9 month pregnant diet: ਪ੍ਰੈਗਨੈਂਸੀ ‘ਚ ਔਰਤਾਂ ਨੂੰ ਆਪਣਾ ਵਿਸ਼ੇਸ਼ ਧਿਆਨ ਰੱਖਣ ਦੀ ਜ਼ਰੂਰਤ ਹੁੰਦੀ ਹੈ। ਉੱਥੇ ਹੀ ਇਨ੍ਹਾਂ ‘ਚ ਨੌਵਾਂ ਮਹੀਨਾ ਸਭ ਤੋਂ ਨਾਜ਼ੁਕ ਮੰਨਿਆ ਜਾਂਦਾ ਹੈ। ਦਰਅਸਲ ਇਸ ਸਮੇਂ ਦੌਰਾਨ ਬੱਚੇ ਦਾ ਸਿਰ ਯੋਨੀ ਵੱਲ ਆਉਣਾ ਸ਼ੁਰੂ ਹੁੰਦਾ ਹੈ। ਅਜਿਹੇ ‘ਚ ਨਾਰਮਲ ਡਿਲੀਵਰੀ ਲਈ ਅਜਿਹਾ ਹੋਣਾ ਬਹੁਤ ਜ਼ਰੂਰੀ ਹੈ। ਇਸਦੇ ਉਲਟ ਜੇ ਬੱਚੇ ਦੀ ਸਥਿਤੀ ਹੇਠਾਂ ਸਹੀ ਨਹੀਂ ਨਾ ਹੋਵੇ ਤਾਂ ਡਿਲਿਵਰੀ ਅਪ੍ਰੇਸ਼ਨ ਦੁਆਰਾ ਕਰਨੀ ਪੈਂਦੀ ਹੈ। ਇਸਦੇ ਲਈ ਔਰਤ ਨੂੰ ਇਸ ਸਮੇਂ ਆਪਣੀ ਸਿਹਤ ਦਾ ਚੰਗਾ ਧਿਆਨ ਰੱਖਣਾ ਚਾਹੀਦਾ ਹੈ। ਇਸ ਲਈ ਅੱਜ ਤੁਹਾਨੂੰ ਦੱਸਦੇ ਹਾਂ ਨਾਰਮਲ ਡਿਲੀਵਰੀ ਲਈ ਕੀ ਖਾਣਾ ਚਾਹੀਦਾ ਹੈ…
ਸਭ ਤੋਂ ਪਹਿਲਾਂ ਕਰੋ ਇਹ ਕੰਮ: ਇਸ ਦੇ ਲਈ ਔਰਤ ਨੂੰ ਸਮੇਂ-ਸਮੇਂ ‘ਤੇ ਆਪਣੇ ਡਾਕਟਰ ਤੋਂ ਜਾਂਚ ਕਰਵਾਉਂਦੇ ਰਹਿਣਾ ਚਾਹੀਦਾ। ਨਾਲ ਹੀ ਡਾਕਟਰ ਦੇ ਅਨੁਸਾਰ ਜੇ ਨਾਰਮਲ ਡਿਲੀਵਰੀ ਹੋ ਸਕਦੀ ਹੈ ਤਾਂ ਇਸ ਦੀ ਸੰਭਾਵਨਾ ਨੂੰ ਕੁਝ ਨੁਸਖ਼ਿਆਂ ਨਾਲ ਹੋਰ ਵਧਾ ਸਕਦੇ ਹੋ।
