Shakuntalam movie First Look: ਦੱਖਣ ਦੀ ਅਦਾਕਾਰਾ ਸਮੰਥਾ ਰੂਥ ਪ੍ਰਭੂ ਨੂੰ ਆਪਣੀ ਨਿੱਜੀ ਜ਼ਿੰਦਗੀ ਵਿੱਚ ਭਾਵੇਂ ਕਈ ਉਤਰਾਅ-ਚੜ੍ਹਾਅ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ, ਪਰ ਉਹ ਆਪਣੇ ਪੇਸ਼ੇਵਰ ਜ਼ਿੰਦਗੀ ‘ਤੇ ਬਹੁਤ ਐਕਟਿਵ ਹੈ। ਹਾਲ ਹੀ ‘ਚ ਸਾਮੰਥਾ ਦੀ ਮੋਸਟ ਅਵੇਟਿਡ ਫਿਲਮ ‘ਸ਼ਕੁੰਤਲਮ’ ਦਾ ਫਰਸਟ ਲੁੱਕ ਸਾਹਮਣੇ ਆਇਆ ਹੈ।
ਹਾਲ ਹੀ ‘ਚ ਫਿਲਮ ਦੀ ਇਕ ਪੋਸਟ ਸ਼ੇਅਰ ਕਰਦੇ ਹੋਏ ਅਦਾਕਾਰਾ ਨੇ ਖੁਲਾਸਾ ਕੀਤਾ ਹੈ ਕਿ ਫਿਲਮ ਦੀ ਉਨ੍ਹਾਂ ਦੀ ਪਹਿਲੀ ਲੁੱਕ ਜਲਦ ਹੀ ਰਿਲੀਜ਼ ਹੋਣ ਵਾਲੀ ਹੈ। ਹੁਣ ਸਮੰਥਾ ਨੇ ਖੁਦ ਆਪਣੀ ਪਹਿਲੀ ਲੁੱਕ ਦਾ ਖੁਲਾਸਾ ਕੀਤਾ ਹੈ। ਤਸਵੀਰ ਵਿੱਚ, ਤੁਸੀਂ ਉਸਨੂੰ ਜੰਗਲ ਵਿੱਚ ਰੁੱਖਾਂ, ਪੌਦਿਆਂ, ਚੂਹਿਆਂ, ਹਿਰਨ, ਮੋਰ ਅਤੇ ਤਿਤਲੀਆਂ ਵਿਚਕਾਰ ਬੈਠੇ ਦੇਖ ਸਕਦੇ ਹੋ। ਘੁੰਗਰਾਲੇ ਵਾਲਾਂ, ਹੱਥਾਂ ਅਤੇ ਪੈਰਾਂ ਨੂੰ ਗੁਲਾਬ ਦੇ ਫੁੱਲਾਂ ਵਿੱਚ ਲਪੇਟਿਆ ਅਤੇ ਚਿੱਟੀ ਸਾੜ੍ਹੀ ਪਹਿਨੇ, ਸਮੰਥਾ ਅਸਮਾਨ ਤੋਂ ਉੱਤਰੀ ਇੱਕ ਅਪਸਰਾ ਵਾਂਗ ਜਾਪਦੀ ਹੈ। ਪੋਸਟਰ ‘ਚ ਉਸ ਦਾ ਲੁੱਕ ਦੇਖ ਕੇ ਅਜਿਹਾ ਲੱਗ ਰਿਹਾ ਹੈ ਜਿਵੇਂ ਉਹ ਜੰਗਲ ਦੀ ਰਾਜਕੁਮਾਰੀ ਹੋਵੇ। ਪ੍ਰਸ਼ੰਸਕ ਵੀ ਉਨ੍ਹਾਂ ਦੇ ਅੰਦਾਜ਼ ਨੂੰ ਕਾਫੀ ਪਸੰਦ ਕਰ ਰਹੇ ਹਨ। ਇਹ ਤਸਵੀਰ ਸੋਸ਼ਲ ਮੀਡੀਆ ‘ਤੇ ਕਾਫੀ ਵਾਇਰਲ ਹੋ ਰਹੀ ਹੈ। ਕੁਝ ਹੀ ਸਮੇਂ ‘ਚ ਤਸਵੀਰ ‘ਤੇ 5 ਲੱਖ ਤੋਂ ਵੱਧ ਲਾਈਕਸ ਆ ਚੁੱਕੇ ਹਨ।
ਜਾਣਕਾਰੀ ਲਈ ਦੱਸ ਦੇਈਏ ਕਿ ਅਦਾਕਾਰਾ ਫਿਲਮ ‘ਸ਼ਕੁੰਤਲਮ’ ‘ਚ ਰਾਜਕੁਮਾਰੀ ਦੇ ਕਿਰਦਾਰ ‘ਚ ਨਜ਼ਰ ਆਵੇਗੀ। ਇਹ ਫਿਲਮ ਮਿਥਿਹਾਸਕ ਕਹਾਣੀ ਸ਼ੰਕੁਤਲਾ ਅਤੇ ਦੁਸ਼ਯੰਤ ਦੇ ਪਿਆਰ ‘ਤੇ ਆਧਾਰਿਤ ਹੈ। ਸਮੰਥਾ ਫਿਲਮ ‘ਚ ਸ਼ਕੁੰਤਲਾ ਦਾ ਕਿਰਦਾਰ ਨਿਭਾਉਣ ਜਾ ਰਹੀ ਹੈ। ਫਿਲਮ ‘ਚ ਉਨ੍ਹਾਂ ਤੋਂ ਇਲਾਵਾ ਗੌਤਮੀ, ਅਨੰਨਿਆ ਨਗੱਲਾ, ਸਚਿਨ ਖੇੜੇਕਰ, ਵਰਸ਼ਿਨੀ ਸੁੰਦਰਰਾਜਨ, ਮੋਹਨ ਬਾਬੂ ਅਤੇ ਅਦਿਤੀ ਬਾਲਨ ਅਹਿਮ ਭੂਮਿਕਾਵਾਂ ‘ਚ ਨਜ਼ਰ ਆਉਣਗੇ। ਇਸ ਤੋਂ ਇਲਾਵਾ ਸਮੰਥਾ ਰੂਥ ਪ੍ਰਭੂ ਜਲਦ ਹੀ ਇਕ ਹੋਰ ਰੋਮਾਂਟਿਕ ਕਾਮੇਡੀ ਫਿਲਮ ‘ਚ ਨਜ਼ਰ ਆਵੇਗੀ, ਜੋ ਇਕ ਪ੍ਰੇਮ ਕਹਾਣੀ ਹੋਵੇਗੀ। ਫਿਲਮ ‘ਚ ਸਮੰਥਾ ਰੂਥ ਪ੍ਰਭੂ, ਵਿਜੇ ਸੇਤੂਪਤੀ ਅਤੇ ਨਯਨਥਾਰਾ ਮੁੱਖ ਭੂਮਿਕਾ ‘ਚ ਨਜ਼ਰ ਆਉਣਗੇ।
