ ਰੋਲ ‘ਚ ਸਨ, ਉਥੇ ਹੀ ਉਹ ਸੀਕਵਲ ‘ਚ ਲੀਡ ਅਦਾਕਾਰ ਹਨ। ਇਸ ਮਲਟੀਸਟਾਰਰ ਫਿਲਮ ਵਿੱਚ ਇੱਕ ਨਹੀਂ ਸਗੋਂ ਨੌਂ ਅਦਾਕਾਰਾਂ ਨਜ਼ਰ ਆਉਣਗੀਆਂ। ਮੰਨਿਆ ਜਾ ਰਿਹਾ ਹੈ ਕਿ ਫਿਲਮ ‘ਚ ਕਾਮੇਡੀ ਦੇ ਨਾਲ-ਨਾਲ ਗਲੈਮਰ ਦਾ ਵੀ ਜਲਵਾ ਦੇਖਣ ਨੂੰ ਮਿਲੇਗਾ। ਫਿਲਮ ਦੀ ਸ਼ੂਟਿੰਗ ਜਲਦੀ ਹੀ ਸ਼ੁਰੂ ਹੋਵੇਗੀ। ‘ਨੋ ਐਂਟਰੀ’ ਦੀ ਕਹਾਣੀ ਤਾਮਿਲ ਫਿਲਮ ‘ਚਾਰਲੀ ਚੈਪਲਿਨ’ ‘ਤੇ ਆਧਾਰਿਤ ਸੀ।
