PCOD home remedies: PCOD-PCOS ਸੁਣਨ ਵਿਚ ਇਕ ਬਹੁਤ ਹੀ ਆਮ ਸਮੱਸਿਆ ਹੈ ਪਰ ਔਰਤਾਂ ਦੀਆਂ ਕਈ ਸਮੱਸਿਆਵਾਂ ਦੀ ਜੜ੍ਹ ਬਣੀ ਹੋਈ ਹੈ ਇਹ ਬੀਮਾਰੀ। ਇਸ ਨਾਲ ਔਰਤਾਂ ਮੋਟੀਆਂ ਹੋ ਜਾਂਦੀਆਂ ਹਨ ਅਤੇ ਉਨ੍ਹਾਂ ਦੇ ਪੀਰੀਅਡਜ ਤਾਂ ਖ਼ਰਾਬ ਹੁੰਦੇ ਹੀ ਹਨ ਨਾਲ ਹੀ ਪ੍ਰੈਗਨੈਂਸੀ ਵਿਚ ਵੀ ਬਹੁਤ ਸਾਰੀਆਂ ਮੁਸ਼ਕਲਾਂ ਆਉਂਦੀਆਂ ਹਨ। PCOD ਯਾਨਿ ਪੋਲੀਸਿਸਟਿਕ ਓਵਰੀ ਸਿੰਡਰੋਮ ਜੋ ਕਿ ਰੀਪ੍ਰੋਡਕਟਿਵ ਹਾਰਮੋਨ ਦੇ ਅਸੰਤੁਲਨ ਕਾਰਨ ਹੁੰਦੀ ਹੈ। ਇਹ ਮੁੱਖ ਤੌਰ ‘ਤੇ ਉਦੋਂ ਹੁੰਦੀ ਹੈ ਜਦੋਂ ਔਰਤ ਦੇ ਸਰੀਰ ਵਿੱਚ ਟੈਸਟੋਸਟੀਰੋਨ (ਮਰਦ ਹਾਰਮੋਨ) ਵਧ ਜਾਂਦਾ ਹੈ ਅਤੇ ਐਸਟ੍ਰੋਜਨ (ਮਾਦਾ ਹਾਰਮੋਨ) ਘੱਟ ਜਾਂਦਾ ਹੈ। ਜਿਸ ਦੇ ਕਾਰਨ ਹਰ ਮਹੀਨੇ ਅੰਡੇ ਸਹੀ ਢੰਗ ਨਾਲ ਰਿਲੀਜ਼ ਨਹੀਂ ਹੁੰਦੇ ਹਨ ਅਤੇ ਇਸ ਨਾਲ ਕਈ ਸਮੱਸਿਆਵਾਂ ਹੋ ਜਾਂਦੀਆਂ ਹਨ।
ਹੁਣ ਸਮੱਸਿਆ ਇੰਨੀ ਆਮ ਇਸ ਲਈ ਹੋ ਰਹੀ ਹੈ ਕਿਉਂਕਿ ਸਾਡੀ ਜੀਵਨ ਸ਼ੈਲੀ ਅਤੇ ਖਾਣ ਪੀਣ ਦੀਆਂ ਆਦਤਾਂ ਵਿਗੜ ਗਈਆਂ ਹਨ। ਕੁੜੀਆਂ ਨੂੰ ਆਮ ਤੌਰ ‘ਤੇ ਸ਼ਿਕਾਇਤ ਰਹਿੰਦੀ ਹੈ ਜਦੋਂ ਉਹ ਦਵਾਈ ਖਾਦੀਆਂ ਹਨ ਤਾਂ ਸਹੀ ਰਹਿੰਦੀਆਂ ਹਨ ਅਤੇ ਜਦੋਂ ਉਹ ਛੱਡ ਦਿੰਦੀਆਂ ਹਨ ਤਾਂ ਬਿਮਾਰੀ ਦੁਬਾਰਾ ਉੱਭਰਨਾ ਸ਼ੁਰੂ ਹੋ ਜਾਂਦੀ ਹੈ। ਪਰ ਇਸ ਗੱਲ ਨੂੰ ਸਮਝਣਾ ਬਹੁਤ ਮਹੱਤਵਪੂਰਨ ਹੈ ਕਿ ਬਿਮਾਰੀ ਦਾ ਸੰਬੰਧ ਤੁਹਾਡੇ ਵਿਗੜਦੇ ਲਾਈਫਸਟਾਈਲ ਨਾਲ ਹੈ। ਹੈਲਥੀ ਲਾਈਫਸਟਾਈਲ ਹੋਵੇਗਾ ਤਾਂ ਇਹ ਸਮੱਸਿਆ ਆਪਣੇ ਆਪ ਚਲੇ ਜਾਵੇਗੀ। ਅਨਿਯਮਿਤ ਪੀਰੀਅਡਜ, ਸਰੀਰ ‘ਤੇ ਬਹੁਤ ਜ਼ਿਆਦਾ ਵਾਲ, ਮੁਹਾਸੇ, ਭਾਰ ਵਧਣ ਦੀ ਸਥਿਤੀ ਵਿਚ ਤੁਰੰਤ ਡਾਕਟਰੀ ਜਾਂਚ ਕਰਵਾਓ ਤਾਂ ਜੋ ਸਮੇਂ ਸਿਰ ਬਿਮਾਰੀ ਫੜੀ ਜਾ ਸਕੇ। ਹੁਣ ਜਾਣੋ ਕਿ ਇਸ ਨੂੰ ਜੜ੍ਹ ਤੋਂ ਕਿਵੇਂ ਖਤਮ ਕਰਨਾ ਹੈ… ਤੁਹਾਨੂੰ ਸੰਤੁਲਿਤ ਖੁਰਾਕ ਲੈਣੀ ਚਾਹੀਦੀ ਹੈ ਅਤੇ ਕਸਰਤ ਨੂੰ ਆਪਣੀ ਜ਼ਿੰਦਗੀ ਦਾ ਹਿੱਸਾ ਬਣਾਉਣਾ ਹੈ।
ਫਾਈਬਰ ਨੂੰ ਸ਼ਾਮਲ ਕਰਨਾ ਬਹੁਤ ਜ਼ਰੂਰੀ: ਸੰਤੁਲਨ ਖੁਰਾਕ ਵਿਚ ਤੁਹਾਨੂੰ ਪ੍ਰੋਟੀਨ ਦੇ ਨਾਲ ਭਰਪੂਰ ਮਾਤਰਾ ਵਿਚ ਫਾਈਬਰ ਲੈਣਾ ਹੈ। ਫਾਈਬਰ ਅਰਥਾਤ ਬੀਨ, ਗਾਜਰ, ਚੁਕੰਦਰ, ਬ੍ਰੋਕਲੀ, ਸ਼ਕਰਕੰਦੀ ਜ਼ਰੂਰ ਲੈਣਾ ਚਾਹੀਦਾ ਹੈ। ਇਸ ਤੋਂ ਇਲਾਵਾ ਆਪਣੀ ਖੁਰਾਕ ਵਿਚ ਸੇਬ, ਕੇਲੇ, ਸੰਤਰੇ, ਸਟ੍ਰਾਬੇਰੀ ਵਰਗੇ ਹਾਈ ਫਾਈਬਰ ਭੋਜਨ ਸ਼ਾਮਲ ਕਰੋ। ਸੇਬ ਦੇ ਛਿਲਕੇ ਵਿਚ ਸਭ ਤੋਂ ਜ਼ਿਆਦਾ ਫਾਈਬਰ ਹੁੰਦਾ ਹੈ ਇਸ ਲਈ ਰੋਜ਼ਾਨਾ ਇਕ ਸੇਬ ਖਾਣਾ ਨਾ ਭੁੱਲੋ।
