yuvraj hans funny video:ਪੰਜਾਬੀ ਗਾਇਕ ਤੇ ਅਦਾਕਾਰ ਯੁਵਰਾਜ ਹੰਸ ਨੇ ਆਪਣੇ ਇੰਸਟਾਗਰਾਮ ਉੱਤੇ ਆਪਣੀ ਇੱਕ ਨਵੀਂ ਵੀਡੀਓ ਸ਼ੇਅਰ ਕੀਤੀ ਹੈ ।ਇਸ ਵੀਡੀਓ ‘ਚ ਯੁਵਰਾਜ ਹੰਸ ਆਪਣੀ ਪਤਨੀ ਮਾਨਸੀ ਸ਼ਰਮਾ ਤੇ ਬੇਟੇ ਰੇਦਾਨ ਦੇ ਨਾਲ ਦਿਖਾਈ ਦੇ ਰਹੇ ਨੇ । ਵੀਡੀਓ ‘ਚ ਮਾਨਸੀ ਸ਼ਰਮਾ ਆਪਣੇ ਮੋਬਾਇਲ ਫੋਨ ‘ਚ ਮਸ਼ਰੂਫ ਦਿਖਾਈ ਦੇ ਰਹੇ ਨੇ ਤੇ ਯੁਵਰਾਜ ਹੰਸ ਆਪਣੇ ਬੇਟੇ ਨੂੰ ਦੁੱਧ ਵਾਲੀ ਬੋਤਲ ਦੇ ਨਾਲ ਦੁੱਧ ਪਿਲਾਉਂਦੇ ਹੋਏ ਦਿਖਾਈ ਦੇ ਰਹੇ ਨੇ। ਵੀਡੀਓ ‘ਚ ਇੱਕ ਗੀਤ ਵੀ ਸੁਣਨ ਨੂੰ ਮਿਲ ਰਿਹਾ ਹੈ ਜਿਸਦੇ ਦੇ ਬੋਲ ਕੁਝ ਇਸ ਤਰ੍ਹਾਂ ਨੇ -ਲੱਗਦਾ ਵਿਆਹ ਕਰਵਾ ਕੇ ਸੱਜਣਾ ਹੁਣ ਪਛਤਾਉਂਦਾ ਫਿਰਦਾ ਏ’। ਇਸ ਵੀਡੀਓ ਨੂੰ ਦੇਖ ਕੇ ਦਰਸ਼ਕਾਂ ਦਾ ਹੱਸ ਹੱਸ ਬੁਰਾ ਹਾਲ ਹੋ ਰਿਹਾ ਹੈ । ਫੈਨਜ਼ ਹਾਸੇ ਵਾਲੇ ਕਮੈਂਟਸ ਕਰਕੇ ਦੱਸ ਰਹੇ ਨੇ ਕਿ ਉਨ੍ਹਾਂ ਨੂੰ ਇਹ ਵੀਡਓ ਕਿੰਨਾ ਪਸੰਦ ਆ ਰਿਹਾ ਹੈ ।
ਦੱਸ ਦਈਏ ਇਹ ਵੀਡੀਓ ਮਾਨਸੀ ਸ਼ਰਮਾ ਤੇ ਯੁਵਰਾਜ ਹੰਸ ਨੇ ਦਰਸ਼ਕਾਂ ਨੂੰ ਹਸਾਉਂਣ ਦੇ ਲਈ ਬਣਾਇਆ ਹੈ । ਇਸ ਵੀਡੀਓ ਨੂੰ ਸ਼ੇਅਰ ਕਰਦੇ ਹੋਏ ਉਨ੍ਹਾਂ ਨੇ ਲਿਖਿਆ ਹੈ, ‘ਹੈਪੀ ਮੈਰੀਡ ਲਾਈਫ਼ #joke’। ਕੁਝ ਮਹੀਨੇ ਪਹਿਲਾਂ ਹੀ ਦੋਵੇਂ ਇੱਕ ਬੇਟੇ ਦੇ ਮਾਪੇ ਬਣ ਗਏ ਨੇ । ਉਨ੍ਹਾਂ ਨੇ ਆਪਣੇ ਬੇਟੇ ਦਾ ਨਾਂਅ ਰੇਦਾਨ ਯੁਵਰਾਜ ਹੰਸ ਰੱਖਿਆ ਹੈ । ਤੁਹਾਨੂੰ ਦੱਸ ਦੇਈਏ ਕਿ ਇਹ ਕਪਲ ਸੋਸ਼ਲ ਮੀਡੀਆ ਤੇ ਬਹੁਤ ਐਕਟਿਵ ਰਹਿੰਦਾ ਹੈ ਅਤੇ ਇਹ ਹੀ ਨਹੀਂ ਮਾਨਸੀ ਆਪਣੀ ਪ੍ਰੈਗਨੈਸੀ ਦੌਰਾਨ ਵੀ ਕਈ ਵੀਡੀਓ ਸੋਸ਼ਲ ਮੀਡੀਆ ਤੇ ਸ਼ੇਅਰ ਕਰਦੀ ਰਹਿੰਦੀ ਸੀ ਅਤੇ ਇਹ ਕਪਲ ਟਿੱਕ ਟੌਕ ਤੇ ਕਾਫੀ ਫੇਮਸ ਸੀ ਅਤੇ ਆਪਣੀ ਖੂਬਸੂਰਤ ਵੀਡੀਓ ਨਾਲ ਲੋਕਾਂ ਨੂੰ ਐਂਟਰਟੇਨ ਕਰ ਰਹੇ ਸੀ। ਦੱਸ ਦੇਈਏ ਕਿ ਇਸ ਸਾਲ 12 ਮਈ ਨੂੰ ਇਨ੍ਹਾਂ ਦੇ ਘਰ ਨੰਨ੍ਹੇ ਬੱਚੇ ਦੀਆਂ ਕਿਲਕਾਰੀਆਂ ਗੁੰਜੀਆਂ ਸਨ ਅਤੇ ਇਸ ਦੀ ਜਾਣਕਾਰੀ ਜਿੱਥੇ ਪਿਓ ਯੁਵਰਾਜ ਹੰਸ ਨੇ ਦਿੱਤੀ , ਉੱਥੇ ਹੀ ਦਾਦੇ ਹੰਸਰਾਜ ਹੰਸ ਨੇ ਵੀ ਇਸ ਦੀ ਖੁਸ਼ੀ ਆਪਣੇ ਫੈਨਜ਼ ਨਾਲ ਸੋਸ਼ਲ ਮੀਡੀਆ ਤੇ ਸ਼ੇਅਰ ਕੀਤੀ ਸੀ।
ਤੁਹਾਨੂੰ ਦੱਸ ਦੇਈਏ ਕਿ ਪਹਿਲਾਂ ਇਸ ਕਪਲ ਨੇ ਆਪਣੀ ਬੱਚੇ ਦੀ ਥੋੜੀ ਜਿਹੀ ਝ਼ਲਕ ਫੈਨਜ਼ ਨਾਲ ਸ਼ੇਅਰ ਕੀਤੀ ਸੀ ਪਰ ਜਦੋਂ ਬੱਚਾ ਹਰੀਦਾਨ 40 ਦਿਨਾਂ ਦਾ ਹੋਇਆ ਤਾਂ ਉਨ੍ਹਾਂ ਨੇ ਆਪਣੇ ਬੱਚੇ ਦੀ ਪੂਰੀ ਤਸਵੀਰ ਸ਼ੇਅਰ ਕੀਤੀ ਸੀ ਅਤੇ ਉਨ੍ਹਾਂ ਦੇ ਫੈਨਜ਼ ਨੂੰ ਵੀ ਇਹ ਕਿਊਟ ਬੱਚੇ ਦੀ ਤਸਵੀਰ ਬਹੁਤ ਪਸੰਦ ਆਈ ਸੀ।
