Coronavirus tea Harad: ਕੋਰੋਨਾ ਵਾਇਰਸ ਦਾ ਖ਼ਤਰਾ ਘੱਟ ਹੋਣ ਦਾ ਨਾਮ ਨਹੀਂ ਲੈ ਰਿਹਾ ਹੈ। ਉੱਥੇ ਹੀ ਵਿਗਿਆਨੀ ਦਿਨ-ਰਾਤ ਕੋਰੋਨਾ ਵੈਕਸੀਨ ਬਣਾਉਣ ਵਿਚ ਲੱਗੇ ਹੋਏ ਹਨ। ਇਸ ਦੌਰਾਨ ਡਾਕਟਰ ਅਤੇ ਪ੍ਰਸ਼ਾਸਨ ਲੋਕਾਂ ਨੂੰ ਇਮਿਊਨਿਟੀ ਮਜ਼ਬੂਤ ਕਰਨ ਦੀ ਸਲਾਹ ਦੇ ਰਹੇ ਹਨ। ਆਯੂਸ਼ ਮੰਤਰਾਲੇ ਵੱਲੋਂ ਇਮਿਊਨਿਟੀ ਨੂੰ ਮਜ਼ਬੂਤ ਕਰਨ ਲਈ ਕਈ ਸੁਝਾਅ ਵੀ ਦਿੱਤੇ ਗਏ ਸਨ। ਇਸ ਦੇ ਨਾਲ ਹੀ ਉਹ ਆਯੁਰਵੈਦ ਦੀਆਂ ਦਵਾਈਆਂ ਬਾਰੇ ਵੀ ਖੋਜ ਕਰ ਰਹੇ ਹਨ ਤਾਂ ਜੋ ਕੋਰੋਨਾ ਦੀ ਦਵਾਈ ਜਲਦੀ ਤੋਂ ਜਲਦੀ ਮਿਲ ਸਕੇ।
ਚਾਹ-ਹਰੜ ਨਾਲ ਘੱਟ ਹੋਵੇਗਾ ਕੋਰੋਨਾ ਦਾ ਖ਼ਤਰਾ: ਕੋਰੋਨਾ ਬਾਰੇ ਅਜਿਹੀ ਇਕ ਖੋਜ ਨੇ ਇਹ ਖੁਲਾਸਾ ਕੀਤਾ ਹੈ ਕਿ ਚਾਹ ਅਤੇ ਹਰੜ ਇਸ ਵਿੱਚ ਬਹੁਤ ਮਦਦਗਾਰ ਸਾਬਤ ਹੋ ਸਕਦੇ ਹਨ। ਖੋਜਕਰਤਾਵਾਂ ਦੇ ਅਨੁਸਾਰ ਇਸ ਦਾ ਰੋਜ਼ਾਨਾ ਸੇਵਨ ਕਰਨ ਨਾਲ ਕੋਰੋਨਾ ਦੇ ਖ਼ਤਰੇ ਨੂੰ ਘੱਟ ਕੀਤਾ ਜਾ ਸਕਦਾ ਹੈ। ਆਈਆਈਟੀ ਦਿੱਲੀ ਨੇ ਕਿਹਾ ਕਿ ਹਰੀਤਕੀ ਨੂੰ ਕੋਰੋਨਾ ਦੇ ਇਲਾਜ ਦੇ ਵਿਕਲਪ ਵਜੋਂ ਤਿਆਰ ਕੀਤਾ ਜਾ ਸਕਦਾ ਹੈ। ਆਯੁਰਵੈਦ ਵਿਚ ਬਹੁਤ ਸਾਰੀਆਂ ਦਵਾਈਆਂ ਹਨ ਜੋ ਬੀਮਾਰੀਆਂ ਵਿਚ ਕਾਰਗਰ ਸਿੱਧ ਹੋ ਸਕਦੀਆਂ ਹਨ।
ਬਲੈਕ ਟੀ, ਗ੍ਰੀਨ ਟੀ ਅਤੇ ਹਰੜ: ਅਧਿਐਨ ਦੇ ਅਨੁਸਾਰ ਬਲੈਕ ਅਤੇ ਗ੍ਰੀਨ ਟੀ ਜਿਹੀਆਂ ਚਾਹ ਅਤੇ ਹਰੀਤਕੀ ‘ਚ ਵਾਇਰਸ ਨਾਲ ਲੜਨ ਦੇ ਗੁਣ ਹੁੰਦੇ ਹਨ। ਇਸ ਦੇ ਨਾਲ ਹੀ ਉਨ੍ਹਾਂ ਵਿਚ ਮੌਨਸੂਨ ਵਿਚ ਹੋਣ ਵਾਲੀਆਂ ਵਾਇਰਲ ਅਤੇ ਬੈਕਟਰੀਆ ਦੀਆਂ ਬੀਮਾਰੀਆਂ ਨਾਲ ਲੜਨ ਦੀ ਸ਼ਕਤੀ ਵੀ ਹੈ। ਖੋਜਕਰਤਾ ਕਿਸੇ ਖਾਸ ਪ੍ਰੋਟੀਨ (3 ਸੀਐੱਲਪ੍ਰੋ) ਤੋਂ ਕੋਰੋਨਾ ਦਾ ਇਲਾਜ਼ ਲੱਭਣ ਲਈ 51 ਚਿਕਿਤਸਕ ਪੌਦਿਆਂ ਦੀ ਜਾਂਚ ਕਰ ਰਹੇ ਹਨ।
ਵਾਇਰਸ ਨੂੰ ਘਟਾਉਣ ਵਿਚ ਪ੍ਰਭਾਵਸ਼ਾਲੀ: ਇਨ੍ਹਾਂ ਵਿਚ ਗੈਲੋਟੀਨਾਈਨ ਵਾਇਰਸ ਦੇ ਪ੍ਰੋਟੀਨ ਨੂੰ ਘਟਾਉਂਦਾ ਹੈ ਜਿਸ ਨਾਲ ਕੋਰੋਨਾ ਦੇ ਖ਼ਤਰੇ ਤੋਂ ਪਰਹੇਜ਼ ਹੁੰਦਾ ਹੈ। ਤੁਹਾਨੂੰ ਦੱਸ ਦਈਏ ਕਿ ਕੇਂਦਰੀ ਸਿਹਤ ਮੰਤਰੀ ਨੇ ਟਵਿੱਟਰ ਰਾਹੀਂ ਆਈਆਈਟੀ ਦੀ ਇਸ ਖੋਜ ਦੀ ਪ੍ਰਸ਼ੰਸਾ ਕੀਤੀ ਅਤੇ ਕੋਰੋਨਾ ਤੋਂ ਬਚਣ ਲਈ ਇਸ ਨੂੰ ਕਾਰਗਰ ਕਰਾਰ ਦਿੱਤਾ।
ਹਰੀ ਅਤੇ ਕਾਲੀ ਚਾਹ ਜ਼ਿਆਦਾ ਫਾਇਦੇਮੰਦ: ਦਰਅਸਲ ਕਾਲੀ ਅਤੇ ਹਰੀ ਚਾਹ ਵਿਚ ਐਂਟੀ-ਬੈਕਟਰੀ, ਐਂਟੀਵਾਇਰਲ ਗੁਣ ਹੁੰਦੇ ਹਨ ਜੋ ਇਮਿਊਨ ਸਿਸਟਮ ਨੂੰ ਮਜ਼ਬੂਤ ਕਰਦੇ ਹਨ। ਇਸ ਦੇ ਨਾਲ ਹੀ ਇਹ ਕੋਲੈਸਟ੍ਰੋਲ ਅਤੇ ਬਲੱਡ ਪ੍ਰੈਸ਼ਰ ਨੂੰ ਵੀ ਕਾਬੂ ਵਿਚ ਰੱਖਦੀਆਂ ਹਨ। ਇਨ੍ਹਾਂ ਵਿਚ ਟੈਨਿਨ ਨਾਮ ਦਾ ਤੱਤ ਵੀ ਹੁੰਦਾ ਹੈ ਜੋ ਕੋਰੋਨਾ, ਹੈਪੇਟਾਈਟਸ, ਇਨਫਲੂਐਂਜ਼ਾ ਵਰਗੇ ਵਿਸ਼ਾਣੂਆਂ ਨਾਲ ਲੜਨ ਵਿਚ ਕਾਰਗਰ ਹੈ। ਹਾਲਾਂਕਿ ਚਾਹ ਅਤੇ ਹਰੜ ਦੀ ਜਾਂਚ ਅਜੇ ਤੱਕ ਕੋਰੋਨਾ ਦੇ ਮਰੀਜ਼ਾਂ ‘ਤੇ ਨਹੀਂ ਕੀਤੀ ਜਾ ਸਕਦੀ ਪਰ ਤੁਸੀਂ ਇਮਿਊਨਿਟੀ ਨੂੰ ਮਜ਼ਬੂਤ ਕਰਨ ਲਈ ਇਸ ਦਾ ਸੇਵਨ ਕਰ ਸਕਦੇ ਹੋ। ਇਸ ਦੇ ਨਾਲ ਹੀ ਤੁਸੀਂ ਮੌਸਮੀ ਰੋਗਾਂ ਤੋਂ ਵੀ ਸੁਰੱਖਿਅਤ ਰਹੋਗੇ।
