The Batman Trailer Release: ਹਾਲੀਵੁੱਡ ਦੀ ਸਭ ਤੋਂ ਉਡੀਕੀ ਜਾ ਰਹੀ ਫਿਲਮ ‘ਦਿ ਬੈਟਮੈਨ’ਦਾ ਟ੍ਰੇਲਰ ਰਿਲੀਜ਼ ਹੋ ਗਿਆ ਹੈ। ਮੈਟ ਰੀਵਸ ਨੇ ਇਸ ਫਿਲਮ ਦਾ ਨਿਰਮਾਣ ਕੀਤਾ ਹੈ, ਜਿਸਦੇ ਪ੍ਰਸ਼ੰਸਕ ਲੰਬੇ ਸਮੇਂ ਤੋਂ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ।
ਕੋਰੋਨਾ ਮਹਾਮਾਰੀ ਦਾ ਫਿਲਮ ਦੀ ਰਿਲੀਜ਼ ‘ਤੇ ਅਸਰ ਪਿਆ ਅਤੇ ਦਰਸ਼ਕਾਂ ਨੂੰ ਇਸ ਦੀ ਉਡੀਕ ਕਰਨੀ ਪਈ। ਵਾਰਨਰ ਬ੍ਰਦਰਸ ਨੇ ਆਖਰਕਾਰ ‘ਦਿ ਬੈਟਮੈਨ’ ਦਾ ਨਵਾਂ ਟ੍ਰੇਲਰ ਜਾਰੀ ਕੀਤਾ ਹੈ। ਇਸ ਵਿੱਚ ਰਾਬਰਟ ਪੈਟਿਨਸਨ ਜਬਰਦਸਤ ਰੋਮਾਂਚ ਪੈਦਾ ਕਰਦੇ ਹੋਏ ਨਜ਼ਰ ਆਉਣਗੇ। ਤੁਹਾਨੂੰ ਦੱਸ ਦੇਈਏ ਕਿ ਕੋਰੋਨਾ ਵਾਇਰਸ ਅਤੇ ਲੌਕਡਾਉਨ ਦੇ ਕਾਰਨ ‘ਦਿ ਬੈਟਮੈਨ ਟ੍ਰੇਲਰ’ ਦੀ ਸ਼ੂਟਿੰਗ ਅੱਧ ਵਿਚਾਲੇ ਰੋਕਣੀ ਪਈ ਸੀ।
ਹੁਣ ਦਰਸ਼ਕਾਂ ਦੀ ਉਡੀਕ ਨੂੰ ਖਤਮ ਕਰਨ ਲਈ ਫਿਲਮ ਦਾ ਟ੍ਰੇਲਰ ਆ ਗਿਆ ਹੈ। ਰੌਬਰਟ ਪੈਟਿਨਸਨ ਅਭਿਨੈ ਵਾਲੀ ਇਸ ਫਿਲਮ ਦੇ ਟ੍ਰੇਲਰ ਨੂੰ ਦੇਖ ਕੇ ਇਸ ਗੱਲ ਦਾ ਅੰਦਾਜ਼ਾ ਲਗਾਇਆ ਜਾ ਸਕਦਾ ਹੈ ਕਿ ਫਿਲਮ ਵਿੱਚ ਬਹੁਤ ਜ਼ਿਆਦਾ ਐਕਸ਼ਨ ਹੋਵੇਗਾ, ਇਸ ਫਿਲਮ ਵਿੱਚ ਬੈਟਮੈਨ ਬਦਲਾ ਲੈਂਦਾ ਨਜ਼ਰ ਆਵੇਗਾ।
ਪਹਿਲਾਂ ਇਹ ਫਿਲਮ 21 ਜੂਨ ਨੂੰ ਰਿਲੀਜ਼ ਹੋਣੀ ਸੀ ਪਰ ਕੋਰੋਨਾ ਕਾਰਨ ਫਿਲਮ ਦੀ ਰਿਲੀਜ਼ ਮੁਲਤਵੀ ਕਰ ਦਿੱਤੀ ਗਈ। ਇਸ ਤੋਂ ਬਾਅਦ ਫਿਲਮ ਦੀ ਰਿਲੀਜ਼ ਡੇਟ 1 ਅਕਤੂਬਰ ਤੈਅ ਕੀਤੀ ਗਈ। ਹਾਲਾਂਕਿ, ਹੁਣ ਇਹ 4 ਮਾਰਚ 2022 ਨੂੰ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਵੇਗੀ।
