Tiger3 released date out: ਪ੍ਰਸ਼ੰਸਕਾਂ ਦੇ ਲੰਬੇ ਇੰਤਜ਼ਾਰ ਨੂੰ ਖਤਮ ਕਰਦੇ ਹੋਏ ਯਸ਼ਰਾਜ ਫਿਲਮਜ਼ ਨੇ ਸਲਮਾਨ ਖਾਨ ‘ਤੇ ਕੈਟਰੀਨਾ ਕੈਫ ਦੀ ਫਿਲਮ ‘ਟਾਈਗਰ 3’ ਦੀ ਰਿਲੀਜ਼ ਡੇਟ ਦੇ ਨਾਲ ਫਿਲਮ ਦਾ ਟੀਜ਼ਰ ਰਿਲੀਜ਼ ਕਰ ਦਿੱਤਾ ਹੈ। ਟੀਜ਼ਰ ਨੂੰ ਲੋਕ ਬਹੁਤ ਪਸੰਦ ਕਰ ਰਹੇ ਹਨ।
ਸਲਮਾਨ ਖਾਨ ‘ਤੇ ਕੈਟਰੀਨਾ ਕੈਫ ਦੋਵੇਂ ਹੀ ਸੋਸ਼ਲ ਮੀਡੀਆ ‘ਤੇ ਕਾਫੀ ਐਕਟਿਵ ਹਨ, ਹਾਲ ਹੀ ‘ਚ ਉਨ੍ਹਾਂ ਨੇ ‘ਟਾਈਗਰ 3’ ਦਾ ਟੀਜ਼ਰ ਵੀਡੀਓ ਸ਼ੇਅਰ ਕਰਕੇ ਪ੍ਰਸ਼ੰਸਕਾਂ ਨੂੰ ਹੈਰਾਨ ਕਰ ਦਿੱਤਾ ਹੈ। ਟੀਜ਼ਰ ‘ਚ ਕੈਟਰੀਨਾ ਜ਼ਬਰਦਸਤ ਐਕਸ਼ਨ ਕਰਦੀ ਨਜ਼ਰ ਆ ਰਹੀ ਹੈ। ਵੀਡੀਓ ‘ਚ ਸਲਮਾਨ ਖਾਨ ਚਿਹਰੇ ‘ਤੇ ਸਕਾਰਫ ਬੰਨ੍ਹ ਕੇ ਆਰਾਮ ਕਰ ਰਹੇ ਹਨ। ਇਸ ਤੋਂ ਬਾਅਦ ਕੈਟਰੀਨਾ ਸਲਮਾਨ ਖਾਨ ਕੋਲ ਜਾਂਦੀ ਹੈ ਅਤੇ ਸਕਾਰਫ ਨੂੰ ਚੁੱਕ ਲੈਂਦੀ ਹੈ। ਕੈਟਰੀਨਾ ਉਸ ਨੂੰ ਕਹਿੰਦੀ ਹੈ, ‘ਹੁਣ ਤੁਹਾਡੀ ਵਾਰੀ ਹੈ। ਕੀ ਤੁਸੀ ਤਿਆਰ ਹੋ?’ ਇਸ ‘ਤੇ ਸਲਮਾਨ ਕਹਿੰਦੇ ਹਨ ਕਿ ‘ਟਾਈਗਰ ਹਮੇਸ਼ਾ ਤਿਆਰ ਰਹਿੰਦਾ ਹੈ’। ਟੀਜ਼ਰ ਨੂੰ ਸਾਂਝਾ ਕਰਦੇ ਹੋਏ, ਸਲਮਾਨ ਖਾਨ ਨੇ ਲਿਖਿਆ, ‘ਆਓ ਆਪਾਂ ਸਾਰੇ ਆਪਣਾ ਖਿਆਲ ਰੱਖੀਏ.. 2023 ਈਦ ‘ਤੇ ‘ਟਾਈਗਰ 3’ … ਆਓ ਸਾਰੇ… ‘ਟਾਈਗਰ 3’ ਹਿੰਦੀ, ਤਾਮਿਲ ਅਤੇ ਤੇਲਗੂ ਵਿੱਚ ਰਿਲੀਜ਼ ਹੋ ਰਹੀ ਹੈ। 21 ਅਪ੍ਰੈਲ 2023 ਨੂੰ ‘ਟਾਈਗਰ 3′ ਦੇ ਨਾਲ ਯਸ਼ਰਾਜ ਫਿਲਮਸ ਦੇ 50 ਸਾਲ ਪੂਰੇ ਹੋਣ ਦਾ ਜਸ਼ਨ।’
ਫਿਲਮ ਦੇ ਟੀਜ਼ਰ ਨੂੰ ਪ੍ਰਸ਼ੰਸਕਾਂ ਵੱਲੋਂ ਭਰਵਾਂ ਹੁੰਗਾਰਾ ਮਿਲ ਰਿਹਾ ਹੈ। ਲੋਕ ਫਾਇਰ ਅਤੇ ਹਾਰਟ ਇਮੋਜੀ ਨਾਲ ਪਿਆਰ ਦਾ ਇਜ਼ਹਾਰ ਕਰ ਰਹੇ ਹਨ। ਇਸ ਦੇ ਨਾਲ ਹੀ ਕੁਝ ਪ੍ਰਸ਼ੰਸਕ ਸੁਪਰ ਐਕਸਾਈਟਿਡ ਲਿਖ ਰਹੇ ਹਨ। ਇੱਕ ਉਪਭੋਗਤਾ ਨੇਲਿਖਿਆ- ਹੁਣ ਉਡੀਕ ਨਹੀਂ ਕਰ ਸਕਦਾ। ਤੁਹਾਨੂੰ ਦੱਸ ਦੇਈਏ ਕਿ ‘ਟਾਈਗਰ 3’ ਸਲਮਾਨ ਅਤੇ ਕੈਟਰੀਨਾ ਦੀਆਂ ਐਕਸ਼ਨ ਫਿਲਮਾਂ ਦੀ ਸੀਰੀਜ਼ ਦਾ ਤੀਜਾ ਭਾਗ ਹੈ। ਇਸ ਦਾ ਨਿਰਦੇਸ਼ਨ ਮਨੀਸ਼ ਸ਼ਰਮਾ ਕਰ ਰਹੇ ਹਨ। ਹਾਲ ਹੀ ‘ਚ ਕੈਟਰੀਨਾ ਅਤੇ ਸਲਮਾਨ ਨੇ ਦਿੱਲੀ ਅਤੇ ਇਸ ਦੇ ਆਸਪਾਸ ਦੇ ਇਲਾਕਿਆਂ ‘ਚ ਫਿਲਮ ਦੀ ਸ਼ੂਟਿੰਗ ਕੀਤੀ ਹੈ। ਇਸ ਤੋਂ ਪਹਿਲਾਂ ਸਲਮਾਨ ਅਤੇ ਕੈਟਰੀਨਾ ਨੇ ਤੁਰਕੀ, ਰੂਸ ਅਤੇ ਆਸਟ੍ਰੀਆ ‘ਚ ਵੀ ਫਿਲਮ ਦੀ ਸ਼ੂਟਿੰਗ ਕੀਤੀ ਸੀ। ਫਿਲਮ ‘ਚ ਇਮਰਾਨ ਹਾਸ਼ਮੀ ਵੀ ਹਨ।
