Hemophilia home remedies: ਕੀ ਸੱਟ ਲੱਗਣ ਤੋਂ ਬਾਅਦ ਤੁਹਾਡਾ ਖੂਨ ਵਗਣਾ ਬੰਦ ਨਹੀਂ ਹੁੰਦਾ? ਜੇ ਹਾਂ ਤਾਂ ਇਹ ਹਿਮੋਫਿਲੀਆਂ ਦਾ ਸੰਕੇਤ ਹੋ ਸਕਦਾ ਹੈ। ਭਾਰਤ ਵਿਚ ਲਗਭਗ 2 ਲੱਖ ਲੋਕ ਇਸ ਸਮੱਸਿਆ ਤੋਂ ਪ੍ਰੇਸ਼ਾਨ ਹਨ ਪਰ ਫਿਰ ਇਸ ਤੋਂ ਅਣਜਾਣ ਹਨ। ਹਾਲਾਂਕਿ ਔਰਤਾਂ ਨੂੰ ਇਸਦਾ ਖ਼ਤਰਾ ਨਾ ਦੇ ਬਰਾਬਰ ਹੁੰਦਾ ਹੈ। ਅੰਕੜਿਆਂ ਦੇ ਅਨੁਸਾਰ ਹਰ 5,000 ਵਿੱਚ 1 ਆਦਮੀ ਨੂੰ ਇਹ ਸਮੱਸਿਆ ਜ਼ਰੂਰ ਹੁੰਦੀ ਹੈ। ਆਓ ਅਸੀਂ ਤੁਹਾਨੂੰ ਦੱਸਦੇ ਹਾਂ ਕਿ ਹਿਮੋਫਿਲੀਆਂ ਕੀ ਹੈ ਅਤੇ ਇਸਦਾ ਇਲਾਜ ਕਿਵੇਂ ਕੀਤਾ ਜਾਵੇ…
ਕੀ ਹੈ ਹਿਮੋਫਿਲੀਆਂ: ਹਿਮੋਫਿਲੀਆਂ ਇਕ ਅਜਿਹੀ ਜੈਨੇਟਿਕ ਬਿਮਾਰੀ ਹੈ ਜਿਸ ਨਾਲ ਬਲੱਡ ਕਲੋਟਿੰਗ ਬਣਨ ਦੀ ਯੋਗਤਾ ਪ੍ਰਭਾਵਤ ਹੁੰਦੀ ਹੈ। ਦਰਅਸਲ ਜਦੋਂ ਸੱਟ ਲੱਗਣ ਕਾਰਨ ਖੂਨ ਨਿਕਲਦਾ ਹੈ ਤਾਂ ਖੂਨ ਦੇ ਸੈੱਲ ਇਕੱਠੇ ਹੋ ਕੇ ਕਲੋਟ ਬਣਾ ਲੈਂਦੇ ਹਨ ਤਾਂ ਜਿਸ ਨਾਲ ਉਹ ਸਰੀਰ ਤੋਂ ਬਾਹਰ ਨਹੀਂ ਨਿਕਲਦੇ। ਪਰ ਹਿਮੋਫਿਲੀਆਂ ਮਰੀਜ਼ ਨੂੰ ਸੱਟ ਲੱਗ ਜਾਣ ‘ਤੇ ਬਲੱਡ ਕਲੋਟ ਨਹੀਂ ਬਣਦਾ ਅਤੇ ਖੂਨ ਨਿਕਲਦਾ ਰਹਿੰਦਾ ਹੈ। ਸਰੀਰ ਵਿਚ ਬਲੱਡ ਕਲੋਟਿੰਗ ਫੈਕਟਰ ਦੀ ਕਮੀ ਇਸ ਦਾ ਕਾਰਨ ਬਣ ਸਕਦੀ ਹੈ ਜੋ ਕਿ ਜੈਨੇਟਿਕ ਹੈ। ਭਾਰਤ ਵਿਚ ਹਿਮੋਫਿਲੀਆਂ ਦੇ 30% ਕੇਸ ਹੀ ਜੈਨੇਟਿਕ ਹੁੰਦੇ ਹਨ।
ਹਿਮੋਫਿਲੀਆਂ ਦੇ ਲੱਛਣ
- ਲਗਾਤਾਰ ਨੱਕ ‘ਚੋਂ ਨਿਕਲਣਾ
