Eating Curd Night: ਕੁਝ ਲੋਕ ਡਿਨਰ ਦੇ ਨਾਲ ਵੀ ਬਹੁਤ ਸ਼ੌਕ ਨਾਲ ਦਹੀਂ ਖਾਦੇ ਹਨ ਪਰ ਤੁਸੀਂ ਸਿਹਤ ਦੀਆਂ ਸਮੱਸਿਆਵਾਂ ਨੂੰ ਸੱਦਾ ਦੇ ਰਹੇ ਹੋ। ਸਿਰਫ ਡਾਕਟਰ ਹੀ ਨਹੀਂ ਬਲਕਿ ਆਯੁਰਵੈਦ ਦੇ ਨਿਯਮਾਂ ਅਨੁਸਾਰ ਦਹੀਂ ਰਾਤ ਨੂੰ ਨਹੀਂ ਖਾਣਾ ਚਾਹੀਦਾ। ਇਹ ਸਿਹਤ ਦੀਆਂ ਕਈ ਸਮੱਸਿਆਵਾਂ ਦਾ ਕਾਰਨ ਬਣ ਸਕਦਾ ਹੈ। ਆਓ ਅਸੀਂ ਤੁਹਾਨੂੰ ਦੱਸਦੇ ਹਾਂ ਕਿ ਰਾਤ ਨੂੰ ਦਹੀਂ ਕਿਉਂ ਨਹੀਂ ਖਾਣਾ ਚਾਹੀਦਾ ਅਤੇ ਇਸ ਤੋਂ ਕਿਹੜੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ।
ਕਿਉਂ ਨਹੀਂ ਖਾਣਾ ਚਾਹੀਦਾ ਰਾਤ ਨੂੰ ਦਹੀਂ: ਆਯੁਰਵੈਦ ਅਤੇ ਵਿਗਿਆਨੀਆਂ ਦੇ ਅਨੁਸਾਰ ਦਹੀਂ ਸਰੀਰ ਦੇ ਟਿਸ਼ੂ ‘ਚ ਆਪੋਜ਼ਿਟ ਐਕਟੀਵਿਟੀ ਨੂੰ ਵਧਾਉਂਦਾ ਹੈ ਜਿਸ ਦਾ ਬੁਰਾ ਅਸਰ ਪੈਂਦਾ ਹੈ। ਇਸ ਦੇ ਨਾਲ ਹੀ ਇਸ ਵਿਚ ਲੈਕਟਿਕ ਐਸਿਡ ਵੱਡੀ ਮਾਤਰਾ ‘ਚ ਹੁੰਦਾ ਹੈ ਜਿਸ ਨੂੰ ਰਾਤ ਨੂੰ ਖਾਣ ਨਾਲ ਨੁਕਸਾਨ ਪਹੁੰਚਾ ਸਕਦਾ ਹੈ। ਦਹੀਂ ਨੂੰ ਖਾਲੀ ਪੇਟ ਵੀ ਨਹੀਂ ਖਾਣਾ ਚਾਹੀਦਾ। ਇਸ ਨਾਲ ਪੇਟ ਵਿਚ ਐਸਿਡ ਪੈਦਾ ਹੁੰਦਾ ਹੈ। ਤੁਸੀਂ ਦੁਪਹਿਰ ਦੇ ਖਾਣੇ ਤੋਂ 1-2 ਘੰਟੇ ਬਾਅਦ ਦਹੀਂ ਦਾ ਸੇਵਨ ਕਰ ਸਕਦੇ ਹੋ। ਨਾਲ ਹੀ ਇਕ ਦਿਨ ‘ਚ 1-2 ਕੱਪ ਤੋਂ ਜ਼ਿਆਦਾ ਦਹੀਂ ਨਾ ਖਾਓ। ਜੇ ਤੁਸੀਂ ਰਾਤ ਨੂੰ ਦਹੀਂ ਖਾਣਾ ਹੀ ਹੈ ਤਾਂ ਇਸ ਵਿਚ ਚੀਨੀ ਜਾਂ ਗੋਲ ਮਿਰਚ ਪਾਓ। ਇਸ ਨਾਲ ਪਾਚਨ ਤੰਤਰ ਸਹੀ ਰਹੇਗਾ ਅਤੇ ਸਰੀਰ ਵਿਚ ਬਲਗਮ ਦਾ ਗਠਨ ਨਹੀਂ ਹੋਵੇਗਾ। ਹੁਣ ਜਾਣੋ ਰਾਤ ਨੂੰ ਦਹੀ ਖਾਣ ਨਾਲ ਹੋ ਸਕਦੀਆਂ ਹਨ ਇਹ ਸਮੱਸਿਆਵਾਂ
