Pregnant Children risk flu: ਕੋਰੋਨਾ ਵਾਇਰਸ ਦੇ ਨਾਲ-ਨਾਲ ਗਰਭਵਤੀ ਔਰਤਾਂ ਅਤੇ ਬੱਚਿਆਂ ‘ਤੇ ਏਵੀਅਨ ਇਨਫਲੂਐਨਜ਼ਾ (H5N1) ਭਾਵ ਬਰਡ ਫਲੂ ਦਾ ਖ਼ਤਰਾ ਵੀ ਮੰਡਰਾ ਰਿਹਾ ਹੈ। ਇਸ ਦੇ ਮੱਦੇਨਜ਼ਰ ਵਿਸ਼ਵ ਸਿਹਤ ਸੰਗਠਨ (WHO) ਨੇ ਗਰਭਵਤੀ ਔਰਤਾਂ ਅਤੇ ਬੱਚਿਆਂ ਲਈ ਚੇਤਾਵਨੀ ਜਾਰੀ ਕੀਤੀ ਹੈ। ਹਾਲਾਂਕਿ ਇਹ ਅਜੇ ਸਪੱਸ਼ਟ ਨਹੀਂ ਹੈ ਕਿ ਸਰਦੀਆਂ ਵਿੱਚ ਫਲੂ ਦਾ ਕੀ ਪ੍ਰਭਾਵ ਹੋਏਗਾ ਇਸ ਲਈ ਮਹਾਂਮਾਰੀ ਦੇ ਦੌਰਾਨ ਸਰਕਾਰ ਫਲੂ ਦੀ ਮੋਨੀਟਰਿੰਗ ਅਤੇ ਟੈਸਟਿੰਗ ਕਰ ਰਹੀ ਹੈ। WHO ਨੇ ਕਿਹਾ ਕਿ ਇਨਫਲੂਐਨਜ਼ਾ ਯਾਨਿ ਫਲੂ ਦੇ ਹਾਈ ਰਿਸਕ ਜ਼ੋਨ ਵਾਲੇ ਲੋਕਾਂ ਨੂੰ ਵੈਕਸੀਨ ਲਗਾਉਣ ਦੀ ਜ਼ਰੂਰਤ ਹੈ ਕਿਉਂਕਿ ਕੋਰੋਨਾ ਮਹਾਂਮਾਰੀ ਦਾ ਦਾਇਰਾ ਘਟਿਆ ਨਹੀਂ ਹੈ। ਕੋਰੋਨਾ ਅਤੇ ਇਨਫਲੂਐਂਜ਼ਾ ਦੇ ਲੱਛਣ ਬਹੁਤ ਹੱਦ ਤੱਕ ਮਿਲਦੇ ਜੁਲਦੇ ਹਨ ਇਸ ਲਈ ਜ਼ਿਆਦਾ ਸਾਵਧਾਨ ਰਹਿਣ ਦੀ ਜ਼ਰੂਰਤ ਹੈ।
ਹੁਣ ਇਨਫਲੂਐਂਜ਼ਾ ਯਾਨਿ ਫਲੂ ਬਾਰੇ ਸਮਝ ਲਓ
- ਕੁੱਝ ਦਿਨਾਂ ਤੱਕ ਹਲਕਾ ਬੁਖਾਰ
- ਗੰਧ ਅਤੇ ਸੁਆਦ ਨਾ ਆਉਣਾ
- ਗਲੇ ‘ਚ ਹਲਕਾ ਦਰਦ ਅਤੇ ਖਰਾਸ਼
- ਸਾਹ ਫੁੱਲਣਾ
- ਛਿੱਕ ਆਉਣਾ
- ਬਲਗ਼ਮ ਜਾਂ ਖੁਸ਼ਕ ਖੰਘ
