Pigmentation facepack: ਚਿਹਰੇ ਦੇ ਭੂਰੇ-ਕਾਲੇ ਦਾਗ-ਧੱਬੇ ਜਿਨ੍ਹਾਂ ਨੂੰ ਛਾਈਆਂ ਜਾਂ ਪਿਗਮੈਂਟੇਸ਼ਨ ਸਪੋਟਸ ਵੀ ਕਿਹਾ ਜਾਂਦਾ ਹੈ ਸੁੰਦਰਤਾ ਨੂੰ ਪ੍ਰਭਾਵਤ ਕਰਦੀ ਹੈ। ਛਾਈਆਂ ਕਾਰਨ ਸੁੰਦਰਤਾ ਫਿੱਕੀ ਲੱਗਣ ਲੱਗਦੀ ਹੈ ਇਸ ਲਈ ਇਸ ਤੋਂ ਛੁਟਕਾਰਾ ਪਾਉਣ ਲਈ ਔਰਤਾਂ ਕਾਸਮੈਟਿਕ ਕਰੀਮਾਂ, ਮਹਿੰਗੇ ਇਲਾਜ ਅਤੇ ਪਤਾ ਨਹੀਂ ਕੀ-ਕੀ ਕਰਾਉਂਦੀਆਂ ਹਨ। ਪਰ ਜਦੋਂ ਸਾਡੀ ਕੁਦਰਤ ‘ਚ ਇੰਨੀਆਂ ਜੜ੍ਹੀਆਂ-ਬੂਟੀਆਂ ਮੌਜੂਦ ਹਨ ਤਾਂ ਫਿਰ ਕੈਮੀਕਲ ਪ੍ਰੋਡਕਟਸ ਦਾ ਸਹਾਰਾ ਲੈਣਾ ਹੀ ਕਿਉਂ ਹੈ?
ਕਿਉਂ ਹੁੰਦੀ ਹੈ ਛਾਈਆਂ ਜਾਂ ਪਿਗਮੈਂਟੇਸ਼ਨ: ਜਦੋਂ ਸਕਿਨ ‘ਚ ਮੇਲਾਨਿਨ ਦਾ ਲੈਵਲ ਵਧਣ ਲੱਗਦਾ ਹੈ ਤਾਂ ਕੁਝ ਹਿੱਸਾ ਆਮ ਨਾਲੋਂ ਗੂੜਾ ਹੋ ਜਾਂਦਾ ਹੈ। ਆਮ ਤੌਰ ‘ਤੇ ਇਹ ਸਪੋਟ ਕੋਈ ਨੁਕਸਾਨ ਨਹੀਂ ਪਹੁੰਚਾਉਂਦੇ ਪਰ ਇਹ ਵੇਖਣ ‘ਚ ਬਹੁਤ ਬਦਸੂਰਤ ਹੁੰਦੇ ਹਨ। ਇਸ ਦਾ ਕਾਰਨ ਕੈਮੀਕਲ ਪ੍ਰੋਡਕਟਸ ਦੀ ਜ਼ਿਆਦਾ ਵਰਤੋਂ, ਹਾਰਮੋਨਲ ਅਸੰਤੁਲਨ, ਜਨਮ ਨਿਯੰਤਰਣ ਦੀਆਂ ਗੋਲੀਆਂ ਅਤੇ ਜ਼ਿਆਦਾ ਤਣਾਅ ਲੈਣਾ ਹੋ ਸਕਦਾ ਹੈ।
ਛਾਈਆਂ ਲਈ ਹੋਮਮੇਡ ਪੈਕ
