Sara Ali Enjoys Chandigarh: ਬਾਲੀਵੁੱਡ ਅਦਾਕਾਰਾ ਸਾਰਾ ਅਲੀ ਖਾਨ ਹਾਲ ਹੀ ‘ਚ ਹਿਮਾਚਲ ‘ਚ ਛੁੱਟੀਆਂ ਦਾ ਆਨੰਦ ਮਾਣ ਰਹੀ ਸੀ। ਜਿਸ ਦੀਆਂ ਕੁਝ ਤਸਵੀਰਾਂ ਉਸ ਨੇ ਆਪਣੇ ਸੋਸ਼ਲ ਮੀਡੀਆ ਅਕਾਊਂਟ ‘ਤੇ ਵੀ ਸ਼ੇਅਰ ਕੀਤੀਆਂ ਹਨ। ਹੁਣ ਇਸ ਦੌਰਾਨ, ਅਦਾਕਾਰਾ ਪੰਜਾਬ ਪਹੁੰਚ ਗਈ ਹੈ, ਜਿਸ ਦੀ ਇੱਕ ਵੀਡੀਓ ਸਾਰਾ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ‘ਤੇ ਸ਼ੇਅਰ ਕੀਤੀ ਹੈ।
ਇਸ ਵੀਡੀਓ ‘ਚ ਸਾਰਾ ਇਕ ਆਟੋ ਰਿਕਸ਼ਾ ‘ਚ ਬੈਠ ਕੇ ਪੰਜਾਬ ‘ਚ ਘੁੰਮਦੀ ਨਜ਼ਰ ਆ ਰਹੀ ਹੈ। ਇਸ ਦੌਰਾਨ ਉਨ੍ਹਾਂ ਨੇ ਪਰਾਠੇ ਦਾ ਆਨੰਦ ਵੀ ਲਿਆ। ਵੀਡੀਓ ‘ਚ ਸਾਰਾ ਚੰਡੀਗੜ੍ਹ ਦੇ ਖਾਣੇ ਦੀ ਤਾਰੀਫ ਵੀ ਕਰ ਰਹੀ ਹੈ। ਹੁਣ ਸੋਸ਼ਲ ਮੀਡੀਆ ‘ਤੇ ਸਾਰਾ ਦੀ ਇਸ ਵੀਡੀਓ ਨੂੰ ਫੈਨਜ਼ ਕਾਫੀ ਪਸੰਦ ਕਰ ਰਹੇ ਹਨ। ਸਾਰਾ ਅਲੀ ਖਾਨ ਦੀਆਂ ਆਉਣ ਵਾਲੀਆਂ ਫਿਲਮਾਂ ਦੀ ਗੱਲ ਕਰੀਏ ਤਾਂ ਹਾਲ ਹੀ ਵਿੱਚ ਉਨ੍ਹਾਂ ਦੀ ਫਿਲਮ ਗੈਸਲਾਈਟ ਦਾ ਟ੍ਰੇਲਰ ਰਿਲੀਜ਼ ਹੋਇਆ ਹੈ। ਇਸ ਫਿਲਮ ‘ਚ ਉਨ੍ਹਾਂ ਨਾਲ ਵਿਕਰਾਂਤ ਮੈਸੀ ਅਤੇ ਚਿਤਰਾਂਗਦਾ ਸਿੰਘ ਵੀ ਨਜ਼ਰ ਆਉਣਗੇ।
ਇਸ ਤੋਂ ਇਲਾਵਾ ਅਦਾਕਾਰਾ ਅਨੁਰਾਗ ਬਾਸੂ ਦੀ ਫਿਲਮ ‘ਮੈਟਰੋ ਇਨ ਦਿਨਨ’ ‘ਚ ਆਦਿਤਿਆ ਰਾਏ ਕਪੂਰ ਅਤੇ ਅਲੀ ਫਜ਼ਲ ਨਾਲ ਨਜ਼ਰ ਆਵੇਗੀ। ਉਸ ਕੋਲ ਵਿੱਕੀ ਕੌਸ਼ਲ ਦੇ ਨਾਲ ਲਕਸ਼ਮਣ ਉਟੇਕਰ ਨਾਲ ਇੱਕ ਫਿਲਮ ਵੀ ਹੈ। ਉਹ ਵਿੱਕੀ ਕੌਸ਼ਲ ਨਾਲ ‘ਦਿ ਅਮਰ ਅਸ਼ਵਥਾਮਾ’ ਵਿੱਚ ਵੀ ਹੈ। ਵਿਕਰਾਂਤ ਦੀ ਗੱਲ ਕਰੀਏ ਤਾਂ ਉਸ ਕੋਲ ’12ਵੀਂ ਫੇਲ’, ‘ਫਿਰ ਆਏ ਹਸੀਨ ਦਿਲਰੁਬਾ’ ਹਨ।
