Rhea Chakraborty Join Roadies: ਰੀਆ ਚੱਕਰਵਰਤੀ ਦਾ ਨਾਮ ਵੀ ਸੁਸ਼ਾਂਤ ਸਿੰਘ ਰਾਜਪੂਤ ਮੌਤ ਕੇਸ ਦੇ ਵਿਵਾਦ ਵਿੱਚ ਸ਼ਾਮਲ ਹੋਇਆ। ਇਸ ਕੇਸ ਤੋਂ ਬਾਅਦ ਸਾਲ 2021 ‘ਚ ਅਦਾਕਾਰਾ ਦੀ ਫਿਲਮ ‘ਚੇਹਰੇ’ ਆਈ ਸੀ। ਹੁਣ ਰੀਆ ਟੀਵੀ ਦੇ ਮਸ਼ਹੂਰ ਰਿਐਲਿਟੀ ਸ਼ੋਅ ਦਾ ਹਿੱਸਾ ਬਣ ਗਈ ਹੈ। ਜਿਵੇਂ ਹੀ ਇਹ ਜਾਣਕਾਰੀ ਸੋਸ਼ਲ ਮੀਡੀਆ ‘ਤੇ ਸਾਹਮਣੇ ਆਈ, ਮਰਹੂਮ ਅਦਾਕਾਰ ਦੇ ਪ੍ਰਸ਼ੰਸਕਾਂ ਵਿੱਚ ਹਾਹਾਕਾਰ ਮੱਚ ਗਈ।
ਰੀਆ ਚੱਕਰਵਰਤੀ ਨੇ ਅਧਿਕਾਰਤ ਇੰਸਟਾਗ੍ਰਾਮ ‘ਤੇ ਇਕ ਵੀਡੀਓ ਸ਼ੇਅਰ ਕੀਤੀ ਹੈ, ਜੋ ਕਿ MTV ਦੇ ਸਟੰਟ ਆਧਾਰਿਤ ਰਿਐਲਿਟੀ ਸ਼ੋਅ ਰੋਡੀਜ਼ ਦਾ ਲੇਟੈਸਟ ਪ੍ਰੋਮੋ ਹੈ। ਅਦਾਕਾਰਾ ਸ਼ੋਅ ਵਿੱਚ ਇੱਕ ਗੈਂਗ ਲੀਡਰ ਦੇ ਰੂਪ ਵਿੱਚ ਨਜ਼ਰ ਆਵੇਗੀ। ਇਹ ਪਹਿਲੀ ਵਾਰ ਹੋਵੇਗਾ ਜਦੋਂ ਰੀਆ ਟੀਵੀ ‘ਤੇ ਨਜ਼ਰ ਆਵੇਗੀ। ਰਿਆ ਚੱਕਰਵਰਤੀ ਨੇ ਪ੍ਰੋਮੋ ‘ਚ ਟ੍ਰੋਲਰਸ ‘ਤੇ ਨਿਸ਼ਾਨਾ ਸਾਧਿਆ ਹੈ। ਵੀਡੀਓ ‘ਚ ਅਦਾਕਾਰਾ ਰੱਸੀ ਤੋਂ ਛਾਲ ਮਾਰ ਕੇ ਜ਼ਮੀਨ ‘ਤੇ ਆ ਜਾਂਦੀ ਹੈ। ਉਸ ਦਾ ਚਿਹਰਾ ਕੁਝ ਸਕਿੰਟਾਂ ਬਾਅਦ ਸਾਹਮਣੇ ਆਉਂਦਾ ਹੈ। ਵੀਡੀਓ ‘ਚ ਰੀਆ ਨੇ ਕਿਹਾ, “ਤੁਹਾਨੂੰ ਕੀ ਲੱਗਦਾ ਹੈ ਕਿ ਮੈਂ ਵਾਪਿਸ ਨਹੀਂ ਆਵਾਂਗੀ, ਡਰ ਜਾਵਾਂਗੀ? ਹੁਣ ਡਰਨ ਦੀ ਵਾਰੀ ਕਿਸੇ ਹੋਰ ਦੀ ਹੈ।”ਰੀਆ ਚੱਕਰਵਰਤੀ ਦੇ ਨਾਲ ਹੀ ਇਸ ਵੀਡੀਓ ਨੂੰ MTV ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਵੀ ਸ਼ੇਅਰ ਕੀਤਾ ਹੈ। ਪੋਸਟ ਦੇ ਨਾਲ ਕੈਪਸ਼ਨ ਵਿੱਚ ਲਿਖਿਆ ਹੈ, “ਸਾਵਧਾਨ ਰਹਿਣਾ ਹੈ ਜਾਂ ਡਰਨਾ ਹੈ? ਜੋ ਵੀ ਹੋਵੇ, ਤੁਸੀਂ ਇਸ ਨੂੰ ਨਜ਼ਰਅੰਦਾਜ਼ ਨਹੀਂ ਕਰ ਸਕੋਗੇ!
ਜਿਵੇਂ ਹੀ ਰੀਆ ਚੱਕਰਵਰਤੀ ਦਾ ਇਹ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਸਾਹਮਣੇ ਆਇਆ , ਸੁਸ਼ਾਂਤ ਸਿੰਘ ਰਾਜਪੂਤ ਦੇ ਪ੍ਰਸ਼ੰਸਕਾਂ ਨੇ ਆਪਣੀ ਨਾਰਾਜ਼ਗੀ ਜਤਾਈ। ਪ੍ਰੋਮੋ ‘ਤੇ ਟਿੱਪਣੀ ਕਰਦੇ ਹੋਏ, ਇੱਕ ਉਪਭੋਗਤਾ ਨੇ ਕਿਹਾ, “ਛੀ ਯਾਰ ਯੇ ਕਯਾ ਬਕਵਾਸ ਹੈ, ਐਮਟੀਵੀ ਵਾਲੋਂ ਪਾਗਲ ਹੋ ਗਏ ਹੋ ਕੀ।”
ਇੱਕ ਹੋਰ ਯੂਜ਼ਰ ਨੇ ਕਿਹਾ, “ਨਵੇਂ ਗੈਂਗ ਲੀਡਰ ਨੂੰ ਲਿਆਉਣਾ ਹੁੰਦਾ, ਤਾਂ ਸ਼ਵੇਤਾ ਅਤੇ ਨੈਨਾ ਵਰਗੀਆਂ ਸਾਬਕਾ ਰੋਡੀਜ਼ਾਂ ਨੂੰ ਲਿਆਉਂਦੇ, ਜੋ ਮਜ਼ਬੂਤ ਸਨ। ਤੁਸੀਂ ਉਨ੍ਹਾਂ ਨੂੰ ਜੇਲ੍ਹ ਤੋਂ ਕਿਉਂ ਲਿਆਏ ਹੋ।
