pandya store fame actor akshay kharodia : ‘ਪਾਂਡਿਆ ਸਟੋਰ’ ਦੇ ਮਸ਼ਹੂਰ ਅਭਿਨੇਤਾ ਅਕਸ਼ੈ ਖਰੋਦਿਆ ਪਿਛਲੇ ਕੁਝ ਦਿਨਾਂ ਤੋਂ ਬਹੁਤ ਪਰੇਸ਼ਾਨ ਨਜ਼ਰ ਆ ਰਹੇ ਸਨ। ਕੋਈ ਅਕਸ਼ੈ ਖਰੋਦਿਆ ਦੇ ਨਾਮ ‘ਤੇ ਧੋਖਾਧੜੀ ਕਰ ਰਿਹਾ ਹੈ। ਜਿਸ ਕਾਰਨ ਉਹ ਬਹੁਤ ਪਰੇਸ਼ਾਨ ਹੈ। ਅਕਸ਼ੈ ਖਰੋਦਿਆ ਦੇ ਨਾਮ ਦੀ ਵਰਤੋਂ ਕਰਦਿਆਂ ਇਕ ਅਨਜਾਨ ਵਿਅਕਤੀ ਕੁੜੀਆਂ ਤੋਂ ਉਹਨਾਂ ਦੀਆਂ ਨਗਨ ਫੋਟੋਆਂ ਤੇ ਪੈਸੇ ਲੈ ਰਿਹਾ ਹੈ। ਪਿਛਲੇ ਚਾਰ ਸਾਲਾਂ ਤੋਂ ਚਲ ਤੋਂ ਇੰਝ ਹੀ ਚਲ ਰਿਹਾ ਹੈ, ਜਿਸ ਦਾ ਹੱਲ ਅੱਜ ਤੱਕ ਨਹੀਂ ਹੋਇਆ।
ਅਕਸ਼ੇ ਨੇ ਹਾਲ ਹੀ ਵਿਚ ਇਸ ਬਾਰੇ ਗੱਲ ਕੀਤੀ ਹੈ। ਅਕਸ਼ੈ ਨੇ ਦੱਸਿਆ ਕਿ, ‘ਬਹੁਤ ਸਾਰੇ ਜਾਅਲੀ ਅਕਾਊਂਟ ਹਨ ਜੋ ਕੁੜੀਆਂ ਨੂੰ ਫਸਾਉਣ ਲਈ ਮੇਰਾ ਨਾਮ ਅਤੇ ਮੇਰੀਆਂ ਤਸਵੀਰਾਂ ਦੀ ਵਰਤੋਂ ਕਰ ਰਹੀਆਂ ਹਨ। ਮੈਂ ਰਿਤਵਿਕ ਸਿੰਘ ਨਾਮ ਦੇ ਇਕ ਵਿਅਕਤੀ ਦਾ ਨਾਮ ਸੁਣਿਆ ਹੈ ਜੋ ਪਿਛਲੇ ਕੁਝ ਸਮੇਂ ਤੋਂ ਇਹ ਕੰਮ ਕਰ ਰਿਹਾ ਹੈ। ਮੈਂ ਇਸ ਮਾਮਲੇ ‘ਤੇ ਚਾਰ ਸਾਲ ਪਹਿਲਾਂ ਸ਼ਿਕਾਇਤ ਦਰਜ ਕਰਵਾਈ ਸੀ, ਪਰ ਕੋਈ ਕਾਰਵਾਈ ਨਹੀਂ ਹੋਈ। ਪੁਲਿਸ ਜਾਂ ਸਾਈਬਰ ਸੈੱਲ ਵੱਲੋਂ ਕੋਈ ਜਵਾਬ ਨਹੀਂ ਆਇਆ। ‘ਅਕਸ਼ੈ ਨੇ ਅੱਗੇ ਕਿਹਾ, ‘ਇਹ ਵਿਅਕਤੀ ਕੁੜੀਆਂ ਨਾਲ (ਅਕਸ਼ੈ) ਬਣ ਕੇ ਉਨ੍ਹਾਂ ਨੂੰ ਪਿਆਰ ਦੇ ਜਾਲ’ ਚ ਫਸ ਕੇ ਫਿਰ ਉਨ੍ਹਾਂ ਦੀਆਂ ਨਗਨ ਫੋਟੋਆਂ ਦੀ ਮੰਗ ਕਰਦਾ ਸੀ । ਬਾਅਦ ਵਿਚ ਉਹ ਕੁੜੀਆਂ ਨੂੰ ਬਲੈਕਮੇਲ ਕਰਦਾ ਅਤੇ ਪੈਸੇ ਮੰਗਦਾ ਸੀ। ਮੇਰੀ ਜਾਣਕਾਰੀ ਦੇ ਅਨੁਸਾਰ, ਉਹ ਹੁਣ ਤਕ 20-25 ਲੱਖ ਰੁਪਏ ਚ ਘੁਟਾਲਾ ਕਰ ਚੁੱਕਾ ਹੈ।
