Shabaash Mithu release date: ‘ਸ਼ਾਬਾਸ਼ ਮਿੱਠੂ’ 15 ਜੁਲਾਈ, 2022 ਨੂੰ ਸਿਲਵਰ ਸਕ੍ਰੀਨ ‘ਤੇ ਆਵੇਗੀ। ‘ਸ਼ਾਬਾਸ਼ ਮਿੱਠੂ’ ਦੀ ਰਿਲੀਜ਼ ਡੇਟ ਦਾ ਐਲਾਨ ਤਾਪਸੀ ਪੰਨੂ ਨੇ ਆਪਣੇ ਸੋਸ਼ਲ ਅਕਾਊਂਟ ‘ਤੇ ਕੀਤਾ ਹੈ। ਇਸ ਦੇ ਨਾਲ ਹੀ ਉਸ ਨੇ ਫਿਲਮ ਦਾ ਇੱਕ ਨਵਾਂ ਪੋਸਟਰ ਵੀ ਸ਼ੇਅਰ ਕੀਤਾ ਹੈ।
ਪੋਸਟਰ ਵਿੱਚ ਤਾਪਸੀ ਕ੍ਰਿਕਟ ਗਰਾਊਂਡ ‘ਤੇ ਸ਼ੂਟਿੰਗ ਕਰਦੀ ਨਜ਼ਰ ਆ ਰਹੀ ਹੈ। ਤੁਹਾਨੂੰ ਦੱਸ ਦੇਈਏ ਕਿ ‘ਸ਼ਾਬਾਸ਼ ਮਿੱਠੂ’ ਭਾਰਤ ਦੀ ਮਹਿਲਾ ਵਨਡੇ ਕ੍ਰਿਕਟ ਟੀਮ ਦੀ ਕਪਤਾਨ ਮਿਤਾਲੀ ਰਾਜ ਦੀ ਜ਼ਿੰਦਗੀ ‘ਤੇ ਆਧਾਰਿਤ ਹੈ। ਇਸ ਫਿਲਮ ‘ਚ ਮਿਤਾਲੀ ਰਾਜ ਦੀ ਜ਼ਿੰਦਗੀ ‘ਚ ਆਏ ਉਤਰਾਅ-ਚੜ੍ਹਾਅ, ਅਸਫਲਤਾਵਾਂ ਨੂੰ ਬਿਆਨ ਕੀਤਾ ਗਿਆ ਹੈ। ਫਿਲਮ ‘ਚ ਤਾਪਸੀ ਤੋਂ ਇਲਾਵਾ ਵਿਜੇ ਰਾਜ ਵੀ ਮੁੱਖ ਭੂਮਿਕਾ ‘ਚ ਨਜ਼ਰ ਆਉਣਗੇ। ਇਸ ਸਪੋਰਟਸ ਡਰਾਮਾ ਫਿਲਮ ਦਾ ਨਿਰਦੇਸ਼ਨ ਸ਼੍ਰੀਜੀਤ ਮੁਖਰਜੀ ਨੇ ਕੀਤਾ ਹੈ। ਫਿਲਮ ਦੀ ਕਹਾਣੀ ਪ੍ਰਿਆ ਅਵਨ ਨੇ ਲਿਖੀ ਹੈ।
ਫਿਲਮ ਦੀ ਰਿਲੀਜ਼ ਡੇਟ ਦਾ ਐਲਾਨ ਕਰਦੇ ਹੋਏ ਤਾਪਸੀ ਪੰਨੂ ਨੇ ਆਪਣੇ ਇੰਸਟਾਗ੍ਰਾਮ ਪੋਸਟ ‘ਚ ਲਿਖਿਆ- ”ਕੁਝ ਕਰਨ ਦਾ ਸੁਪਨਾ ਰੱਖਣ ਵਾਲੀ ਕੁੜੀ ਤੋਂ ਜ਼ਿਆਦਾ ਤਾਕਤਵਰ ਕੋਈ ਨਹੀਂ ਹੋ ਸਕਦਾ। ਇਸ ਨੂੰ ਇੱਕ ਹਕੀਕਤ ਬਣਾਉਣ ਦੀ ਯੋਜਨਾ! ਇਹ ਇੱਕ ਕੁੜੀ ਦੀ ਕਹਾਣੀ ਹੈ ਜਿਸ ਨੇ “ਜੈਂਟਲਮੈਨਜ਼ ਗੇਮ” ਵਿੱਚ ਆਪਣਾ ਰਸਤਾ ਬਣਾਇਆ ਅਤੇ ਬੱਲਾ ਚੁੱਕ ਕੇ ਆਪਣੇ ਸੁਪਨੇ ਦਾ ਪਿੱਛਾ ਕੀਤਾ। “ਸ਼ਾਬਾਸ਼ ਮਿੱਠੂ: ਦਿ ਅਨਹੇਅਰਡ ਸਟੋਰੀ ਆਫ਼ ਵੂਮੈਨ ਇਨ ਬਲੂ” ਦੀ ਅਣਸੁਣੀ ਕਹਾਣੀ 15 ਜੁਲਾਈ, 2022 ਨੂੰ ਸਿਨੇਮਾਘਰਾਂ ਵਿੱਚ ਆਉਣ ਲਈ ਤਿਆਰ ਹੈ।