ਉਲਟੀਆਂ: ਦਰਅਸਲ ਰਾਤ ਨੂੰ ਦਹੀਂ ਖਾਣ ਨਾਲ ਪਾਚਨ ਪ੍ਰਣਾਲੀ ‘ਤੇ ਉਲਟਾ ਅਸਰ ਪੈਂਦਾ ਹੈ ਜਿਸ ਕਾਰਨ ਭੋਜਨ ਸਹੀ ਤਰ੍ਹਾਂ ਹਜ਼ਮ ਨਹੀਂ ਹੁੰਦਾ ਅਤੇ ਪੇਟ ‘ਚ ਐਸਿਡ ਬਣ ਜਾਂਦਾ ਹੈ। ਇਸ ਕਾਰਨ ਮਤਲੀ ਅਤੇ ਉਲਟੀਆਂ ਦੀ ਸਮੱਸਿਆ ਹੋ ਸਕਦੀ ਹੈ। ਕਲੀਨਿਕਲ ਟਰਾਇਲ ਦੀ ਰਿਪੋਰਟ ਦੇ ਅਨੁਸਾਰ ਲਗਾਤਾਰ 2 ਹਫ਼ਤੇ ਰਾਤ ਨੂੰ ਦਹੀਂ ਖਾਣ ਨਾਲ ਪਿੰਪਲਸ, acne ਅਤੇ ਸਕਿਨ ਨਾਲ ਸਬੰਧਤ ਸਮੱਸਿਆਵਾਂ ਹੋ ਸਕਦੀਆਂ ਹਨ।
ਬਲਗ਼ਮ ਦੀ ਮਾਤਰਾ ਵੱਧਣੀ: ਆਯੁਰਵੈਦ ਵਿਚ ਦੱਸਿਆ ਗਿਆ ਹੈ ਕਿ ਇਸ ਨਾਲ ਸਰੀਰ ਵਿਚ ਬਲਗਮ ਦੀ ਮਾਤਰਾ ਵੱਧ ਜਾਂਦੀ ਹੈ ਜਿਸ ਨਾਲ ਸਰਦੀ-ਜ਼ੁਕਾਮ ਅਤੇ ਗਲੇ ਵਿਚ ਖਰਾਸ਼ ਹੋ ਸਕਦੀ ਹੈ। ਜੇ ਤੁਸੀਂ ਆਪਣਾ ਭਾਰ ਘਟਾਉਣਾ ਚਾਹੁੰਦੇ ਹੋ ਤਾਂ ਰਾਤ ਨੂੰ ਭੁੱਲ ਕੇ ਵੀ ਦਹੀਂ ਦਾ ਸੇਵਨ ਨਾ ਕਰੋ। ਇਕ ਖੋਜ ਦੇ ਅਨੁਸਾਰ ਰਾਤ ਨੂੰ ਦਹੀ ਖਾਣ ਨਾਲ ਨਾ ਸਿਰਫ ਭਾਰ ਘਟਾਉਣ ‘ਚ ਮੁਸ਼ਕਲ ਆਉਂਦੀ ਹੈ ਬਲਕਿ ਇਹ ਬੈਲੀ ਫੈਟ ਨੂੰ ਵੀ ਵਧਾਉਂਦਾ ਹੈ।
ਕਬਜ਼ ਦੀ ਸਮੱਸਿਆ: ਇਸ ਵਿਚ ਮੌਜੂਦ ਲੈਕਟਿਕ ਐਸਿਡ ਦੇ ਕਾਰਨ ਭੋਜਨ ਸਹੀ ਤਰ੍ਹਾਂ ਹਜ਼ਮ ਨਹੀਂ ਹੁੰਦਾ ਜਿਸ ਨਾਲ ਕਬਜ਼ ਹੋ ਸਕਦੀ ਹੈ। ਜੇ ਤੁਸੀਂ ਗਠੀਏ ਦੇ ਮਰੀਜ਼ ਹੋ ਤਾਂ ਰਾਤ ਨੂੰ ਭੁੱਲ ਕੇ ਵੀ ਦਹੀਂ ਨਾ ਖਾਓ। ਇਹ ਤੁਹਾਡੇ ਜੋੜਾਂ ਦੇ ਦਰਦ ਨੂੰ ਵਧਾ ਸਕਦਾ ਹੈ। ਜੇ ਸਰੀਰ ਵਿਚ ਸੋਜ ਦੀ ਸਮੱਸਿਆ ਹੈ ਤਾਂ ਰਾਤ ਨੂੰ ਦਹੀਂ ਨਾ ਖਾਓ। ਇਸ ਨਾਲ ਸੋਜ਼ ਦੀ ਸਮੱਸਿਆ ਵੱਧ ਸਕਦੀ ਹੈ।
