Rakesh Master Passes Away: ਮਸ਼ਹੂਰ ਤੇਲਗੂ ਕੋਰੀਓਗ੍ਰਾਫਰ ਰਾਕੇਸ਼ ਮਾਸਟਰ ਦਾ ਐਤਵਾਰ ਨੂੰ 53 ਸਾਲ ਦੀ ਉਮਰ ਵਿੱਚ ਦਿਹਾਂਤ ਹੋ ਗਿਆ। ਰਾਕੇਸ਼ ਮਾਸਟਰ ਦੀ ਮੌਤ ਦੀ ਖਬਰ ਨੇ ਸਾਊਥ ਫਿਲਮ ਇੰਡਸਟਰੀ ‘ਚ ਸੋਗ ਦੀ ਲਹਿਰ ਪੈਦਾ ਕਰ ਦਿੱਤੀ ਹੈ। ਕੋਰੀਓਗ੍ਰਾਫਰ ਦੀ ਮੌਤ ‘ਤੇ ਸਾਰੇ ਸੈਲੇਬਸ ਅਤੇ ਪ੍ਰਸ਼ੰਸਕਾਂ ਨੇ ਦੁੱਖ ਪ੍ਰਗਟ ਕੀਤਾ ਹੈ।
ਰਿਪੋਰਟ ਮੁਤਾਬਕ ਤੇਲਗੂ ਫਿਲਮ ਇੰਡਸਟਰੀ ਦੀ ਮਸ਼ਹੂਰ ਹਸਤੀ ਰਾਕੇਸ਼ ਇਕ ਹਫਤਾ ਪਹਿਲਾਂ ਵਿਸ਼ਾਖਾਪਟਨਮ ‘ਚ ਆਊਟਡੋਰ ਸ਼ੂਟਿੰਗ ਤੋਂ ਬਾਅਦ ਹੈਦਰਾਬਾਦ ਪਰਤੇ ਸਨ ਅਤੇ ਬੀਮਾਰ ਹੋ ਗਏ ਸਨ। ਜਦੋਂ ਉਸ ਦੀ ਹਾਲਤ ਵਿਗੜ ਗਈ ਤਾਂ ਉਸ ਨੂੰ ਹੈਦਰਾਬਾਦ ਦੇ ਗਾਂਧੀ ਹਸਪਤਾਲ ਵਿਚ ਦਾਖਲ ਕਰਵਾਇਆ ਗਿਆ ਪਰ ਡਾਕਟਰਾਂ ਦੀਆਂ ਸਾਰੀਆਂ ਕੋਸ਼ਿਸ਼ਾਂ ਦੇ ਬਾਵਜੂਦ ਉਸ ਨੂੰ ਬਚਾਇਆ ਨਹੀਂ ਜਾ ਸਕਿਆ। ਰਾਕੇਸ਼ ਨੇ ਐਤਵਾਰ ਸ਼ਾਮ ਨੂੰ ਆਖਰੀ ਸਾਹ ਲਿਆ। ਡਾਕਟਰਾਂ ਮੁਤਾਬਕ ਰਾਕੇਸ਼ ਦੇ ਕਈ ਅੰਗਾਂ ਨੇ ਕੰਮ ਕਰਨਾ ਬੰਦ ਕਰ ਦਿੱਤਾ ਸੀ। ਉਹ ਸ਼ੂਗਰ ਤੋਂ ਵੀ ਪੀੜਤ ਸੀ ਅਤੇ ਗੰਭੀਰ ਮੈਟਾਬੋਲਿਕ ਐਸਿਡੋਸਿਸ ਤੋਂ ਪੀੜਤ ਸੀ। ਉਨ੍ਹਾਂ ਦੇ ਦੇਹਾਂਤ ਨਾਲ ਫਿਲਮ ਇੰਡਸਟਰੀ ‘ਚ ਸੋਗ ਦੀ ਲਹਿਰ ਦੌੜ ਗਈ ਹੈ।
ਵੀਡੀਓ ਲਈ ਕਲਿੱਕ ਕਰੋ -:
“ਦੌੜ ‘ਚ ਤੂਫਾਨ ਵਾਂਗ ਧੱਕ ਪਾਉਣ ਵਾਲਾ athlete, ਈ-ਰਿਕਸ਼ਾ ਚਲਾਉਣ ਲਈ ਹੋਇਆ ਮਜ਼ਬੂਰ, CM Mann ਤੱਕ ਪਹੁੰਚਾ ਦਿਓ”
ਮਰਹੂਮ ਕੋਰੀਓਗ੍ਰਾਫਰ ਰਾਕੇਸ਼ ਮਾਸਟਰ ਨੇ ਆਪਣੇ ਕਰੀਅਰ ਦੀ ਸ਼ੁਰੂਆਤ ‘ਆਤਾ’ ਅਤੇ ‘ਧੀ’ ਵਰਗੇ ਡਾਂਸ ਰਿਐਲਿਟੀ ਸ਼ੋਅ ਨਾਲ ਕੀਤੀ ਸੀ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਫਿਲਮ ਇੰਡਸਟਰੀ ‘ਚ ਐਂਟਰੀ ਕੀਤੀ। ਉਸਨੇ ਲਗਭਗ 1,500 ਫਿਲਮਾਂ ਲਈ ਕੋਰੀਓਗ੍ਰਾਫਰ ਵਜੋਂ ਕੰਮ ਕੀਤਾ ਅਤੇ ਕਈ ਹਿੱਟ ਗੀਤ ਦਿੱਤੇ। ਤਿਰੂਪਤੀ ‘ਚ ਜਨਮੇ ਰਾਕੇਸ਼ ਦਾ ਅਸਲੀ ਨਾਂ ਐੱਸ. ਰਾਮਾ ਰਾਓ ਸੀ ਉਸਨੇ ਡਾਂਸ ਮਾਸਟਰ ਵਜੋਂ ਆਪਣਾ ਕਰੀਅਰ ਸ਼ੁਰੂ ਕਰਨ ਤੋਂ ਪਹਿਲਾਂ ਕੁਝ ਸਮਾਂ ਹੈਦਰਾਬਾਦ ਵਿੱਚ ਮਾਸਟਰ ਮੁੱਕੂ ਰਾਜੂ ਦੇ ਅਧੀਨ ਕੰਮ ਕੀਤਾ। ਉਸਨੇ ਵੈਂਕਟੇਸ਼, ਨਾਗਾਰਜੁਨ, ਮਹੇਸ਼ ਬਾਬੂ, ਰਾਮ ਪੋਥੀਨੇਨੀ ਅਤੇ ਪ੍ਰਭਾਸ ਵਰਗੇ ਕਈ ਚੋਟੀ ਦੇ ਅਦਾਕਾਰਾਂ ਨਾਲ ਕੰਮ ਕੀਤਾ। ਹਾਲਾਂਕਿ ਉਹ ਕੁਝ ਸਮੇਂ ਲਈ ਇੰਡਸਟਰੀ ਤੋਂ ਦੂਰ ਰਹੇ।
