sunny deol gadar2 movie: ਬਾਲੀਵੁੱਡ ਅਦਾਕਾਰ ਸੰਨੀ ਦਿਓਲ ਹੁਣ ਘੱਟ ਫਿਲਮਾਂ ਕਰਦੇ ਹਨ ਪਰ ਉਨ੍ਹਾਂ ਦੇ ਪ੍ਰਸ਼ੰਸਕ ਉਨ੍ਹਾਂ ਦੀਆਂ ਫਿਲਮਾਂ ਦਾ ਇੰਤਜ਼ਾਰ ਕਰਦੇ ਹਨ। ਹੁਣ ਸੰਨੀ ਦਿਓਲ ਦੇ ਪ੍ਰਸ਼ੰਸਕਾਂ ਦਾ ਇੰਤਜ਼ਾਰ ਖ਼ਤਮ ਹੋਣ ਵਾਲਾ ਹੈ ਕਿਉਂਕਿ ਸੰਨੀ ਦਿਓਲ ਨੇ ਆਪਣੀ ਅਗਲੀ ਫਿਲਮ ਦਾ ਐਲਾਨ ਕਰ ਦਿੱਤਾ ਹੈ।
ਸੰਨੀ ਨੇ ਅੱਜ ਟਵਿੱਟਰ ‘ਤੇ ਫਿਲਮ ਦਾ ਐਲਾਨ ਕੀਤਾ ਹੈ, ਜਿਸ ਤੋਂ ਬਾਅਦ ਪ੍ਰਸ਼ੰਸਕ ਨਾ ਸਿਰਫ ਖੁਸ਼ ਹਨ ਬਲਕਿ ਇਹ ਵੀ ਉਲਝਣ ਵਿਚ ਹਨ ਕਿ ਇਹ ਮਾਮਲਾ ਕੀ ਹੈ। ਦਰਅਸਲ ਕਿਸੇ ਫਿਲਮ ਦਾ ਫਰਸਟ ਲੁੱਕ ਪੋਸਟਰ ਸ਼ੇਅਰ ਕੀਤਾ ਹੈ। ਇਸ ਵਿੱਚ ‘ਕਥਾ ਜਾਰੀ ਹੈ’ ਲਿਖੀ ਗਈ ਹੈ। ਕਿਆਸ ਲਗਾਏ ਜਾ ਰਹੇ ਹਨ ਕਿ ਸੰਨੀ ਦਿਓਲ ‘ਗਦਰ 2’ ਦਾ ਐਲਾਨ ਕਰਨ ਵਾਲੇ ਹਨ। ਸੰਨੀ ਦਿਓਲ ਨੇ ਤਸਵੀਰ ਸਾਂਝੀ ਕਰਦਿਆਂ ਟਵਿੱਟਰ ‘ਤੇ ਲਿਖਿਆ,’ ਮੈਂ ਕੱਲ੍ਹ 11 ਵਜੇ ਕਿਸੇ ਚੀਜ਼ ਦਾ ਐਲਾਨ ਕਰਾਂਗਾ, ਜੋ ਕਿ ਬਹੁਤ ਖਾਸ ਅਤੇ ਮੇਰੇ ਦਿਲ ਦੇ ਬਹੁਤ ਨੇੜੇ ਹੈ।