- ਬੇਵਜ੍ਹਾ ਮਸੂੜਿਆਂ ਅਤੇ ਦੰਦਾਂ ਵਿਚੋਂ ਖ਼ੂਨ ਨਿਕਲਣਾ
- ਸਕਿਨ ਆਸਾਨੀ ਨਾਲ ਛਿੱਲ ਜਾਣੀ
- ਜੋੜਾਂ ਵਿੱਚ ਅਸਹਿ ਦਰਦ
- ਤੇਜ਼ ਸਿਰ ਦਰਦ
- ਗਰਦਨ ਵਿੱਚ ਅਕੜਾਅ
- ਉਲਟੀ-ਮਤਲੀ ਦੀ ਸ਼ਿਕਾਇਤ
ਅਚਾਨਕ ਬਲੀਡਿੰਗ ਹੋਣ ‘ਤੇ ਹੋ ਸਕਦੀ ਹੈ ਇਹ ਸਮੱਸਿਆ…
- ਮਲ ਜਾਂ ਯੂਰੀਨ ‘ਚੋਂ ਖੂਨ ਨਿਕਲਣਾ
- ਸਕਿਨ ‘ਤੇ ਗਹਿਰੇ ਨੀਲੇ ਜਖਮ ਪੈਣੇ
- ਬਿਨ੍ਹਾ ਸੱਟ ਲੱਗੇ ਸਰੀਰ ‘ਤੇ ਨੀਲ ਪੈਣਾ
- ਸੁਭਾਅ ਵਿਚ ਚਿੜਚਿੜੇਪਨ ਮਹਿਸੂਸ ਹੋਣਾ
ਮਰੀਜ਼ ਫਾਲੋ ਕਰੋ ਇਹ ਟਿਪਸ
- ਹਮੇਸ਼ਾ ਐਕਟਿਵ ਰਹਿਣ ਲਈ ਜ਼ਿਆਦਾ ਤੋਂ ਜ਼ਿਆਦਾ ਸਰੀਰਕ ਗਤੀਵਿਧੀਆਂ ਕਰੋ ਕਿਉਂਕਿ ਇਸ ਨਾਲ ਬਲੱਡ ਸਰਕੂਲੇਸ਼ਨ ਵੱਧ ਜਾਂਦਾ ਹੈ।
- ਖੂਨ ਨੂੰ ਗਾੜਾ ਬਣਾਉਣ ਵਾਲੀਆਂ ਦਵਾਈਆਂ ਦਾ ਸੇਵਨ ਨਾ ਕਰੋ। ਇਸ ਨਾਲ ਤੁਹਾਡੀ ਸਮੱਸਿਆ ਵੱਧ ਸਕਦੀ ਹੈ।
- ਮਸੂੜਿਆਂ ਅਤੇ ਦੰਦਾਂ ਨੂੰ ਚੰਗੀ ਤਰ੍ਹਾਂ ਸਾਫ਼ ਕਰੋ।
- ਸਾਲ ਵਿੱਚ ਘੱਟੋ-ਘੱਟ 2 ਵਾਰ ਦੰਦਾਂ ਦਾ ਚੈੱਕਅਪ ਕਰੋ
- ਅਜਿਹੀਆਂ ਗਤੀਵਿਧੀਆਂ ਤੋਂ ਪਰਹੇਜ਼ ਕਰੋ ਜਿਸ ਨਾਲ ਸੱਟ ਲੱਗਣ ਦਾ ਖ਼ਤਰਾ ਹੋਵੇ
- ਡਾਕਟਰ ਅਜਿਹੇ ਮਰੀਜ਼ਾਂ ਨੂੰ ਇੱਕ ਟੀਕਾ ਲਗਾਉਂਦੇ ਹਨ ਜੋ ਸਰੀਰ ਦੇ ਉਨ੍ਹਾਂ ਹਿਸਿਆਂ ਨੂੰ ਦੂਰ ਕਰਦਾ ਹੈ ਜੋ ਹਿਮੋਫਿਲੀਆਂ ਲਈ ਜ਼ਿੰਮੇਵਾਰ ਹੈ। ਇਸ ਤੋਂ ਇਲਾਵਾ ਜੇ ਸਥਿਤੀ ਬਹੁਤ ਗੰਭੀਰ ਨਹੀਂ ਹੈ ਤਾਂ ਡਾਕਟਰ ਦਵਾਈਆਂ ਦਿੰਦੇ ਹਨ।