ਸੰਤਰੇ ਦਾ ਜੂਸ ਅਤੇ ਦਹੀਂ ਫੇਸ ਪੈਕ: 1 ਚੱਮਚ ਦਹੀਂ ਅਤੇ ਸੰਤਰੇ ਦਾ ਜੂਸ ਮਿਲਾ ਕੇ 30 ਮਿੰਟ ਤੱਕ ਲਗਾਓ ਅਤੇ ਫਿਰ ਚਿਹਰੇ ਨੂੰ ਤਾਜ਼ੇ ਪਾਣੀ ਨਾਲ ਧੋ ਲਓ। ਹਫ਼ਤੇ ‘ਚ ਘੱਟੋ-ਘੱਟ 3 ਵਾਰ ਅਜਿਹਾ ਕਰੋ। ਇਸ ਨਾਲ ਸਕਿਨ ‘ਚ ਮੇਲਾਨਿਨ ਲੈਵਲ ਆਮ ਹੁੰਦਾ ਹੈ ਅਤੇ ਸਕਿਨ ‘ਚ ਕਸਾਵਟ ਵੀ ਆਉਂਦੀ ਹੈ।
ਆਲੂ ਅਤੇ ਨਿੰਬੂ ਦਾ ਫੇਸ ਪੈਕ: ਆਲੂ ਅਤੇ ਨਿੰਬੂ ਦਾ ਰਸ ਮਿਲਾ ਕੇ ਸਕਿਨ ਦੀ ਹਲਕੇ ਹੱਥਾਂ ਨਾਲ ਮਸਾਜ ਕਰੋ ਅਤੇ ਫਿਰ ਇਸ ਨੂੰ ਕੁਝ ਦੇਰ ਲਈ ਛੱਡ ਦਿਓ। ਫਿਰ ਇਸ ਨੂੰ ਤਾਜ਼ੇ ਪਾਣੀ ਨਾਲ ਧੋ ਲਓ। ਇਸ ‘ਚ ਮੌਜੂਦ ਐਂਟੀਫੰਗਸ ਗੁਣ ਛਾਈਆਂ ਨੂੰ ਦੂਰ ਕਰਨ ਦੇ ਨਾਲ ਸਕਿਨ ਨੂੰ ਠੰਡਕ ਵੀ ਦਿੰਦੇ ਹਨ। ਇਸਦੇ ਨਾਲ ਹੀ ਸਨਟੈਨ ਦੀ ਸਮੱਸਿਆ ਵੀ ਦੂਰ ਹੁੰਦੀ ਹੈ।
ਰੀਠਾ ਅਤੇ ਤੁਲਸੀ ਫੇਸ ਪੈਕ: ਰੀਠਾ ਦੇ ਛਿਲਕੇ ਅਤੇ ਤੁਲਸੀ ਦੇ ਪੱਤਿਆਂ ਨੂੰ ਪੀਸ ਲਓ। ਹੁਣ ਇਸ ਨੂੰ ਛਾਈਆਂ ਵਾਲੀ ਜਗ੍ਹਾ ‘ਤੇ ਲਗਾਓ ਅਤੇ 30 ਮਿੰਟ ਬਾਅਦ ਇਸ ਨੂੰ ਤਾਜ਼ੇ ਪਾਣੀ ਨਾਲ ਧੋ ਲਓ। ਇਸ ਦੀ ਨਿਯਮਤ ਵਰਤੋਂ ਕਰਨ ਨਾਲ ਤੁਸੀਂ ਆਪਣੇ ਆਪ ਅੰਤਰ ਮਹਿਸੂਸ ਕਰੋਗੇ। ਨਾਲ ਹੀ ਸਕਿਨ ਵੀ ਇਸ ਨਾਲ ਗਲੋਂ ਕਰੇਗੀ।
ਸ਼ਹਿਦ ਅਤੇ ਸਿਰਕਾ: ਇਕ ਚਮਚ ਸ਼ਹਿਦ ‘ਚ ਇੱਕ ਚੱਮਚ ਸਿਰਕਾ ਮਿਲਾਓ। ਇਸ ਨੂੰ ਛਾਈਆਂ ਜਾਂ ਸਾਰੇ ਚਿਹਰੇ ‘ਤੇ ਮਸਾਜ ਕਰੋ। ਫਿਰ ਇੱਕ ਮੋਟੀ ਲੇਅਰ ਛਾਈਆਂ ਵਾਲੀ ਜਗ੍ਹਾ ‘ਤੇ ਲਗਾਕੇ 20-25 ਮਿੰਟਾਂ ਲਈ ਛੱਡ ਦਿਓ। ਇਸ ਤੋਂ ਬਾਅਦ ਤਾਜ਼ੇ ਪਾਣੀ ਨਾਲ ਚਿਹਰੇ ਨੂੰ ਸਾਫ ਕਰੋ। ਹਫਤੇ ‘ਚ 2-3 ਵਾਰ ਨਿਯਮਿਤ ਇਸ ਦੀ ਵਰਤੋਂ ਕਰਨ ਨਾਲ ਤੁਸੀਂ ਰਿਜ਼ਲਟ ਆਪਣੇ ਆਪ ਦੇਖੋਗੇ।