ਸੰਨੀ ਦਿਓਲ ਦੇ ਇਸ ਟਵੀਟ ਨੇ ਪ੍ਰਸ਼ੰਸਕਾਂ ਦਾ ਉਤਸ਼ਾਹ ਵਧਾ ਦਿੱਤਾ ਹੈ। ਪ੍ਰਸ਼ੰਸਕ ਅੰਦਾਜ਼ਾ ਲਗਾ ਰਹੇ ਹਨ ਕਿ ਫਿਲਮ ਦਾ ਨਾਂ ‘ਗਦਰ: ਏਕ ਪ੍ਰੇਮ ਕਥਾ’ ਅਤੇ ‘ਕਥਾ ਜਾਰੀ’ ਹੈ, ਇਸ ਲਈ ਇਹ ‘ਗਦਰ 2’ ਦੀ ਘੋਸ਼ਣਾ ਹੋ ਸਕਦੀ ਹੈ। ਇਸ ਫਿਲਮ ਦੇ ਨਿਰਦੇਸ਼ਕ ਅਨਿਲ ਸ਼ਰਮਾ ਆਪਣੇ ਬੇਟੇ ਉਤਕਰਸ਼ ਦੇ ਨਾਲ ਗਦਰ 2 ਦੀ ਸ਼ੁਰੂਆਤ ਕਰਨਗੇ। ਉਤਕਰਸ਼ ਤੋਂ ਇਲਾਵਾ, ਮੂਲ ਫਿਲਮ ਦੇ ਅਦਾਕਾਰ ਸੰਨੀ ਦਿਓਲ, ਅਮੀਸ਼ਾ ਪਟੇਲ ਵੀ ਇਸ ਸਾਲ ਨਵੰਬਰ ਤੋਂ ਫਿਲਮ ਦੀ ਸ਼ੂਟਿੰਗ ਸ਼ੁਰੂ ਕਰ ਸਕਦੇ ਹਨ। ਰਿਪੋਰਟ ਮੁਤਾਬਕ ਅਨਿਲ ਅਤੇ ਉਨ੍ਹਾਂ ਦੀ ਟੀਮ ਲੰਬੇ ਸਮੇਂ ਤੋਂ ਇਸ ਫਿਲਮ ‘ਤੇ ਕੰਮ ਕਰ ਰਹੀ ਸੀ।
ਫਿਲਮ ਦਾ ਪਲਾਟ ਪਹਿਲੇ ਹਿੱਸੇ ਦੀ ਤਰ੍ਹਾਂ ਭਾਰਤ-ਪਾਕਿਸਤਾਨ ‘ਤੇ ਅਧਾਰਤ ਹੋਵੇਗਾ। ਫਿਲਮ ਦਾ ਪ੍ਰੀ-ਪ੍ਰੋਡਕਸ਼ਨ ਕੰਮ ਸ਼ੁਰੂ ਹੋ ਚੁੱਕਾ ਹੈ। ਫਿਲਮ ਦੇ ਸੀਕਵਲ ਵਿੱਚ, ਤਾਰਾ ਸਿੰਘ (ਸੰਨੀ ਦਿਓਲ) ਆਪਣੇ ਬੇਟੇ ਲਈ ਪਾਕਿਸਤਾਨ ਵਿੱਚ ਕਦਮ ਰੱਖਣਗੇ ਅਤੇ ਉਸ ਤੋਂ ਬਾਅਦ ਅਸਲ ਕਹਾਣੀ ਸ਼ੁਰੂ ਹੋਵੇਗੀ।
2001 ਵਿੱਚ ਆਈ ਫਿਲਮ ਗਦਰ: ਏਕ ਪ੍ਰੇਮ ਕਥਾ ਨੂੰ ਦਰਸ਼ਕਾਂ ਵੱਲੋਂ ਖੂਬ ਪਸੰਦ ਕੀਤਾ ਗਿਆ ਸੀ। ਫਿਲਮ ਦਾ ਕ੍ਰੇਜ਼ ਅਜਿਹਾ ਸੀ ਕਿ ਲੋਕ ਟਰੱਕਾਂ ਵਿੱਚ ਸਵਾਰ ਹੋ ਕੇ ਸਿਨੇਮਾ ਹਾਲ ਵਿੱਚ ਪਹੁੰਚ ਗਏ ਸਨ। ਲੋਕ ਅੱਜ ਤਕ ਫਿਲਮ ਦੇ ਡਾਇਲਾਗ ਨਹੀਂ ਭੁੱਲੇ ਹਨ।
