Navratri Onion Garlic: ਹਿੰਦੂਆਂ ਦਾ ਪਵਿੱਤਰ ਤਿਉਹਾਰ ਨਰਾਤਿਆਂ ਦਾ ਤਿਉਹਾਰ ਦੇਸ਼ ਦੇ ਹਰ ਕੋਨੇ ਵਿਚ ਵੱਖ-ਵੱਖ ਤਰੀਕਿਆਂ ਨਾਲ ਮਨਾਇਆ ਜਾਂਦਾ ਹੈ। ਖਾਣ-ਪੀਣ ਦੀ ਗੱਲ ਕਰੀਏ ਤਾਂ ਇਸ ਸਮੇਂ ਦੌਰਾਨ ਮਾਸ-ਮੱਛੀ, ਤਮਾਕੂਨੋਸ਼ੀ, ਸ਼ਰਾਬ ਪੀਣ ਦੀ ਮਨਾਹੀ ਹੁੰਦੀ ਹੈ। ਉੱਥੇ ਹੀ ਨਰਾਤਿਆਂ ਦੇ 9 ਦਿਨਾਂ ‘ਚ ਕੁੱਝ ਲੋਕ ਤੜਕਾ ਨਹੀਂ ਲਗਾਉਂਦੇ ਅਤੇ ਨਾ ਹੀ ਲਸਣ-ਪਿਆਜ਼ ਖਾਦੇ ਹਨ, ਪਰ ਕੀ ਤੁਸੀਂ ਜਾਣਦੇ ਹੋ ਅਜਿਹਾ ਕਿਉਂ? ਇੱਥੇ ਅੱਜ ਅਸੀਂ ਤੁਹਾਨੂੰ ਦੱਸਾਂਗੇ ਕਿ ਨਰਾਤਿਆਂ ਦੇ 9 ਦਿਨਾਂ ਦੇ ਦੌਰਾਨ ਲਸਣ-ਪਿਆਜ਼ ਖਾਣ ਦੀ ਮਨਾਹੀ ਕਿਉਂ ਹੁੰਦੀ ਹੈ।
ਪਹਿਲਾਂ ਜਾਣੋ ਕਿ ਹੈ ਆਯੁਰਵੈਦਿਕ ਡਾਇਟ
- ਆਯੁਰਵੈਦ ਦੇ ਅਨੁਸਾਰ ਭੋਜਨ ਨੂੰ ਤਿੰਨ ਸ਼੍ਰੇਣੀਆਂ ਰਾਜਸਿਕ, ਤਾਮਸਿਕ ਅਤੇ ਸਾਤਵਿਕ ਵਿੱਚ ਵੰਡਿਆ ਜਾਂਦਾ ਹੈ, ਜੋ ਸਰੀਰ ਦੀਆਂ ਪ੍ਰਤੀਕਿਰਿਆ ਨੂੰ ਟ੍ਰਿਗਰ ਕਰਦੀ ਹੈ…
- ਸਾਤਵਿਕ ਖੁਰਾਕ ਵਿੱਚ ਹਾਈ ਫਾਈਬਰ, ਲੋ ਫੈਟ ਵਾਲੇ ਸ਼ਾਕਾਹਾਰੀ ਭੋਜਨ ਜਿਵੇਂ ਤਾਜ਼ੇ ਫਲ, ਮੌਸਮੀ ਸਬਜ਼ੀਆਂ, ਦਹੀਂ, ਸ਼ਹਿਦ, ਅੰਕੁਰਿਤ ਸਾਬਤ ਅਨਾਜ, ਫਲ, ਬੀਜ, ਕੁਝ ਮਸਾਲੇ, ਕਾਲੀ ਮਿਰਚ, ਧਨੀਆ ਅਤੇ ਸੁੱਕੇ ਮੇਵੇ ਸ਼ਾਮਲ ਹੁੰਦੇ ਹਨ। ਆਯੁਰਵੈਦ ਵਿਚ ਸਾਤਵਿਕ ਭੋਜਨ ਸ਼ੁੱਧ ਅਤੇ ਸੰਤੁਲਿਤ ਮੰਨਿਆ ਜਾਂਦਾ ਹੈ। ਇਸ ਦੇ ਨਾਲ ਹੀ ਨਰਾਤਿਆਂ ਦੇ ਵਰਤ ਰੱਖਣ ਨਾਲ ਸਰੀਰ ਦੀ ਸਫਾਈ ਵੀ ਹੋ ਜਾਂਦੀ ਹੈ।
- ਉੱਥੇ ਹੀ ਆਯੁਰਵੈਦ ਵਿਚ ਰਾਜਸਿਕ ਅਤੇ ਤਾਮਸਿਕ ਭੋਜਨ ਤੋਂ ਪਰਹੇਜ਼ ਕਰਨ ਦੀ ਸਲਾਹ ਦਿੱਤੀ ਜਾਂਦੀ ਹੈ। ਇਹ ਇਸ ਲਈ ਹੈ ਕਿਉਂਕਿ ਰਾਜਾਸਿਕ ਅਤੇ ਤਾਮਸਿਕ ਭੋਜਨ ਵਿੱਚ ਲਸਣ, ਪਿਆਜ਼, ਮੀਟ-ਮੱਛੀ, ਤਲੇ ਹੋਏ ਭੋਜਨ, ਮਸਾਲੇਦਾਰ ਚੀਜ਼ਾਂ, ਚਾਹ, ਕੌਫੀ, ਕੋਲਡ ਡਰਿੰਕ, ਆਂਡੇ, ਵਾਈਨ, ਮਸ਼ਰੂਮ ਅਤੇ ਖੰਡ ਸ਼ਾਮਲ ਹੁੰਦੀਆਂ ਹਨ ਜੋ ਬਿਮਾਰੀਆਂ ਦਾ ਕਾਰਨ ਬਣਦੇ ਹਨ।
