Yaariyan2 movie Teaser out: ਸਾਲ 2014 ਵਿੱਚ ਹਿਮਾਂਸ਼ ਕੋਹਲੀ ਅਤੇ ਰਕੁਲ ਪ੍ਰੀਤ ਸਿੰਘ ਦੀ ਫਿਲਮ ‘ਯਾਰੀਆਂ’ ਨੇ ਦਰਸ਼ਕਾਂ ਦਾ ਦਿਲ ਜਿੱਤ ਲਿਆ ਸੀ। ਦਿਵਿਆ ਖੋਸਲਾ ਕੁਮਾਰ ਦੁਆਰਾ ਨਿਰਦੇਸ਼ਤ ਯਾਰੀਆਂ ਨੇ ਦਰਸ਼ਕਾਂ ਤੋਂ ਲੈ ਕੇ ਆਲੋਚਕਾਂ ਤੱਕ ਸਾਰਿਆਂ ਨੂੰ ਪ੍ਰਭਾਵਿਤ ਕੀਤਾ। ਅਜਿਹੇ ‘ਚ ਦਿਵਿਆ ਹੁਣ ‘ਯਾਰੀਆਂ 2’ ਲੈ ਕੇ ਆ ਰਹੀ ਹੈ, ਖਾਸ ਗੱਲ ਇਹ ਹੈ ਕਿ ਇਸ ਵਾਰ ਉਹ ਨਿਰਦੇਸ਼ਕ ਨਹੀਂ ਸਗੋਂ ਮੁੱਖ ਭੂਮਿਕਾ ‘ਚ ਨਜ਼ਰ ਆਵੇਗੀ।
‘ਯਾਰੀਆਂ 2’ ਦਾ ਫਰਸਟ ਲੁੱਕ ਪੋਸਟਰ ਬੁੱਧਵਾਰ ਨੂੰ ਨਿਰਮਾਤਾਵਾਂ ਦੁਆਰਾ ਸਾਂਝਾ ਕੀਤਾ ਗਿਆ ਸੀ। ਜਿਸ ਵਿੱਚ ਦਿਵਿਆ ਖੋਸਲਾ ਕੁਮਾਰ ਫਿਲਮ ਦੇ ਮੁੱਖ ਕਲਾਕਾਰ ਮੀਜ਼ਾਨ ਜਾਫਰੀ ਅਤੇ ਪਰਲ ਵੀ ਪੁਰੀ ਨਾਲ ਨਜ਼ਰ ਆਈ। ਹੁਣ ਵੀਰਵਾਰ ਨੂੰ ਟੀ-ਸੀਰੀਜ਼ ਨੇ ‘ਯਾਰੀਆਂ 2’ ਦਾ ਟੀਜ਼ਰ ਰਿਲੀਜ਼ ਕੀਤਾ ਹੈ, ਜਿਸ ਵਿੱਚ ਦਿਖਾਇਆ ਗਿਆ ਹੈ ਕਿ ਦੋ ਮੁੰਡਿਆਂ ਦੀ ਕਹਾਣੀ ਇੱਕ ਕੁੜੀ ਦੇ ਆਲੇ-ਦੁਆਲੇ ਘੁੰਮਦੀ ਹੈ। ਇਸ ਟੀਜ਼ਰ ਤੋਂ ਆਸਾਨੀ ਨਾਲ ਅੰਦਾਜ਼ਾ ਲਗਾਇਆ ਜਾ ਸਕਦਾ ਹੈ ਕਿ ਇਸ ਵਾਰ ‘ਯਾਰੀਆਂ’ ਦੀ ਕਹਾਣੀ ਵੀ ਪ੍ਰੇਮ ਤਿਕੋਣ ‘ਤੇ ਆਧਾਰਿਤ ਹੋ ਸਕਦੀ ਹੈ। ਇਸ ਟੀਜ਼ਰ ਵਿੱਚ ਤੁਹਾਨੂੰ ਵਰੀਨਾ ਹੁਸੈਨ, ਅਨਸਵਰਾ ਰੰਜਨ, ਪ੍ਰਿਆ ਵਾਰੀਅਰ ਅਤੇ ਯਸ਼ ਦਾਸ ਗੁਪਤਾ ਵਰਗੇ ਕਲਾਕਾਰਾਂ ਦੀ ਝਲਕ ਦੇਖਣ ਨੂੰ ਮਿਲੇਗੀ। ‘ਯਾਰੀਆਂ 2’ ਦੇ ਟੀਜ਼ਰ ਨੇ ਵੀ ਪ੍ਰਸ਼ੰਸਕਾਂ ਦਾ ਉਤਸ਼ਾਹ ਕਾਫੀ ਹੱਦ ਤੱਕ ਵਧਾ ਦਿੱਤਾ ਹੈ। ਨਿਰਦੇਸ਼ਕ ਵਿਨੈ ਸਪਰੂ ਅਤੇ ਰਾਧਿਕਾ ਰਾਓ ਦੇ ਨਿਰਦੇਸ਼ਨ ਹੇਠ ਬਣੀ ਇਸ ਫ਼ਿਲਮ ਦਾ ਹਰ ਕੋਈ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਿਹਾ ਹੈ।
ਪਹਿਲੇ ਭਾਗ ਦੀ ਸ਼ਾਨਦਾਰ ਸਫਲਤਾ ਤੋਂ ਬਾਅਦ, ਯਾਰੀਆਂ ਦਾ ਸੀਕੁਅਲ ਆ ਰਿਹਾ ਹੈ। 9 ਸਾਲਾਂ ਦੇ ਲੰਬੇ ਇੰਤਜ਼ਾਰ ਤੋਂ ਬਾਅਦ ਇੱਕ ਵਾਰ ਫਿਰ ਦਰਸ਼ਕਾਂ ਨੂੰ ਇੱਕ ਨਵੀਂ ਕਿਸਮ ਦੀਆਂ ਯਾਰੀਆਂ ਦੇਖਣ ਨੂੰ ਮਿਲਣਗੀਆਂ। ‘ਯਾਰੀਆਂ 2’ ਦੀ ਰਿਲੀਜ਼ ਡੇਟ ‘ਤੇ ਗੌਰ ਕਰੀਏ ਤਾਂ ਇਹ ਫਿਲਮ 20 ਅਕਤੂਬਰ 2023 ਨੂੰ ਸਿਨੇਮਾਘਰਾਂ ‘ਚ ਰਿਲੀਜ਼ ਹੋਵੇਗੀ। ਦੱਸਣਯੋਗ ਹੈ ਕਿ 2014 ‘ਚ ਆਈ ‘ਯਾਰੀਆਂ’ ਨੇ ਬਾਕਸ ਆਫਿਸ ‘ਤੇ ਕਰੀਬ 40 ਕਰੋੜ ਦਾ ਕਾਰੋਬਾਰ ਕੀਤਾ ਸੀ, ਦਿਵਿਆ ਖੋਸਲਾ ਕੁਮਾਰ ਦੀ ਫਿਲਮ ਦਾ ਪਹਿਲਾ ਭਾਗ ਘੱਟ ਬਜਟ ‘ਚ ਬਣੀ ਹੋਣ ਕਾਰਨ ਹਿੱਟ ਸਾਬਤ ਹੋਇਆ ਸੀ।
