SpiderMan No Way Home: ‘ਸਪਾਈਡਰ-ਮੈਨ ਨੋ ਵੇ ਹੋਮ’ ਨੇ ਰਿਲੀਜ਼ ਹੋਣ ਤੋਂ ਬਾਅਦ ਦੁਨੀਆ ਭਰ ਦੇ ਸਿਨੇਮਾਘਰਾਂ ‘ਤੇ ਦਬਦਬਾ ਬਣਾਇਆ ਹੋਇਆ ਹੈ। ਫਿਲਮ ਨੇ ਭਾਰਤ ਵਿੱਚ ਜਿਸ ਤਰ੍ਹਾਂ ਦਾ ਪ੍ਰਦਰਸ਼ਨ ਕੀਤਾ ਹੈ, ਉਸ ਤੋਂ ਭਾਰਤੀ ਦਰਸ਼ਕਾਂ ਵਿੱਚ ਇਸ ਦੇ ਕ੍ਰੇਜ਼ ਨੂੰ ਸਮਝਿਆ ਜਾ ਸਕਦਾ ਹੈ।
ਫਿਲਮ ਨੇ ਆਪਣੀ ਰਿਲੀਜ਼ ਦੇ ਪਹਿਲੇ 3 ਦਿਨਾਂ ਵਿੱਚ 79.14 ਕਰੋੜ ਰੁਪਏ ਦਾ ਨੈੱਟ ਕਲੈਕਸ਼ਨ ਕਰ ਲਿਆ ਹੈ। ਟ੍ਰੇਡ ਐਨਾਲਿਸਟ ਤਰਨ ਆਦਰਸ਼ ਨੇ ਟਵੀਟ ਕਰਕੇ ਫਿਲਮ ਦੀ ਪਿਛਲੇ 3 ਦਿਨਾਂ ਦੀ ਕਮਾਈ ਬਾਰੇ ਦੱਸਿਆ ਹੈ। ‘ਸਪਾਈਡਰ ਮੈਨ: ਨੋ ਵੇ ਹੋਮ’ ਨੇ ਆਪਣੀ ਰਿਲੀਜ਼ ਦੇ ਤੀਜੇ ਦਿਨ ਵੀ ਚੰਗਾ ਕਲੈਕਸ਼ਨ ਕਰ ਲਿਆ ਹੈ, ਜਿਸ ਤੋਂ ਪਤਾ ਲੱਗਦਾ ਹੈ ਕਿ ਫਿਲਮ ਨੂੰ ਲੈ ਕੇ ਲੋਕਾਂ ‘ਚ ਕ੍ਰੇਜ਼ ਜਲਦੀ ਖਤਮ ਹੋਣ ਵਾਲਾ ਨਹੀਂ ਹੈ। ਫਿਲਮ ਨੇ ਸ਼ਨੀਵਾਰ 18 ਦਸੰਬਰ ਨੂੰ 26.10 ਕਰੋੜ ਰੁਪਏ ਦੀ ਕਮਾਈ ਕੀਤੀ ਹੈ। ਤਰਨ ਆਦਰਸ਼ ਨੇ ਟਵੀਟ ਕੀਤਾ, ‘ਤੀਜੇ ਦਿਨ ਵੀ ਸਪਾਈਡਰਮੈਨ ਦਾ ਦਬਦਬਾ ਰਿਹਾ। ਫਿਲਮ ਨੇ ਮਹਾਮਾਰੀ ਦੇ ਇਸ ਦੌਰ ਵਿੱਚ ਬਿਨਾਂ ਕਿਸੇ ਤਿਉਹਾਰ ਦੇ ਮਾਹੌਲ ਦੇ ਸ਼ਨੀਵਾਰ ਨੂੰ 26 ਕਰੋੜ ਰੁਪਏ ਤੋਂ ਵੱਧ ਦੀ ਕਮਾਈ ਕੀਤੀ। ਅੱਜ ਐਤਵਾਰ ਨੂੰ ਹੋਰ ਵੀ ਬਿਹਤਰ ਕਮਾਈ ਦੀ ਉਮੀਦ ਹੈ।
ਕਮਾਈ ਬਾਰੇ ਟ੍ਰੇਡ ਐਨਾਲਿਸਟ ਨੇ ਅੱਗੇ ਦੱਸਿਆ, ‘ਵੀਰਵਾਰ ਨੂੰ ਫਿਲਮ ਨੇ 32.67 ਕਰੋੜ ਰੁਪਏ ਕਮਾਏ। ਸ਼ੁੱਕਰਵਾਰ ਨੂੰ 20.37 ਕਰੋੜ ਅਤੇ ਸ਼ਨੀਵਾਰ ਨੂੰ 26.10 ਕਰੋੜ ਦੀ ਕਮਾਈ ਕੀਤੀ। ਇਸ ਤਰ੍ਹਾਂ ਪਿਛਲੇ ਤਿੰਨ ਦਿਨਾਂ ‘ਚ ਫਿਲਮ ਦਾ ਨੈੱਟ ਬਾਕਸ ਆਫਿਸ ਕਲੈਕਸ਼ਨ 79.14 ਕਰੋੜ ਰੁਪਏ ਰਿਹਾ। ਭਾਰਤ ਵਿੱਚ ਕੁੱਲ ਬਾਕਸ ਆਫਿਸ ਕਲੈਕਸ਼ਨ ਹੈ- 100.84 ਕਰੋੜ।’ ‘ਸਪਾਈਡਰ-ਮੈਨ: ਨੋ ਵੇ ਹੋਮ’ ਦੀ ਭਾਰਤ ‘ਚ ਹੁਣ ਤੱਕ ਦੀ ਕਮਾਈ ਤੋਂ ਸਾਫ ਹੈ ਕਿ ਇਹ ਫਿਲਮ ਜਲਦ ਹੀ 100 ਕਰੋੜ ਰੁਪਏ ਦਾ ਅੰਕੜਾ ਪਾਰ ਕਰ ਲਵੇਗੀ। ਇਹ ਮਾਰਵਲ ਸਿਨੇਮੈਟਿਕ ਯੂਨੀਵਰਸ ਦੀ ਨਵੀਨਤਮ ਪੇਸ਼ਕਸ਼ ਹੈ, ਜੋ 16 ਦਸੰਬਰ ਨੂੰ ਭਾਰਤ ਵਿੱਚ ਰਿਲੀਜ਼ ਹੋਈ। ਇਹ ਸਪਾਈਡਰਮੈਨ ਫਰੈਂਚਾਇਜ਼ੀ ਦੀ ਤੀਜੀ ਫਿਲਮ ਹੈ।