ਬਦਾਮ ਦਾ ਤੇਲ, ਨਿੰਬੂ ਅਤੇ Glycerin: 1 ਚੱਮਚ ਬਦਾਮ ਦੇ ਤੇਲ ‘ਚ 3-4 ਬੂੰਦਾਂ Glycerin ਅਤੇ ਨਿੰਬੂ ਦੇ ਰਸ ਦੀਆਂ ਮਿਲਾਓ। ਰਾਤ ਨੂੰ ਸੌਣ ਤੋਂ ਪਹਿਲਾਂ ਪ੍ਰਭਾਵਿਤ ਜਗ੍ਹਾ ‘ਤੇ ਲਗਾਓ ਅਤੇ ਰਾਤ ਭਰ ਲਈ ਛੱਡ ਦਿਓ। ਸਵੇਰੇ ਇਸ ਨੂੰ ਕੋਸੇ ਪਾਣੀ ਨਾਲ ਸਾਫ ਕਰੋ। ਇਸ ਨਾਲ ਛਾਈਆਂ ਦੀ ਸਮੱਸਿਆ ਦੂਰ ਹੋ ਜਾਵੇਗੀ।
ਦੁੱਧ, ਹਲਦੀ ਅਤੇ ਚੰਦਨ ਦਾ ਪੈਕ: 1 ਚੱਮਚ ਕੱਚੇ ਦੁੱਧ ‘ਚ ਇਕ ਚੁਟਕੀ ਹਲਕੀ ਅਤੇ 1/2 ਚਮਚ ਚੰਦਨ ਦਾ ਪਾਊਡਰ ਮਿਲਾਓ। ਇਸ ਪੇਸਟ ਨੂੰ ਛਾਈਆਂ ਵਾਲੀ ਜਗ੍ਹਾ ‘ਤੇ 25 ਮਿੰਟ ਤੱਕ ਲਗਾਓ ਅਤੇ ਫਿਰ ਇਸ ਨੂੰ ਨਵੇਂ ਹੱਥਾਂ ਨਾਲ ਮਸਾਜ ਕਰਦੇ ਹੋਏ ਤਾਜ਼ੇ ਪਾਣੀ ਨਾਲ ਸਾਫ਼ ਕਰੋ। ਇਸ ਨਾਲ ਛਾਈਆਂ ਅਤੇ ਸਕਿਨ ਦਾ ਕਾਲਾਪਣ ਦੂਰ ਹੋ ਜਾਵੇਗਾ।
ਕੇਲੇ ਅਤੇ ਸ਼ਹਿਦ ਦਾ ਪੈਕ: ਸ਼ਹਿਦ ‘ਚ 1 ਪੱਕੇ ਕੇਲੇ ਨੂੰ ਪਾ ਕੇ ਚੰਗੀ ਤਰ੍ਹਾਂ ਮਿਲਾ ਲਓ। ਹੁਣ ਇਸ ਨੂੰ ਚਿਹਰੇ ‘ਤੇ 20-25 ਮਿੰਟ ਤੱਕ ਲਗਾਓ। ਇਸ ਤੋਂ ਬਾਅਦ ਚਿਹਰੇ ਨੂੰ ਕੋਸੇ ਪਾਣੀ ਨਾਲ ਸਾਫ ਕਰੋ। ਇਸ ਪੈਕ ਨੂੰ ਰੋਜ਼ਾਨਾ ਲਗਾਉਣ ਨਾਲ ਤੁਸੀਂ ਆਪਣੇ ਆਪ ਫਰਕ ਮਹਿਸੂਸ ਕਰੋਗੇ।