ਅਜਵਾਇਣ ਦਾ ਲੱਡੂ: ਇਹ ਮੰਨਿਆ ਜਾਂਦਾ ਹੈ ਕਿ ਇਸ ਸਮੇਂ ਦੌਰਾਨ ਗਰਮ ਚੀਜ਼ਾਂ ਦਾ ਸੇਵਨ ਕਰਨ ਨਾਲ ਬੱਚੇਦਾਨੀ ਅਤੇ ਪੈਲਿਵਕ ਹਿੱਸਿਆਂ ਦੀਆਂ ਮਾਸਪੇਸ਼ੀਆਂ ਮਜ਼ਬੂਤ ਆਉਂਦੀ ਹੈ। ਅਜਿਹੇ ‘ਚ ਰੋਜ਼ਾਨਾ ਸਵੇਰੇ ਖਾਲੀ ਪੇਟ ਅਜਵਾਇਣ ਦਾ 1 ਲੱਡੂ ਖਾਣ ਨਾਲ ਫ਼ਾਇਦਾ ਹੋਵੇਗਾ। ਅਜਵਾਇਣ ਦੀ ਤਾਸੀਰ ਗਰਮ ਹੁੰਦੀ ਹੈ। ਅਜਿਹੇ ‘ਚ ਇਸ ਨੂੰ ਲੈਣ ਨਾਲ ਸਿਹਤ ਸਹੀ ਰਹਿਣ ਦੇ ਨਾਲ ਬੱਚਾ ਜਲਦੀ ਹੇਠਾਂ ਆਉਣ ‘ਚ ਮਦਦ ਮਿਲਦੀ ਹੈ। ਨੌਵਾਂ ਮਹੀਨਾ ਸ਼ੁਰੂ ਹੋਣ ‘ਤੇ ਰੋਜ਼ਾਨਾ 4-5 ਬਦਾਮ ਖਾਣਾ ਵਧੀਆ ਰਹੇਗਾ। ਪਰ ਇਸ ਨੂੰ ਭਿਓਂ ਕੇ ਨਹੀਂ ਬਲਕਿ ਸੁੱਕਾ ਹੀ ਖਾਣਾ ਚਾਹੀਦਾ ਹੈ। ਅਸਲ ਵਿੱਚ ਸੁੱਕੇ ਬਦਾਮ ਦੀ ਤਾਸੀਰ ਗਰਮ ਹੁੰਦੀ ਹੈ। ਅਜਿਹੇ ‘ਚ ਇਸ ਦਾ ਸੇਵਨ ਕਰਨਾ ਫ਼ਾਇਦੇਮੰਦ ਮੰਨਿਆ ਜਾਂਦਾ ਹੈ।
ਗੁਣਗੁਣਾ ਪਾਣੀ: ਨੌਵੇਂ ਮਹੀਨੇ ‘ਚ ਠੰਡੇ ਦੀ ਬਜਾਏ ਗੁਣਗੁਣੇ ਪਾਣੀ ਦਾ ਸੇਵਨ ਕਰਨਾ ਚਾਹੀਦਾ ਹੈ। ਇਸ ਨਾਲ ਮਾਸਪੇਸ਼ੀ ਦਾ ਤਣਾਅ ਘੱਟ ਹੋਣ ਦੇ ਨਾਲ ਸਰੀਰ ਨੂੰ ਗਰਮਾਹਟ ਮਿਲਦੀ ਹੈ। ਇਸ ਦੇ ਉਲਟ ਠੰਡਾ ਪਾਣੀ ਪੀਣ ਨਾਲ ਮਾਸਪੇਸ਼ੀਆਂ ‘ਚ ਅਕੜਨ ਮਹਿਸੂਸ ਹੋਣ ਦੇ ਨਾਲ ਲੇਬਰ ਪੈਨ ਵੀ ਲੰਬੇ ਸਮੇਂ ਤਕ ਹੋ ਸਕਦੀ ਹੈ। ਤਿਲ ਵੀ ਗਰਮ ਹੁੰਦੇ ਹਨ। ਅਜਿਹੇ ‘ਚ ਇਸ ਤੋਂ ਤਿਆਰ ਲੱਡੂਆਂ ਦਾ ਸੇਵਨ ਵੀ ਕੀਤਾ ਜਾ ਸਕਦਾ ਹੈ। ਤੁਸੀਂ ਇਸ ਨੂੰ ਦੇਸੀ ਘਿਓ ਵਿਚ ਬਣਾ ਕੇ ਦੁੱਧ ਦੇ ਨਾਲ ਖਾ ਸਕਦੇ ਹੋ।