ਡਾਇਟ ਵਿਚ ਪ੍ਰੋਟੀਨ ਵੀ ਜ਼ਰੂਰੀ: ਨਾਨ-ਵੈੱਜ ਵਿਚ ਤੁਸੀਂ ਆਂਡਾ, ਮੱਛੀ, ਚਿਕਨ ਖਾ ਸਕਦੇ ਹੋ। ਜਦਕਿ ਸ਼ਾਕਾਹਾਰੀ ਲੋਕ ਪਨੀਰ, ਟੋਫੂ, ਸੋਇਆ, ਬੀਨਜ਼, ਮਟਰ ਆਦਿ ਪੌਦਿਆਂ ਤੋਂ ਮਿਲਣ ਵਾਲਾ ਪ੍ਰੋਟੀਨ ਖਾ ਸਕਦੇ ਹੋ। ਜੇ ਜਰੂਰੀ ਹੋਵੇ ਤਾਂ ਤੁਸੀਂ ਮਾਹਰ ਦੀ ਸਲਾਹ ਨਾਲ ਸਪਲੀਮੈਂਟਸ ਵੀ ਲੈ ਸਕਦੇ ਹੋ। ਪੀਸੀਓਡੀ ਨੂੰ ਕੰਟਰੋਲ ਕਰਨ ਲਈ ਤੁਹਾਨੂੰ ਕੁਝ ਵਿਸ਼ੇਸ਼ ਭੋਜਨ ਵੀ ਸ਼ਾਮਲ ਕਰਨਾ ਚਾਹੀਦਾ ਹੈ। ਇਨ੍ਹਾਂ ਵਿਸ਼ੇਸ਼ ਖਾਣਿਆਂ ਵਿੱਚ ਓਮੇਗਾ-3 ਫੈਟੀ ਐਸਿਡ ਨਾਲ ਭਰਪੂਰ ਨਟਸ ਅਤੇ ਬੀਜ ਜਿਵੇਂ ਅਖਰੋਟ, ਚਿਆ ਬੀਜ, ਫਲੈਕਸ ਬੀਜ, ਸੂਰਜਮੁਖੀ ਦੇ ਬੀਜ, ਬਦਾਮ, ਮੂੰਗਫਲੀ ਆਦਿ ਸ਼ਾਮਲ ਹਨ।
Complexes carbs ਵੀ ਜ਼ਰੂਰੀ: PCOD ਤੋਂ ਬਚਣ ਲਈ ਆਪਣੀ ਖੁਰਾਕ ਵਿਚ Complexes carbs ਨੂੰ ਜ਼ਰੂਰ ਸ਼ਾਮਲ ਕਰੋ। ਇਹ ਨਾ ਸਿਰਫ ਸਰੀਰ ਨੂੰ ਐਨਰਜੀ ਦਿੰਦੇ ਹਨ ਬਲਕਿ ਸਟੈਮਿਨਾ ਅਤੇ ਤਾਕਤ ਨੂੰ ਬਣਾਈ ਰੱਖਣ ਵਿਚ ਵੀ ਸਹਾਇਤਾ ਕਰਦੇ ਹਨ। Complexes carbs ਜਿਵੇਂ ਕਿ ਪੂਰੇ ਅਨਾਜ, ਭੂਰੇ ਚਾਵਲ, ਕਿਨੋਆ, ਮੱਕੀ, ਆਲੂ, ਫਲ਼ੀਆਂ, ਬੀਨਜ਼, ਆਦਿ। ਕਸਰਤ ਜਰੂਰੀ ਨਹੀਂ ਕਿ ਤੁਸੀਂ ਜਿੰਮ ਜਾ ਕੇ ਹੀ ਕਰੋਗੇ ਬਲਕਿ ਸੈਰ ਕਰੋ ਅਤੇ ਛੋਟੀ-ਛੋਟੀ ਆਸਾਨ ਕਸਰਤ ਕਰੋ, ਪੌੜੀਆਂ ਚੜ੍ਹੋ ਅਤੇ ਯੋਗਾ ਕਰੋ। ਅਜਿਹਾ ਕਰਨ ਨਾਲ ਤੁਸੀਂ ਆਪਣੇ ਆਪ ਹੀ ਬਿਮਾਰੀ ਤੋਂ ਛੁਟਕਾਰਾ ਪਾ ਸਕਦੇ ਹੋ।