ਨਰਾਤਿਆਂ ‘ਚ ਕਿਉਂ ਹੁੰਦੀ ਹੈ ਲਸਣ ਅਤੇ ਪਿਆਜ਼ ਦੀ ਮਨਾਹੀ: ਨਰਾਤਿਆਂ ਦੇ 9 ਦਿਨਾਂ ਵਿਚ ਸਿਰਫ ਇੱਕ ਸਾਤਵਿਕ ਭੋਜਨ ਯਾਨਿ ਫਲ, ਕੱਟੂ ਦਾ ਆਟਾ, ਸਬਜ਼ੀਆਂ, ਸਾਬੁਦਾਨਾ, ਸੇਂਦਾ ਨਮਕ, ਸਾਮਕ ਚੌਲ ਅਤੇ ਡੇਅਰੀ ਪ੍ਰੋਡਕਟਸ ਹੀ ਖਾਣਾ ਚਾਹੀਦਾ ਹੈ। ਕਿਉਂਕਿ ਲਸਣ ਅਤੇ ਪਿਆਜ਼ ਰਾਜਸੀ ਅਤੇ ਤਾਮਸਿਕ ਭੋਜਨ ਦਾ ਹਿੱਸਾ ਹਨ ਇਸ ਲਈ ਇਸਨੂੰ ਖਾਣ ਦੀ ਮਨਾਹੀ ਹੁੰਦੀ ਹੈ।
ਨਰਾਤਿਆਂ ‘ਚ ਕਿਉਂ ਖਾਣਾ ਚਾਹੀਦਾ ਸਾਤਵਿਕ ਭੋਜਨ: ਸਾਤਵਿਕ ਦਾ ਅਰਥ ਹੈ ਸ਼ੁੱਧ, ਕੁਦਰਤੀ, ਸਾਫ਼ ਅਤੇ ਊਰਜਾਵਾਨ। ਦਰਅਸਲ ਸ਼ਰਦ ਨਰਾਤਿਆਂ ਅਕਤੂਬਰ-ਨਵੰਬਰ ਮਹੀਨੇ ਵਿਚ ਆਉਂਦੀ ਹੈ ਜਿਸ ਵਿਚ ਸੰਕ੍ਰਮਣ ਦਾ ਖ਼ਤਰਾ ਜ਼ਿਆਦਾ ਹੁੰਦਾ ਹੈ। ਮੌਸਮੀ ਤਬਦੀਲੀਆਂ ਕਰਕੇ ਇਮਿਊਨਿਟੀ ਕਮਜ਼ੋਰ ਹੋ ਜਾਂਦੀ ਹੈ ਜਿਸ ਦੇ ਕਾਰਨ ਸਾਤਵਿਕ ਖੁਰਾਕ ਲੈਣ ਦੀ ਸਲਾਹ ਦਿੱਤੀ ਜਾਂਦੀ ਹੈ। ਅਜਿਹਾ ਭੋਜਨ ਅਸ਼ੁੱਧੀਆਂ ਨੂੰ ਦੂਰ ਕਰਕੇ ਸਰੀਰ ਨੂੰ ਊਰਜਾਵਾਨ ਰੱਖਦਾ ਹੈ।
ਵਿਗਿਆਨੀਆਂ ਦੀ ਕੀ ਹੈ ਰਾਏ: ਵਿਗਿਆਨੀਆਂ ਦੇ ਅਨੁਸਾਰ ਮੌਸਮ ਵਿੱਚ ਤਬਦੀਲੀ ਇਮਿਊਨਿਟੀ ਨੂੰ ਘਟਾਉਂਦੀ ਹੈ। ਅਜਿਹੇ ‘ਚ ਗ੍ਰਿਸ਼ਠ, ਆਇਲੀ ਅਤੇ ਜੰਕ ਫ਼ੂਡ ਤੋਂ ਦੂਰ ਰਹਿਣਾ ਚਾਹੀਦਾ ਹੈ। ਪਰ ਪਿਆਜ਼ ਅਤੇ ਲਸਣ ਸਰੀਰ ਵਿਚ ਊਰਜਾ ਸੰਚਾਰਿਤ ਕਰਨ ਦੇ ਨਾਲ ਗਰਮੀ ਪੈਦਾ ਕਰਦੇ ਹਨ ਅਤੇ ਦਿਮਾਗ ਨੂੰ ਸੁਸਤ ਬਣਾਉਂਦੇ ਹਨ। ਅਜਿਹੇ ‘ਚ ਇਸ ਸਮੇਂ ਦੌਰਾਨ ਇਨ੍ਹਾਂ ਨੂੰ ਨਾ ਖਾਣਾ ਸਹੀ ਹੈ।
