salman film title changed: ਬਾਲੀਵੁੱਡ ਦੇ ਦਬੰਗ ਸਲਮਾਨ ਖਾਨ ਦੀ ਫਿਲਮ ‘ਕਭੀ ਈਦ ਕਭੀ ਦੀਵਾਲੀ’ ਜਦੋਂ ਤੋਂ ਬਣਨਾ ਸ਼ੁਰੂ ਹੋਈ ਹੈ, ਉਦੋਂ ਤੋਂ ਹੀ ਸੁਰਖੀਆਂ ‘ਚ ਹੈ। ਕਦੇ ਫ਼ਿਲਮ ਦੀ ਕਾਸਟਿੰਗ ਬਦਲੀ ਜਾਂਦੀ ਹੈ ਤੇ ਕਦੇ ਟਾਈਟਲ। ਹੁਣ ਇੱਕ ਵਾਰ ਫਿਰ ਫਿਲਮ ਦਾ ਟਾਈਟਲ ਬਦਲਿਆ ਗਿਆ ਹੈ।
ਰਿਪੋਰਟ ਮੁਤਾਬਕ ਸਲਮਾਨ ਖਾਨ ਫਿਲਮ ਦਾ ਟਾਈਟਲ ਬਦਲਣ ‘ਤੇ ਵਿਚਾਰ ਕਰ ਰਹੇ ਹਨ। ਸਲਮਾਨ ਚਾਹੁੰਦੇ ਹਨ ਕਿ ਫਿਲਮ ਦਾ ਪੁਰਾਣਾ ਟਾਈਟਲ ਰੱਖਿਆ ਜਾਵੇ, ਜੋ ‘ਭਾਈਜਾਨ’ ਸੀ। ਪਿਛਲੇ ਸਾਲ ਤੱਕ ਸਲਮਾਨ ਖਾਨ ਦੀ ਇਸ ਫਿਲਮ ਦਾ ਨਾਂ ‘ਭਾਈਜਾਨ’ ਲਿਖਿਆ ਜਾ ਰਿਹਾ ਸੀ। ਫਿਰ ਕੁਝ ਮਹੀਨਿਆਂ ਬਾਅਦ ਫਿਲਮ ਦਾ ਟਾਈਟਲ ‘ਕਭੀ ਈਦ ਕਭੀ ਦੀਵਾਲੀ’ ਤੈਅ ਹੋ ਗਿਆ। ਪਰ ਹੁਣ ਫਿਲਮ ਵਿੱਚ ਕਈ ਬਦਲਾਅ ਕੀਤੇ ਜਾ ਰਹੇ ਹਨ, ਇਸ ਦੌਰਾਨ ਟਾਈਟਲ ਬਦਲਣ ਦੀ ਗੱਲ ਵੀ ਸਾਹਮਣੇ ਆ ਰਹੀ ਹੈ। ਸਲਮਾਨ ਖਾਨ ਦੇ ਕਹਿਣ ‘ਤੇ ਫਿਲਮ ਦੀ ਕਾਸਟਿੰਗ ‘ਚ ਬਦਲਾਅ ਕੀਤਾ ਜਾ ਰਿਹਾ ਹੈ। ਪਹਿਲਾਂ ਜ਼ਹੀਰ ਇਕਬਾਲ, ਆਯੂਸ਼ ਸ਼ਰਮਾ ਨੂੰ ਬਦਲਿਆ ਗਿਆ। ਉਨ੍ਹਾਂ ਦੀ ਜਗ੍ਹਾ ਜੱਸੀ ਗਿੱਲ ਅਤੇ ਸਿਧਾਰਥ ਨਿਗਮ ਨੂੰ ਕਾਸਟ ਕੀਤਾ ਗਿਆ ਹੈ।
ਫਿਲਮ ‘ਚ ਸਾਊਥ ਅਦਾਕਾਰ ਜਗਪਤੀ ਬਾਬੂ ਨੂੰ ਕਾਸਟ ਕੀਤਾ ਗਿਆ ਹੈ। ਸਲਮਾਨ ਖਾਨ ਦੀ ਚਹੇਤੀ ਸ਼ਹਿਨਾਜ਼ ਗਿੱਲ ਇਸ ਫਿਲਮ ਨਾਲ ਬਾਲੀਵੁੱਡ ‘ਚ ਡੈਬਿਊ ਕਰ ਰਹੀ ਹੈ। ਸਲਮਾਨ ਖਾਨ ਦੀ ਫਿਲਮ ‘ਚ ਲਗਾਤਾਰ ਹੋ ਰਹੇ ਇਨ੍ਹਾਂ ਬਦਲਾਅ ਦੇ ਵਿਚਾਲੇ ਭਾਈਜਾਨ ਦੇ ਨਾਂ ‘ਚ ਕਿੰਨੀ ਸੱਚਾਈ ਹੈ, ਇਹ ਤਾਂ ਜਲਦੀ ਹੀ ਪਤਾ ਲੱਗ ਜਾਵੇਗਾ। ਇਸ ਫਿਲਮ ‘ਚ ਸਲਮਾਨ ਖਾਨ ਦੇ ਨਾਲ ਪੂਜਾ ਹੇਗੜੇ ਨਜ਼ਰ ਆਵੇਗੀ। ਦੱਖਣ ਦੇ ਅਦਾਕਾਰ ਵੈਂਕਟੇਸ਼ ਵੀ ਫਿਲਮ ਦਾ ਅਹਿਮ ਹਿੱਸਾ ਹਨ। ਸਲਮਾਨ ਖਾਨ ਦੀ ਕੋਸ਼ਿਸ਼ ਇਸ ਫਿਲਮ ਨੂੰ ਪੈਨ ਇੰਡੀਆ ਫਿਲਮ ਬਣਾਉਣ ਦੀ ਹੈ। ਇਸੇ ਲਈ ਫਿਲਮ ਵਿੱਚ ਦੱਖਣ ਅਤੇ ਪੰਜਾਬੀ ਸਿਨੇਮਾ ਦੇ ਕਲਾਕਾਰਾਂ ਨੂੰ ਲਿਆ ਜਾ ਰਿਹਾ ਹੈ।
