samantha item song out: ਸਮੰਥਾ ਰੂਥ ਪ੍ਰਭੂ ਪਿਛਲੇ ਕਾਫੀ ਸਮੇਂ ਤੋਂ ਰਸ਼ਮਿਕਾ ਮੰਡਾਨਾ ਅਤੇ ਅੱਲੂ ਅਰਜੁਨ ਸਟਾਰਰ ਫਿਲਮ ‘ਪੁਸ਼ਪਾ: ਦਿ ਰਾਈਜ਼’ ਦੇ ਖਾਸ ਆਈਟਮ ਸੌਂਗ ਦਾ ਪ੍ਰਮੋਸ਼ਨ ਕਰ ਰਹੀ ਹੈ। ਲੱਖਾਂ ਪ੍ਰਸ਼ੰਸਕ ਇਸ ਗੀਤ ਦੇ ਰਿਲੀਜ਼ ਹੋਣ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਸਨ ਅਤੇ ਆਖਰਕਾਰ ਸਮਾਂ ਆ ਹੀ ਗਿਆ।
ਅਦਾਕਾਰਾ ਦਾ ਸਭ ਤੋਂ ਵੱਧ ਉਡੀਕਿਆ ਜਾਣ ਵਾਲਾ ਆਈਟਮ ਗੀਤ ‘Oo Antava..Oo Oo Antava’ 10 ਦਸੰਬਰ ਨੂੰ ਰਿਲੀਜ਼ ਹੋ ਗਿਆ ਹੈ। ਗੀਤ ‘ਚ ਸਾਮੰਥਾ ਦੇ ਸ਼ਾਨਦਾਰ ਲੁੱਕ ਨੇ ਪਹਿਲਾਂ ਹੀ ਇੰਟਰਨੈੱਟ ‘ਤੇ ਹਲਚਲ ਮਚਾ ਦਿੱਤੀ ਸੀ ਅਤੇ ਵੀਡੀਓ ਨੂੰ ਵੀ ਭਰਵਾਂ ਹੁੰਗਾਰਾ ਮਿਲ ਰਿਹਾ ਹੈ। ਵੀਡੀਓ ‘ਚ ਸਮੰਥਾ ਦਾ ਲੁੱਕ ਕਾਫੀ ਹੌਟ ਲੱਗ ਰਿਹਾ ਹੈ। ਇੰਦਰਾਵਤੀ ਚੌਹਾਨ ਨੇ ‘Oo Antava… ਗੀਤ ਨੂੰ ਆਵਾਜ਼ ਦਿੱਤੀ ਹੈ ਅਤੇ ਸੰਗੀਤ ਦੇਵੀ ਸ਼੍ਰੀ ਪ੍ਰਸਾਦ ਦਾ ਹੈ। ਐਕਸ਼ਨ ਥ੍ਰਿਲਰ ਫਿਲਮ ਦਾ ਟ੍ਰੇਲਰ ਵੀ ਸੋਸ਼ਲ ਮੀਡੀਆ ‘ਤੇ ਕਾਫੀ ਮਸ਼ਹੂਰ ਹੋਇਆ ਹੈ ਅਤੇ ਲੋਕ ਆਈਟਮ ਸੌਂਗ ‘ਚ ਸਮੰਥਾ ਦੀ ਝਲਕ ਵੀ ਦੇਖ ਰਹੇ ਹਨ।
ਸੁਕੁਮਾਰ ਦੁਆਰਾ ਨਿਰਦੇਸ਼ਿਤ ਇਹ ਫਿਲਮ 17 ਦਸੰਬਰ ਨੂੰ ਰਿਲੀਜ਼ ਹੋ ਰਹੀ ਹੈ। ‘ਪੁਸ਼ਪਾ: ਦਿ ਰਾਈਜ਼’ ਤੇਲਗੂ ਸਿਨੇਮਾ ਦੀ ਇਕ ਵੱਡੇ ਬਜਟ ਦੀ ਫਿਲਮ ਹੈ, ਜਿਸ ਦੀ ਲਾਗਤ 250 ਕਰੋੜ ਹੈ। ਫਿਲਮ ‘ਚ ਅੱਲੂ ਅਰਜੁਨ ਅਤੇ ਰਸ਼ਮਿਕਾ ਮੰਡਾਨਾ ਤੋਂ ਇਲਾਵਾ ਸੁਨੀਲ ਅਤੇ ਅਨਸੂਯਾ ਭਾਰਦਵਾਜ ਵੀ ਨਜ਼ਰ ਆਉਣਗੇ, ਜਦਕਿ ਸਮੰਥਾ ਸਿਰਫ ਆਈਟਮ ਗੀਤਾਂ ‘ਚ ਨਜ਼ਰ ਆਵੇਗੀ। ਜਾਣਿਆ ਜਾਂਦਾ ਹੈ ਕਿ ਜਦੋਂ ਸਮੰਥਾ ਨੂੰ ਇਸ ਆਈਟਮ ਨੰਬਰ ਲਈ ਟ੍ਰੋਲ ਕੀਤਾ ਗਿਆ ਸੀ ਤਾਂ ਉਸ ਨੇ ਕਿਹਾ ਸੀ ਕਿ ਉਹ ਸਿਰਫ ਉਹੀ ਕਿਰਦਾਰ ਚੁਣਦੀ ਹੈ, ਜਿਨ੍ਹਾਂ ‘ਤੇ ਉਸ ਨੂੰ ਅਤੇ ਉਸ ਦੇ ਮਾਤਾ-ਪਿਤਾ ਨੂੰ ਮਾਣ ਹੈ।
ਅਭਿਨੇਤਰੀ ਦੇ ਕਰੀਅਰ ਦਾ ਇਹ ਪਹਿਲਾ ਆਈਟਮ ਨੰਬਰ ਹੈ ਅਤੇ ਇਸ ਦੇ ਲਈ ਉਨ੍ਹਾਂ ਨੇ 2 ਕਰੋੜ ਰੁਪਏ ਦੀ ਫੀਸ ਲਈ ਹੈ। ‘ਪੁਸ਼ਪਾ ਦਿ ਰਾਈਜ਼’ ਮੂਵੀ ਮੇਕਰਸ ਦੇ ਸਹਿਯੋਗ ਨਾਲ ਮੁਟਮਸੇਟੀ ਮੀਡੀਆ ਬੈਨਰ ਹੇਠ ਬਣਾਈ ਜਾ ਰਹੀ ਹੈ। ਇਸ ‘ਚ ਮਲਿਆਲਮ ਅਦਾਕਾਰ ਫਹਾਦ ਫਾਸਿਲ ਅਤੇ ਸੈਂਡਲਵੁੱਡ ਯਾਨੀ ਕੰਨੜ ਫਿਲਮ ਇੰਡਸਟਰੀ ਦੇ ਅਦਾਕਾਰ ਕੇ ਧਨੰਜਯਾ ਵੀ ਖਾਸ ਭੂਮਿਕਾਵਾਂ ‘ਚ ਨਜ਼ਰ ਆਉਣਗੇ।
