Pushpa The Rule Poster: ਦੱਖਣ ਸਿਨੇਮਾ ਦੇ ਸੁਪਰਸਟਾਰ ਆਪਣੀ ਨਵੀਂ ਫਿਲਮ ‘ਪੁਸ਼ਪਾ: ਦ ਰੂਲ’ ਵਿੱਚ ਰੁੱਝੇ ਹੋਏ ਹਨ। ਪ੍ਰਸ਼ੰਸਕ ਇਸ ਫਿਲਮ ਦੀ ਰਿਲੀਜ਼ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਹੁਣ ਅੱਲੂ ਅਰਜੁਨ ਨੇ ਆਪਣੇ ਜਨਮਦਿਨ ਤੇ ਪ੍ਰਸ਼ੰਸਕਾਂ ਨੂੰ ਖਾਸ ਤੋਹਫਾ ਦਿੱਤਾ ਹੈ। ਉਨ੍ਹਾਂ ਨੇ ਫਿਲਮ ਪੁਸ਼ਪਾ 2 ਦਾ ਪੋਸਟਰ ਸ਼ੇਅਰ ਕੀਤਾ ਹੈ, ਜਿਸ ‘ਚ ਉਹ ਬੇਹੱਦ ਖਤਰਨਾਕ ਲੁੱਕ ‘ਚ ਨਜ਼ਰ ਆ ਰਹੇ ਹਨ। ਉਨ੍ਹਾਂ ਦਾ ਲੁੱਕ ਚਰਚਾ ਦਾ ਵਿਸ਼ਾ ਬਣ ਗਿਆ ਹੈ।
ਅੱਲੂ ਅਰਜੁਨ ਨੇ ਪ੍ਰਸ਼ੰਸਕਾਂ ਨੂੰ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ‘ਪੁਸ਼ਪਾ: ਦ ਰੂਲ’ ਦੇ ਪੋਸਟਰ ਦੀ ਝਲਕ ਦਿਖਾਈ ਹੈ, ਜਿਸ ‘ਚ ਉਨ੍ਹਾਂ ਦਾ ਲੁੱਕ ਡਰਾਉਣਾ ਹੈ। ਪੋਸਟਰ ‘ਚ ਦੇਖਿਆ ਜਾ ਸਕਦਾ ਹੈ ਕਿ ਅੱਲੂ ਅਰਜੁਨ ਦੱਖਣੀ ਭਾਰਤੀ ਸਾੜੀ ‘ਚ ਨਜ਼ਰ ਆ ਰਹੇ ਹਨ। ਉਸ ਦੇ ਗਲੇ ਵਿਚ ਨਿੰਬੂ ਦੀ ਮਾਲਾ ਹੈ। ਅਭਿਨੇਤਾ ਨੂੰ ਚੂੜੀਆਂ, ਮੁੰਦਰੀਆਂ ਅਤੇ ਕਈ ਹਾਰ ਪਹਿਨੇ ਹੋਏ ਦੇਖਿਆ ਗਿਆ ਹੈ। ਅੱਲੂ ਨੇ ਕਮਰ ‘ਤੇ ਬੈਲਟ ਵੀ ਪਾਈ ਹੋਈ ਹੈ, ਜਿਸ ਨੂੰ ਔਰਤਾਂ ਰਵਾਇਤੀ ਕੱਪੜਿਆਂ ਦੇ ਨਾਲ ਪਹਿਨਦੀਆਂ ਹਨ। ਪੋਸਟਰ ‘ਚ ਅੱਲੂ ਅਰਜੁਨ ਦੇ ਮਲਟੀਕਲਰ ਮੇਕਅੱਪ ਨੇ ਵੀ ਲੋਕਾਂ ਦਾ ਧਿਆਨ ਆਪਣੇ ਵੱਲ ਖਿੱਚਿਆ ਹੈ। ਮੱਥੇ ‘ਤੇ ਇਕ ਬਿੰਦੀ ਹੈ, ਜੋ ਸ਼ਿਵ ਦੀ ਤੀਜੀ ਅੱਖ ਵਰਗੀ ਦਿਖਾਈ ਦਿੰਦੀ ਹੈ। ਹੱਥ ਵਿੱਚ ਬੰਦੂਕ ਫੜੇ ਅੱਲੂ ਅਰਜੁਨ ਦਾ ਇਹ ਲੁੱਕ ਬਹੁਤ ਡਰਾਉਣਾ ਹੈ।
‘ਪੁਸ਼ਪਾ : ਦ ਰੂਲ’ ਦੇ ਇਸ ਪੋਸਟਰ ਨੂੰ ਦੇਖ ਕੇ ਪ੍ਰਸ਼ੰਸਕ ਦੀਵਾਨੇ ਹੋ ਗਏ ਹਨ ਅਤੇ ਕਮੈਂਟ ਸੈਕਸ਼ਨ ‘ਚ ਆਪਣੀ ਪ੍ਰਤੀਕਿਰਿਆ ਦੇ ਰਹੇ ਹਨ। ਮੇਕਰਸ ਨੇ ਆਲੂ ਅਰਜੁਨ ਦੇ ਜਨਮਦਿਨ ਤੋਂ ਇੱਕ ਦਿਨ ਪਹਿਲਾਂ ‘ਪੁਸ਼ਪਾ 2’ ਦਾ ਇੱਕ ਵੀਡੀਓ ਵੀ ਜਾਰੀ ਕੀਤਾ ਹੈ, ਜਿਸ ਨੂੰ ਕਾਫੀ ਪਸੰਦ ਕੀਤਾ ਜਾ ਰਿਹਾ ਹੈ। ਧਿਆਨ ਯੋਗ ਹੈ ਕਿ ‘ਪੁਸ਼ਪਾ ਦਿ ਰਾਈਜ਼’ ਦਸੰਬਰ 2021 ਦੇ ਮਹੀਨੇ ਰਿਲੀਜ਼ ਹੋਈ ਸੀ। ਇਸ ਵਿੱਚ ਅੱਲੂ ਅਰਜੁਨ ਨੇ ਚੰਦਨ ਤਸਕਰ ਪੁਸ਼ਪਾ ਦਾ ਕਿਰਦਾਰ ਨਿਭਾਇਆ ਹੈ। ਰਸ਼ਮਿਕਾ ਮੰਡਨਾ ਨਾਲ ਅੱਲੂ ਅਰਜੁਨ ਦੀ ਕੈਮਿਸਟਰੀ ਨੂੰ ਕਾਫੀ ਪਸੰਦ ਕੀਤਾ ਗਿਆ ਸੀ। ਇਸ ਵਾਰ ਮੇਕਰਸ ਨੇ ‘ਪੁਸ਼ਪਾ 2’ ਨੂੰ ਵੱਡੇ ਪੱਧਰ ‘ਤੇ ਬਣਾਇਆ ਹੈ। ‘ਪੁਸ਼ਪਾ ਦਿ ਰਾਈਜ਼’ ਨੇ ਦੁਨੀਆ ਭਰ ‘ਚ 300 ਕਰੋੜ ਰੁਪਏ ਤੋਂ ਜ਼ਿਆਦਾ ਦੀ ਕਮਾਈ ਕੀਤੀ ਹੈ।
