Urvashi meet benjamin netanyahu: ਬਿਊਟੀ ਕੁਈਨ ਅਤੇ ਬਾਲੀਵੁੱਡ ਅਦਾਕਾਰਾ ਉਰਵਸ਼ੀ ਰੌਤੇਲਾ ਨੇ ਹਾਲ ਹੀ ਵਿੱਚ ਇਜ਼ਰਾਈਲ ਦੇ ਸਾਬਕਾ ਪ੍ਰਧਾਨ ਮੰਤਰੀ ਬੈਂਜਾਮਿਨ ਨੇਤਨਯਾਹੂ ਨਾਲ ਮੁਲਾਕਾਤ ਕੀਤੀ। ਇਸ ਮੁਲਾਕਾਤ ‘ਚ ਉਰਵਸ਼ੀ ਨੇ ਭਾਰਤ ਵੱਲੋਂ ਬੈਂਜਾਮਿਨ ਨੇਤਨਯਾਹੂ ਨੂੰ ਇਕ ਬਹੁਤ ਹੀ ਯਾਦਗਾਰ ਤੋਹਫਾ ਦਿੱਤਾ।
ਉਨ੍ਹਾਂ ਨੇ ਬੈਂਜਾਮਿਨ ਨੇਤਨਯਾਹੂ ਨੂੰ ਹਿੰਦੂਆਂ ਦੀ ਪਵਿੱਤਰ ਕਿਤਾਬ ਭਗਵਦ ਗੀਤਾ ਭੇਟ ਕੀਤੀ। ਅਦਾਕਾਰਾ ਨੇ ਇਸ ਯਾਦਗਾਰ ਪਲ ਨੂੰ ਪ੍ਰਸ਼ੰਸਕਾਂ ਨਾਲ ਵੀ ਸਾਂਝਾ ਕੀਤਾ ਹੈ। ਉਸ ਨੇ ਇਸ ਮੁਲਾਕਾਤ ਦੀਆਂ ਤਸਵੀਰਾਂ ਇੰਸਟਾਗ੍ਰਾਮ ‘ਤੇ ਸ਼ੇਅਰ ਕੀਤੀਆਂ ਹਨ। ਫੋਟੋ ਸ਼ੇਅਰ ਕਰਦੇ ਹੋਏ ਉਰਵਸ਼ੀ ਨੇ ਲਿਖਿਆ- ‘ਮੈਨੂੰ ਅਤੇ ਮੇਰੇ ਪਰਿਵਾਰ ਨੂੰ ਸੱਦਾ ਦੇਣ ਲਈ ਇਜ਼ਰਾਈਲ ਦੇ ਸਾਬਕਾ ਪ੍ਰਧਾਨ ਮੰਤਰੀ ਦਾ ਧੰਨਵਾਦ। #RoyalWelcome’ ਉਸਨੇ ਅੱਗੇ ਆਪਣੇ ਤੋਹਫ਼ੇ ਦਾ ਜ਼ਿਕਰ ਕੀਤਾ ‘ਮੇਰੀ ਭਗਵਦ ਗੀਤਾ: ਜਦੋਂ ਕੋਈ ਤੋਹਫ਼ਾ ਸਹੀ ਵਿਅਕਤੀ ਨੂੰ ਸਹੀ ਸਮੇਂ ਅਤੇ ਸਹੀ ਜਗ੍ਹਾ ‘ਤੇ ਦਿੱਤਾ ਜਾਂਦਾ ਹੈ ਅਤੇ ਬਦਲੇ ਵਿੱਚ ਹੋਰ ਕੁਝ ਚੀਜ਼ ਦੀ ਉਮੀਦ ਨਾ ਹੋ, ਤਾਂ ਉਹ ਤੋਹਫ਼ਾ ਹਮੇਸ਼ਾ ਸ਼ੁੱਧ ਹੁੰਦਾ ਹੈ।’ ਇਸ ਮੁਲਾਕਾਤ ਵਿੱਚ ਦੋਵਾਂ ਨੇ ਇੱਕ ਦੂਜੇ ਨੂੰ ਆਪਣੇ ਦੇਸ਼ ਦੀ ਰਾਸ਼ਟਰੀ ਭਾਸ਼ਾ ਵੀ ਸਿਖਾਈ।
ਉਰਵਸ਼ੀ ਦਾ ਇਜ਼ਰਾਈਲ ਦਾ ਦੌਰਾ ਵੱਕਾਰੀ ਅੰਤਰਰਾਸ਼ਟਰੀ ਸੁੰਦਰਤਾ ਮੁਕਾਬਲੇ, ਮਿਸ ਯੂਨੀਵਰਸ 2021 ਦੇ ਸਬੰਧ ਵਿੱਚ ਸੀ। ਉਸ ਨੂੰ ਇਸ ਸੁੰਦਰਤਾ ਮੁਕਾਬਲੇ ਵਿੱਚ ਜਿਊਰੀ ਮੈਂਬਰ ਵਜੋਂ ਸੱਦਿਆ ਗਿਆ ਸੀ। ਉਰਵਸ਼ੀ ਨੇ 2015 ਵਿੱਚ ਭਾਰਤ ਤੋਂ ਮਿਸ ਯੂਨੀਵਰਸ ਮੁਕਾਬਲੇ ਦੀ ਨੁਮਾਇੰਦਗੀ ਕੀਤੀ ਸੀ। ਹੁਣ ਉਹ ਮੁੜ ਜੱਜ ਦੇ ਤੌਰ ‘ਤੇ ਇਸ ਪੜਾਅ ‘ਤੇ ਪਰਤ ਆਈ ਹੈ। ਹਰਨਾਜ਼ ਸੰਧੂ ਨੇ ਮਿਸ ਯੂਨੀਵਰਸ ਦੇ 70ਵੇਂ ਐਡੀਸ਼ਨ ਵਿੱਚ ਭਾਰਤ ਦੀ ਤਰਫੋਂ ਹਿੱਸਾ ਲਿਆ ਹੈ।
ਉਰਵਸ਼ੀ ਦੇ ਪ੍ਰੋਫੈਸ਼ਨਲ ਦੀ ਗੱਲ ਕਰੀਏ ਤਾਂ ਉਹ ਆਖਰੀ ਵਾਰ ਫਿਲਮ ਵਰਜਿਨ ਭਾਨੂਪ੍ਰਿਆ ਵਿੱਚ ਨਜ਼ਰ ਆਈ ਸੀ। ਉਸਨੇ ਫਿਲਮ ਸਿੰਘ ਸਾਬ ਦ ਗ੍ਰੇਟ ਨਾਲ ਬਾਲੀਵੁੱਡ ਵਿੱਚ ਡੈਬਿਊ ਕੀਤਾ ਸੀ। ਇਸ ਤੋਂ ਬਾਅਦ ਉਹ ਭਾਗ ਜੌਨੀ, ਸਨਮ ਰੇ, ਗ੍ਰੇਟ ਗ੍ਰੈਂਡ ਮਸਤੀ, ਕਾਬਿਲ, ਹੇਟ ਸਟੋਰੀ 4, ਪਾਗਲਪੰਤੀ ਵਿੱਚ ਨਜ਼ਰ ਆਈ। ਉਹ ਸਾਊਥ ਦੀਆਂ ਫਿਲਮਾਂ ‘ਚ ਵੀ ਕੰਮ ਕਰ ਚੁੱਕੀ ਹੈ। ਉਸਦਾ ਆਉਣ ਵਾਲਾ ਪ੍ਰੋਜੈਕਟ ਬਲੈਕ ਰੋਜ਼ ਹੈ।
