Iron utensils benefits: ਰਸੋਈ ਦੇ ਭੋਜਨ ਨਾਲ ਪੂਰੇ ਪਰਿਵਾਰ ਦੀ ਸਿਹਤ ਨਾਲ ਜੁੜੀ ਹੁੰਦੀ ਹੈ। ਇਸ ਲਈ ਖਾਣਾ ਬਣਾਉਣ ਸਮੇਂ ਸਾਫ਼-ਸਫ਼ਾਈ ਦਾ ਧਿਆਨ ਰੱਖਣਾ ਬਹੁਤ ਜ਼ਰੂਰੀ ਹੁੰਦਾ ਹੈ। ਪਰ ਪਰਿਵਾਰ ਦੀ ਸਿਹਤ ਖਾਣਾ ਬਣਾਉਣ ਵਾਲੇ ਬਰਤਨਾਂ ‘ਤੇ ਵੀ ਨਿਰਭਰ ਕਰਦੀ ਹੈ। ਇਸ ਗੱਲ ਵੱਲ ਧਿਆਨ ਦੇਣ ਦੀ ਬਹੁਤ ਜ਼ਰੂਰਤ ਹੈ ਕਿ ਤੁਸੀਂ ਕਿਹੜੇ ਭਾਂਡਿਆਂ ‘ਚ ਖਾਣਾ ਪਕਾ ਰਹੇ ਹੋ। ਅੱਜ ਅਸੀਂ ਤੁਹਾਨੂੰ ਲੋਹੇ ਦੇ ਭਾਂਡਿਆਂ ‘ਚ ਖਾਣਾ ਬਣਾਉਣ ਦੇ ਫਾਇਦਿਆਂ ਬਾਰੇ ਦੱਸਣ ਜਾ ਰਹੇ ਹਾਂ। ਜਿਸ ਨੂੰ ਜਾਣ ਕੇ ਤੁਸੀਂ ਵੀ ਹੈਰਾਨ ਹੋ ਜਾਵੋਗੇ।
ਕੀ ਖਾਣਾ ਲੋਹੇ ਦੇ ਭਾਂਡਿਆਂ ਵਿੱਚ ਪਕਾਉਣਾ ਹੈ ਫਾਇਦੇਮੰਦ: ਪੁਰਾਣੇ ਸਮੇਂ ਵਿੱਚ ਲੋਕ ਖਾਣਾ ਪਕਾਉਣ ਲਈ ਸਿਰਫ ਮਿੱਟੀ ਅਤੇ ਲੋਹੇ ਦੇ ਭਾਂਡੇ ਵਰਤਦੇ ਸਨ ਪਰ ਸਮੇਂ ਦੇ ਨਾਲ ਨਾਨ-ਸਟਿੱਕ ਭਾਂਡਿਆਂ ਨੇ ਉਨ੍ਹਾਂ ਦੀ ਜਗ੍ਹਾ ਲੈ ਲਈ ਹੈ। ਪਰ ਲੋਹੇ ਦੇ ਭਾਂਡਿਆਂ ਜਿਵੇਂ ਕੜਾਹੀ ਆਦਿ ਵਿਚ ਖਾਣਾ ਪਕਾਉਣਾ ਸਿਹਤ ਲਈ ਬਹੁਤ ਫਾਇਦੇਮੰਦ ਹੁੰਦਾ ਹੈ। ਜਦੋਂ ਤੁਸੀਂ ਲੋਹੇ ਦੇ ਭਾਂਡਿਆਂ ਵਿਚ ਭੋਜਨ ਪਕਾਉਂਦੇ ਹੋ ਤਾਂ ਇਹ ਧਾਤ ਦੀ ਸਤਹ ਨਾਲ ਪ੍ਰਤੀਕ੍ਰਿਆ ਕਰਦਾ ਹੈ। ਫਿਰ ਇਸ ‘ਚੋਂ ਅਜਿਹੇ ਤੱਤ ਬਾਹਰ ਨਿਕਲਦੇ ਹਨ ਜੋ ਅਨੀਮੀਆ ਨਾਲ ਬਹੁਤ ਸਾਰੀਆਂ ਸਿਹਤ ਸਮੱਸਿਆਵਾਂ ਤੋਂ ਛੁਟਕਾਰਾ ਦਿਵਾਉਂਦੇ ਹਨ।
ਇਸ ਲਈ ਵੀ ਫ਼ਾਇਦੇਮੰਦ ਹਨ ਲੋਹੇ ਦੇ ਭਾਂਡੇ: ਸਿਹਤ ਲਾਭ ਤੋਂ ਇਲਾਵਾ ਬਹੁਤ ਸਾਰੀਆਂ ਔਰਤਾਂ ਲੋਹੇ ਦੇ ਭਾਂਡਿਆਂ ਵਿਚ ਖਾਣਾ ਪਕਾਉਣਾ ਇਸ ਲਈ ਵੀ ਪਸੰਦ ਕਰਦੀਆਂ ਹਨ ਕਿਉਂਕਿ ਇਹ ਘੱਟ ਸੇਕ ‘ਤੇ ਖਾਣਾ ਬਣਾਉਣ ਲਈ ਸਹੀ ਰਹਿੰਦੇ ਹਨ। ਨਾਲ ਹੀ ਲੋਹੇ ਦੇ ਭਾਂਡੇ ਸਾਰੇ ਪਾਸਿਆਂ ਤੋਂ ਬਰਾਬਰ ਗਰਮ ਹੁੰਦੇ ਹਨ। ਜਦੋਂ ਤੁਸੀਂ ਖਾਣੇ ਨੂੰ ਲੋਹੇ ਦੇ ਭਾਂਡੇ ਵਿਚ ਪਕਾਉਂਦੇ ਹੋ, ਤਾਂ ਇਸ ਦੇ ਅੰਸ਼ ਭੋਜਨ ‘ਚ ਮਿਲਕੇ ਸਰੀਰ ਤਕ ਪਹੁੰਚਦੇ ਹਨ ਜੋ ਖੂਨ ਵਿਚ ਹੀਮੋਗਲੋਬਿਨ ਦੀ ਮਾਤਰਾ ਨੂੰ ਵਧਾਉਂਦਾ ਹੈ। ਇਸ ਨਾਲ ਅਨੀਮੀਆ ਵਰਗੀਆਂ ਸਮੱਸਿਆਵਾਂ ਤੋਂ ਬਚਾਅ ਅਤੇ ਇਲਾਜ ਕਰਦਾ ਹੈ।
ਲੋਹੇ ਦੇ ਭਾਂਡੇ ਦੇ ਹੋਰ ਫਾਇਦੇ
- ਇਸ ਵਿਚ ਬਣਿਆ ਖਾਣਾ ਖਾਣ ਨਾਲ ਸਰੀਰ ‘ਚ ਹੋਣ ਵਾਲੇ ਹਰ ਤਰ੍ਹਾਂ ਦੇ ਦਰਦ ਤੋਂ ਰਾਹਤ ਮਿਲਦੀ ਹੈ।
- ਇਸ ਨਾਲ ਸਰੀਰਕ ਕਮਜ਼ੋਰੀ ਅਤੇ ਥਕਾਵਟ ਦੀ ਸਮੱਸਿਆ ਵੀ ਦੂਰ ਹੋ ਜਾਂਦੀ ਹੈ।
- ਜੇ ਤੁਹਾਨੂੰ ਜੋੜਾਂ ਜਾਂ ਗੋਡਿਆਂ ‘ਚ ਦਰਦ ਦੀ ਸਮੱਸਿਆ ਰਹਿੰਦੀ ਹੈ ਤਾਂ ਉਹ ਵੀ ਦੂਰ ਹੋ ਜਾਵੇਗੀ।
- ਮਾਹਵਾਰੀ ਨਾਲ ਜੁੜੀਆਂ ਮੁਸ਼ਕਲਾਂ ਵੀ ਦੂਰ ਹੁੰਦੀਆਂ ਹਨ।
- ਇਹ ਪੇਟ ਦੀਆਂ ਸਮੱਸਿਆਵਾਂ ਜਿਵੇਂ ਗੈਸਟਰਿਕ ਸਮੱਸਿਆਵਾਂ ਵੀ ਦੂਰ ਹੋ ਜਾਂਦੀਆਂ ਹਨ।
ਇਨ੍ਹਾਂ ਗੱਲਾਂ ਨੂੰ ਧਿਆਨ ਵਿਚ ਰੱਖੋ
- ਖੱਟੇ ਜਾਂ ਐਸਿਡ ਵਾਲੇ ਭੋਜਨ ਲੋਹੇ ਨਾਲ ਪ੍ਰਤੀਕ੍ਰਿਆ ਕਰ ਸਕਦੇ ਹਨ। ਇਸ ਲਈ ਕੜੀ, ਰਸਮ, ਸਾਂਬਰ ਜਾਂ ਟਮਾਟਰ ਨਾਲ ਬਣਨ ਵਾਲੀਆਂ ਚੀਜ਼ਾਂ ਲਈ ਸਟੀਲ ਦੇ ਬਰਤਨ ਦੀ ਵਰਤੋਂ ਕਰੋ।
- ਹਲਕੇ ਡਿਟਰਜੈਂਟ ਨਾਲ ਲੋਹੇ ਦੇ ਭਾਂਡੇ ਧੋਵੋ ਅਤੇ ਤੁਰੰਤ ਪੂੰਝੋ। ਖੁਰਦਰੇ ਸਕ੍ਰਬਰਰ ਜਾਂ ਲੋਹੇ ਦੇ ਜੂਨੇ ਦੀ ਵਰਤੋਂ ਨਾ ਕਰੋ।
- ਇਨ੍ਹਾਂ ਬਰਤਨਾਂ ਨੂੰ ਸਟੋਰ ਕਰਨ ਤੋਂ ਪਹਿਲਾਂ ਸਬਜ਼ੀਆਂ ਦਾ ਤੇਲ ਲਗਾਓ ਤਾਂ ਜੋ ਜੰਗਾਲ ਨਾ ਲੱਗ ਸਕੇ।
- ਭਾਂਡਿਆਂ ਨੂੰ ਹਮੇਸ਼ਾਂ ਸਾਫ਼ ਅਤੇ ਸੁੱਕੀ ਜਗ੍ਹਾ ‘ਤੇ ਰੱਖੋ ਜਿੱਥੇ ਪਾਣੀ ਅਤੇ ਨਮੀ ਨਾ ਹੋਵੇ।
- ਲੋਹੇ ਦੇ ਭਾਂਡਿਆਂ ‘ਚ ਪਾਣੀ ਨਾ ਰੱਖੋ ਕਿਉਂਕਿ ਆਇਰਨ ਨਮੀ ਨਾਲ ਪ੍ਰਤੀਕ੍ਰਿਆ ਕਰਦਾ ਹੈ।