ਖਜੂਰ: ਖਜੂਰ ਗਰਮ ਹੋਣ ਦੇ ਨਾਲ ਪੌਸ਼ਟਿਕ ਤੱਤਾਂ ਨਾਲ ਭਰਪੂਰ ਹੁੰਦੀ ਹੈ। ਇਸ ਨੂੰ ਖਾਣ ਨਾਲ ਸਰੀਰ ਨੂੰ ਸਾਰੇ ਜ਼ਰੂਰੀ ਤੱਤ ਮਿਲਣ ਦੇ ਨਾਲ ਬੱਚਾ ਸਹੀ ਪੋਜੀਸ਼ਨ ‘ਚ ਆਉਂਦਾ ਹੈ। ਨਾਲ ਇਸ ਦੇ ਸੇਵਨ ਨਾਲ ਸ਼ੂਗਰ ਕਰੇਵਿੰਗ ਵੀ ਦੂਰ ਕੀਤੀ ਜਾ ਸਕਦੀ ਹੈ। ਪਰ ਜਿਹੜੀਆਂ ਔਰਤਾਂ ਨੂੰ ਖਜੂਰ ਖਾਣਾ ਪਸੰਦ ਨਹੀਂ ਹੈ ਉਹ ਇਸਦੇ ਬਦਲੇ ਛੁਆਰੇ ਵੀ ਖਾ ਸਕਦੀਆਂ ਹਨ। ਇਸ ਦੇ ਲਈ ਰੋਜ਼ਾਨਾ 4-5 ਛੁਆਰੇ ਦੁੱਧ ਵਿਚ ਉਬਾਲ ਕੇ ਪੀਣਾ ਫ਼ਾਇਦੇਮੰਦ ਹੋਵੇਗਾ।
ਅਦਰਕ ਦਾ ਦੁੱਧ ਜਾਂ ਚਾਹ: ਦੁੱਧ ਵਿਚ ਅਦਰਕ ਉਬਾਲ ਕੇ ਪੀਣਾ ਵੀ ਲਾਭਕਾਰੀ ਹੋਵੇਗਾ। ਅਦਰਕ ਦੀ ਤਾਸੀਰ ਗਰਮ ਹੋਣ ਨਾਲ ਇਸ ਦਾ ਦੁੱਧ ਜਾਂ ਚਾਹ ਬਣਾਕੇ ਘੁੱਟ-ਘੁੱਟ ਕਰਕੇ ਪੀਣਾ ਚਾਹੀਦਾ ਹੈ। ਇਸ ਨਾਲ ਮਾਸਪੇਸ਼ੀਆਂ ‘ਚ ਤਣਾਅ ਘੱਟ ਹੋਣ ਦੇ ਨਾਲ ਡਿਲੀਵਰੀ ਲਈ ਬੱਚੇ ਦੀ ਪੋਜੀਸ਼ਨ ਸਹੀ ਹੋਣ ‘ਚ ਸਹਾਇਤਾ ਮਿਲਦੀ ਹੈ। ਆਂਡੇ ਵਿਚ ਕੈਲਸ਼ੀਅਮ, ਵਿਟਾਮਿਨ, ਆਇਰਨ, ਪ੍ਰੋਟੀਨ ਆਦਿ ਤੱਤਾਂ ਹੋਣ ਨਾਲ ਇਸ ਨੂੰ ਗਰਭ ਅਵਸਥਾ ਦੇ ਨੌਵੇਂ ਮਹੀਨੇ ਵਿਚ ਜ਼ਰੂਰ ਖਾਣਾ ਚਾਹੀਦਾ ਹੈ। ਨਾਲ ਹੀ ਇਸ ਦੀ ਤਾਸੀਰ ਗਰਮ ਹੋਣ ਨਾਲ ਰੋਜ਼ਾਨਾ 2 ਆਂਡਿਆਂ ਦਾ ਸੇਵਨ ਕਰਨਾ ਲਾਭਕਾਰੀ ਹੁੰਦਾ ਹੈ।