ਅਕਸ਼ੈ ਨੇ ਕਿਹਾ ਕਿ ਉਹ ਬਹੁਤ ਤਣਾਅ ਵਿੱਚ ਹਨ। ਅਕਸ਼ੈ ਨੇ ਦੱਸਿਆ, ‘ਅਜਿਹੀਆਂ ਡਿੱਗੀਆਂ ਹਰਕਤਾਂ ਕਰਨ ਵਾਲੇ ਲੋਕ , ਕਮਜ਼ੋਰ ਦਿਲ ਵਾਲੇ ਲੋਕਾਂ ਨੂੰ ਚੁਣਦੇ ਹਨ ਅਤੇ ਪਤਾ ਨਹੀਂ ਕਿਉਂ ਕੁੜੀਆਂ ਵੀ ਉਨ੍ਹਾਂ ਦੇ ਜਾਲ ਵਿੱਚ ਫਸ ਜਾਂਦੀਆਂ ਹਨ। ਉਨ੍ਹਾਂ ਨਾਲ ਵੀਡੀਓ ਕਾਲ ‘ਤੇ ਗੱਲ ਕੀਤੇ ਜਾਂ ਉਨ੍ਹਾਂ ਨੂੰ ਜਾਣੇ ਬਗੈਰ। ਸ਼ੁਰੂ ਵਿਚ, ਮੈਂ ਪੀੜਤ ਵਿਅਕਤੀਆਂ ਤੋਂ ਇਕ ਜਾਂ ਦੋ ਮੇਲ ਪ੍ਰਾਪਤ ਕਰਦਾ ਸੀ,ਪਰ ਹੁਣ ਮੈਨੂੰ ਬਹੁਤ ਸਾਰੀਆਂ ਮੇਲ ਅਤੇ ਸੰਦੇਸ਼ ਮਿਲਦੇ ਜਾ ਰਹੇ ਹਨ। ਇਹ ਕੰਮ ਕਰਨ ਵਾਲਾ ਵਿਅਕਤੀ ਕਹਿੰਦਾ ਹੈ ਕਿ ਉਸ ਦਾ ਪਿਤਾ ਪੁਲਿਸ ਵਿਚ ਹੈ ਅਤੇ ਉਸ ਦੀ ਇਕ ਪ੍ਰੇਮਿਕਾ ਸੀ, ਜਿਸ ਦੀ ਕਾਰ ਹਾਦਸੇ ਵਿਚ ਮੌਤ ਹੋ ਗਈ। ਇਸ ਤਰ੍ਹਾਂ ਦੀ ਕਹਾਣੀ ਬਣਾ ਕੇ, ਉਹ ਕੁੜੀਆਂ ਨਾਲ ਭਾਵੁਕ ਖੇਡ ਖੇਡਦਾ ਹੈ ਅਤੇ ਉਨ੍ਹਾਂ ਦਾ ਭਰੋਸਾ ਜਿੱਤਦਾ ਹੈ। ਅੱਗੋਂ ਅਕਸ਼ੇ ਨੇ ਕੁੜੀਆਂ ਨੂੰ ਅਤੇ ਵਿਸ਼ੇਸ਼ ਲੋਕਾਂ ਨੂੰ ਅਜਿਹੇ ਲੋਕਾਂ ਦੀ ਆੜ ਵਿਚ ਨਾ ਫਸਣ ਦੀ ਅਪੀਲ ਕੀਤੀ ਹੈ। ਉਸਨੇ ਕਿਹਾ, ‘ਮੈਂ ਕੁੜੀਆਂ ਨੂੰ ਕਹਿਣਾ ਚਾਹੁੰਦਾ ਹਾਂ ਕਿ ਕਿਸੇ ਅਣਜਾਣ ਵਿਅਕਤੀ’ ਤੇ ਅੰਨ੍ਹੇਵਾਹ ਭਰੋਸਾ ਨਾ ਕਰੋ। ਜੇ ਤੁਸੀਂ ਕਿਸੇ ਦੀ ਮਦਦ ਕਰ ਰਹੇ ਹੋ ਜਾਂ ਕਿਸੇ ਨਾਲ ਦੋਸਤੀ ਕਰ ਰਹੇ ਹੋ, ਤਾਂ ਪਹਿਲਾਂ ਉਸ ਵਿਅਕਤੀ ਨੂੰ ਜਾਣੋ। ਵੀਡੀਓ ਕਾਲ ‘ਤੇ ਗੱਲ ਕਰੋ ਅਤੇ ਫਿਰ ਅੱਗੇ ਵਧੋ।’