ਗਰਭ ਅਵਸਥਾ ਵਿੱਚ ਇਨਫਲੂਐਂਜ਼ਾ ਦਾ ਖ਼ਤਰਾ: ਗਰਭ ਅਵਸਥਾ ਵਿੱਚ ਇਨਫਲੂਐਂਜ਼ਾ ਹੋਣ ‘ਤੇ ਕੰਪਲੀਕੇਸ਼ਨ ਦਾ ਖ਼ਤਰਾ ਵੱਧ ਜਾਂਦਾ ਹੈ। ਖੋਜ ਦੇ ਅਨੁਸਾਰ ਇਸ ਨਾਲ ਪ੍ਰੀ-ਮੈਚਿਊਰ ਡਿਲਿਵਰੀ, ਜਨਮ ਦੇ ਸਮੇਂ ਬੱਚੇ ਦਾ ਘੱਟ ਭਾਰ ਅਤੇ ਸਿਜੇਰੀਅਨ ਡਿਲੀਵਰੀ ਦਾ ਰਿਸਕ ਰਹਿੰਦਾ ਹੈ। 2009-10 ਵਿੱਚ H1N1 ਇਨਫਲੂਐਂਜ਼ਾ ਮਹਾਂਮਾਰੀ ਦੇ ਕਾਰਨ ਜ਼ਿਆਦਾਤਰ ਗਰਭਵਤੀ ਔਰਤਾਂ ਆਈਸੀਯੂ ਵਿੱਚ ਦਾਖਲ ਹੋ ਗਈਆਂ ਸਨ। ਅਜਿਹੇ ‘ਚ ਕੋਰੋਨਾ ਦੇ ਕਾਰਨ ਹੁਣ ਜ਼ਿਆਦਾ ਸਾਵਧਾਨ ਰਹਿਣ ਦੀ ਜ਼ਰੂਰਤ ਹੈ। ਇਨਫਲੂਐਨਜ਼ਾ ਤੋਂ ਬਚਣ ਲਈ ਗਰਭਵਤੀ ਔਰਤਾਂ ਅਤੇ ਬੱਚਿਆਂ ਨੂੰ ਵੈਕਸੀਨ ਲਗਾਈ ਜਾਂਦੀ ਹੈ। ਬੀਮਾਰੀਆਂ ਤੋਂ ਬਚਾਅ ਲਈ ਬੱਚੇ ਬਹੁਤ ਹੱਦ ਤੱਕ ਮਾਂ ‘ਤੇ ਨਿਰਭਰ ਹੁੰਦੇ ਹਨ। ਅਧਿਐਨ ਦੇ ਅਨੁਸਾਰ ਇਨਫਲੂਐਨਜ਼ਾ ਵੈਕਸੀਨ ਪੂਰੀ ਤਰ੍ਹਾਂ ਸੁਰੱਖਿਅਤ ਹੈ।
ਬਰਡ ਫਲੂ ਤੋਂ ਇਸ ਤਰ੍ਹਾਂ ਕਰੋ ਆਪਣਾ ਬਚਾਅ
- ਖੰਘਦੇ ਅਤੇ ਛਿੱਕਦੇ ਸਮੇਂ ਨੱਕ ਅਤੇ ਮੂੰਹ ਨੂੰ ਕੱਪੜੇ ਨਾਲ ਢੱਕ ਲਓ। ਖ਼ਾਸਕਰ ਭੀੜ ਵਾਲੀਆਂ ਥਾਵਾਂ ਅਤੇ ਪੋਲਟਰੀ ਫਾਰਮਾਂ ਵਿਚ।
- ਨੱਕ, ਮੂੰਹ ਅਤੇ ਅੱਖਾਂ ਨੂੰ ਛੂਹਣ ਤੋਂ ਬਾਅਦ ਹੱਥਾਂ ਨੂੰ ਸਾਬਣ ਨਾਲ ਚੰਗੀ ਤਰ੍ਹਾਂ ਧੋਵੋ ਅਤੇ ਉਨ੍ਹਾਂ ਨੂੰ ਸਾਫ਼ ਕੱਪੜੇ ਨਾਲ ਧੋ ਲਓ।
- ਖੁਰਾਕ ਵਿਚ ਸਿਹਤਮੰਦ ਚੀਜ਼ਾਂ ਲਓ ਅਤੇ ਜ਼ਿਆਦਾ ਪਾਣੀ ਪੀਓ।
- ਜਿੱਥੇ ਬਰਡ ਫਲੂ ਫੈਲਿਆ ਹੋਵੇ ਉਥੋਂ ਦਾ ਚਿਕਨ ਅਤੇ ਅੰਡੇ ਨਾ ਖਾਓ।
- ਲੱਛਣ ਦਿਖਾਈ ਦੇਣ ‘ਤੇ ਤੁਰੰਤ ਡਾਕਟਰ ਨੂੰ ਮਿਲੋ।
