OMG2 Teaser date out: ਅਕਸ਼ੈ ਕੁਮਾਰ ਫਿਲਮ ‘ਓ ਮਾਈ ਗੌਡ 2’ ਨੂੰ ਲੈ ਕੇ ਚਰਚਾ ‘ਚ ਹਨ। ਹਾਲ ਹੀ ‘ਚ ਫਿਲਮ ਦਾ ਪਹਿਲਾ ਲੁੱਕ ਸਾਹਮਣੇ ਆਇਆ ਸੀ, ਜਿਸ ‘ਚ ਉਹ ਭਗਵਾਨ ਸ਼ਿਵ ਦੇ ਅੰਦਾਜ਼ ‘ਚ ਨਜ਼ਰ ਆ ਰਹੇ ਸੀ। ਅਕਸ਼ੈ ਦੇ ਇਸ ਲੁੱਕ ਨੂੰ ਦੇਖ ਕੇ ਉਸ ਨੂੰ ਸੋਸ਼ਲ ਮੀਡੀਆ ‘ਤੇ ਟ੍ਰੋਲ ਕੀਤਾ ਗਿਆ ਅਤੇ ਫਿਲਮ ‘ਤੇ ਪਾਬੰਦੀ ਲਗਾਉਣ ਦੀ ਮੰਗ ਉਠਾਈ।
ਇਸ ਸਭ ਦੇ ਵਿਚਕਾਰ ਹੁਣ ਫਿਲਮ ਦੇ ਟੀਜ਼ਰ ਦਾ ਐਲਾਨ ਕਰ ਦਿੱਤਾ ਗਿਆ ਹੈ। ਅਕਸ਼ੈ ਨੇ ਆਪਣੇ ਇੰਸਟਾਗ੍ਰਾਮ ‘ਤੇ ਇਕ ਪ੍ਰੋਮੋ ਵੀਡੀਓ ਸ਼ੇਅਰ ਕੀਤਾ ਹੈ, ਜਿਸ ‘ਚ ਉਨ੍ਹਾਂ ਨੇ ਦੱਸਿਆ ਹੈ ਕਿ ‘ ਓ ਮਾਈ ਗੌਡ 2’ ਦਾ ਟੀਜ਼ਰ ਕਦੋਂ ਆ ਰਿਹਾ ਹੈ। ਤੁਹਾਨੂੰ ਦੱਸ ਦੇਈਏ ਫਿਲਮ ਦਾ ਟੀਜ਼ਰ ‘ਮਿਸ਼ਨ ਇੰਪੌਸੀਬਲ 7’ ਦੇ ਨਾਲ 11 ਜੁਲਾਈ ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਵੇਗਾ। ਅਕਸ਼ੈ ਦੀ ਵੀਡੀਓ ‘ਚ ਉਹ ਲੋਕਾਂ ਦੀ ਭੀੜ ‘ਚ ਘੁੰਮਦੇ ਨਜ਼ਰ ਆ ਰਹੇ ਹਨ ਅਤੇ ਲੋਕ ਹਰ ਹਰ ਮਹਾਦੇਵ ਦਾ ਜਾਪ ਕਰ ਰਹੇ ਹਨ। ਵੀਡੀਓ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਅਕਸ਼ੈ ਕੁਮਾਰ ਬਾਬਾ ਭੋਲੇਨਾਥ ਦੀ ਤਰ੍ਹਾਂ ਸਿਰ ‘ਤੇ ਜਟਾ, ਮੱਥੇ ‘ਤੇ ਸੁਆਹ, ਗਲੇ ‘ਤੇ ਨੀਲ ਅਤੇ ਰੁਦਰਾਕਸ਼ ਦੀ ਮਾਲਾ ਪਹਿਨੇ ਨਜ਼ਰ ਆ ਰਹੇ ਹਨ। ਇਸ ਵੀਡੀਓ ਦੇ ਕੈਪਸ਼ਨ ‘ਚ ਲਿਖਿਆ, 11 ਜੁਲਾਈ ਨੂੰ #OMG2 ਟੀਜ਼ਰ। #OMG2 11 ਅਗਸਤ ਨੂੰ ਸਿਨੇਮਾਘਰਾਂ ਵਿੱਚ।
ਖਬਰਾਂ ਮੁਤਾਬਕ ਫਿਲਮ ਦਾ ਵਿਸ਼ਾ ਸੈਕਸ ਐਜੂਕੇਸ਼ਨ ‘ਤੇ ਆਧਾਰਿਤ ਹੋਵੇਗਾ। ਇਹ ਫਿਲਮ ਕਥਿਤ ਤੌਰ ‘ਤੇ ਇਕ ਕੋਰਟਰੂਮ ਡਰਾਮਾ ਹੋਵੇਗੀ, ਜਿਸ ਵਿਚ ਇਕ ਨਾਗਰਿਕ ਸਕੂਲਾਂ ਵਿਚ ਲਾਜ਼ਮੀ ਸੈਕਸ ਸਿੱਖਿਆ ਦੀ ਮੰਗ ਕਰਦੇ ਹੋਏ ਅਦਾਲਤ ਵਿਚ ਜਾਂਦਾ ਹੈ।
