COVID vaccine non stick utensils: ਅਮਰੀਕੀ ਵਿਗਿਆਨੀਆਂ ਨੇ ਰੋਜ਼ਮਰਾ ਦੀਆਂ ਚੀਜ਼ਾਂ ‘ਚ ਇਸਤੇਮਾਲ ਹੋਣ ਵਾਲੇ ਅਜਿਹੇ ਕੈਮੀਕਲ ਦਾ ਪਤਾ ਲਗਾਇਆ ਹੈ ਜੋ ਕੋਰੋਨਾ ਵੈਕਸੀਨ ਦੇ ਅਸਰ ਨੂੰ ਘੱਟ ਕਰ ਸਕਦਾ ਹੈ। ਹਾਰਵਰਡ ਸਕੂਲ ਆਫ਼ ਪਬਲਿਕ ਹੈਲਥ ਦੇ ਇੱਕ ਪ੍ਰੋਫੈਸਰ ਅਨੁਸਾਰ ਮਹਾਮਾਰੀ ਦੇ ਇਸ ਪੜਾਅ ‘ਤੇ ਪੌਲੀਫਲੂਓਰੋਕਲਾਈਲ (polyfluoroalkyl) ਕੈਮੀਕਲ ਵੈਕਸੀਨ ‘ਤੇ ਕਿੰਨਾ ਅਸਰ ਪਵੇਗਾ, ਇਹ ਅਸੀਂ ਨਹੀਂ ਦੱਸ ਸਕਦੇ। ਪਰ ਇਸ ਤੋਂ ਖ਼ਤਰਾ ਤਾਂ ਹੈ। ਅਸੀਂ ਸਿਰਫ ਆਸ ਕਰ ਸਕਦੇ ਹਾਂ ਕਿ ਸਭ ਕੁਝ ਠੀਕ ਰਹੇ। ਖੋਜ ਕਰ ਰਹੇ ਵਿਗਿਆਨੀਆਂ ਦਾ ਕਹਿਣਾ ਹੈ ਕਿ ਇਹ ਕੈਮੀਕਲ ਕੋਰੋਨਾ ਦੇ ਖ਼ਤਰੇ ਨੂੰ ਵਧਾ ਸਕਦਾ ਹੈ। ਜੇ ਇਹ ਕੈਮੀਕਲ ਫੇਫੜਿਆਂ ਤੱਕ ਪਹੁੰਚ ਜਾਂਦਾ ਹੈ ਤਾਂ ਸਥਿਤੀ ਹੋਰ ਵੀ ਨਾਜ਼ੁਕ ਹੋ ਸਕਦੀ ਹੈ।
ਇਨ੍ਹਾਂ ਚੀਜ਼ਾਂ ‘ਚ ਪਾਇਆ ਜਾਂਦਾ ਹੈ polyfluoroalkyl: ਵਿਗਿਆਨੀਆਂ ਦੇ ਅਨੁਸਾਰ ਪੈੱਨ, ਭਾਂਡੇ, ਪੀਜ਼ਾ ਦੇ ਡੱਬੇ ਅਤੇ ਵਾਟਰਪ੍ਰੂਫ ਕੱਪੜਿਆਂ ਵਿੱਚ polyfluoroalkyl Chemical ਪਾਇਆ ਜਾਂਦਾ ਹੈ। ਇਸਨੂੰ PFAS ਵੀ ਕਿਹਾ ਜਾਂਦਾ ਹੈ। ਇਹ ਕੋਰੋਨਾ ਵੈਕਸੀਨ ਨੂੰ ਬੁਰੀ ਤਰ੍ਹਾਂ ਪ੍ਰਭਾਵਤ ਕਰ ਸਕਦਾ ਹੈ। ਖੋਜਕਰਤਾਵਾਂ ਦੇ ਅਨੁਸਾਰ ਇਹ ਕੈਮੀਕਲ ਲੀਵਰ ਡੈਮੇਜ਼ ਕਰਨ, ਕੈਂਸਰ ਦਾ ਕਾਰਨ ਅਤੇ ਪ੍ਰਜਨਨ ਸਮਰੱਥਾ ਨੂੰ ਘਟਾਉਣ ਦਾ ਖ਼ਤਰਾ ਵਧਾਉਂਦਾ ਹੈ। ਸ਼ੁਰੂਆਤੀ ਖੋਜ ਕਹਿੰਦੀ ਹੈ ਕਿ ਅਜਿਹੇ ਬੱਚੇ ਜੋ ਇਸ ਕੈਮੀਕਲ ਦੇ ਸੰਪਰਕ ‘ਚ ਰਹਿੰਦੇ ਹਨ ਉਨ੍ਹਾਂ ‘ਚ ਟੈਟਨਸ ਅਤੇ ਡਿਪਥੀਰੀਆ ਦੀ ਵੈਕਸੀਨ ਲੱਗਣ ‘ਤੇ ਐਂਟੀਬਾਡੀਜ਼ ਦੀ ਗਿਣਤੀ ਘੱਟ ਦਿਖੀ।
ਕੋਰੋਨਾ ਵੈਕਸੀਨ ਵੀ ਇਸ ਤਰ੍ਹਾਂ ਦੀ ਹੋਈ ਤਾਂ ਬੁਰਾ ਅਸਰ ਦਿੱਖ ਸਕਦਾ ਹੈ: ਪ੍ਰੋਫੈਸਰ ਦੇ ਅਨੁਸਾਰ ਜਿਸ ਤਰ੍ਹਾਂ ਡਿਪਥੀਰੀਆ ਅਤੇ ਟੈਟਨਸ ਦੀ ਵੈਕਸੀਨ ਲੱਗਣ ‘ਤੇ ਬੱਚਿਆਂ ਵਿੱਚ ਇਸ ਦੇ ਵਿਰੁੱਧ ਐਂਟੀਬਾਡੀ ਘੱਟ ਬਣੇ, ਉਸੀ ਤਰ੍ਹਾਂ ਜੇ ਕੋਰੋਨਾ ਵੈਕਸੀਨ ਵੀ ਇਸ ਨੇਚਰ ਦੀ ਹੋਈ ਤਾਂ ਇਹ ਕੈਮੀਕਲ ਇਸ ਨੂੰ ਵੀ ਪ੍ਰਭਾਵਤ ਕਰ ਸਕਦਾ ਹੈ। ਇਹ ਕੋਰੋਨਾ ‘ਤੇ ਵੈਕਸੀਨ ਦੇ ਰੇਸਪੋਂਸ ਨੂੰ ਘੱਟ ਕਰ ਸਕਦਾ ਹੈ। ਇਸ ਬਾਰੇ ਹੋਰ ਜਾਣਕਾਰੀ ਅਜੇ ਸਾਹਮਣੇ ਆਉਣੀ ਬਾਕੀ ਹੈ।
