Snoring problems home remedies: ਪੂਰਾ ਦਿਨ ਕਦੇ ਆਫਿਸ ਦੇ ਕੰਮ ਅਤੇ ਕਦੇ ਘਰ ਦੇ ਕੰਮ ਤੋਂ ਥੱਕਕੇ ਵਿਅਕਤੀ ਜਦੋਂ ਰਾਤ ਨੂੰ ਸੌਂਦਾ ਹੈ ਤਾਂ ਖਰਾਟੇ ਮਾਰਦਾ ਹੈ ਜਿਸਦਾ ਸ਼ਾਇਦ ਉਸਨੂੰ ਪਤਾ ਨਾ ਹੋਵੇ ਪਰ ਉਸਦੇ ਨਾਲ ਸੁੱਤਾ ਹੋਇਆ ਵਿਅਕਤੀ ਇਸ ਤੋਂ ਬਹੁਤ ਪਰੇਸ਼ਾਨ ਹੁੰਦਾ ਹੈ। ਇਸ ਦੇ ਲਈ ਉਹ ਉਸਨੂੰ ਕਿੰਨੀ ਵਾਰ ਆਵਾਜ਼ ਦੇ ਕੇ ਉਠਾਉਂਦਾ ਹੈ ਪਰ ਖਰਾਟਿਆ ਦਾ ਸਿਲਸਿਲਾ ਖਤਮ ਹੀ ਨਹੀਂ ਹੁੰਦਾ। ਇਸ ਨਾਲ ਤੁਸੀਂ ਤਾਂ ਅਰਾਮ ਨਾਲ ਸੌਂਦੇ ਹੋ ਪਰ ਦੂਸਰੇ ਵਿਅਕਤੀ ਦੀ ਨੀਂਦ ਖਰਾਬ ਹੋ ਜਾਂਦੀ ਹੈ। ਤਾਂ ਆਓ ਅਸੀਂ ਤੁਹਾਨੂੰ ਇਸ ਸਮੱਸਿਆ ਤੋਂ ਛੁਟਕਾਰਾ ਪਾਉਣ ਲਈ ਕੁਝ ਘਰੇਲੂ ਨੁਸਖ਼ੇ ਦੱਸਦੇ ਹਾਂ।
ਇਲਾਇਚੀ: ਇਸ ਸਮੱਸਿਆ ਦੇ ਹੱਲ ਲਈ ਇਲਾਇਚੀ ਇਕ ਚੰਗਾ ਇਲਾਜ਼ ਹੈ। ਜੇ ਤੁਸੀਂ ਇਲਾਇਚੀ ਦਾ ਸੇਵਨ ਕਰ ਲੈਂਦੇ ਹੋ ਤਾਂ ਇਸ ਨਾਲ ਤੁਹਾਡਾ ਬੰਦ ਨੱਕ ਖੁੱਲ੍ਹ ਜਾਂਦਾ ਹੈ ਜਿਸ ਨਾਲ ਤੁਹਾਡੇ ਖਰਾਟਿਆ ਦੀ ਸਮੱਸਿਆ ਵੀ ਘੱਟ ਜਾਂਦੀ ਹੈ।
ਇਸ ਤਰ੍ਹਾਂ ਕਰੋ ਸੇਵਨ
- ਇਕ ਗਲਾਸ ਪਾਣੀ ਲਓ।
- ਉਸ ‘ਚ ਅੱਧਾ ਜਾਂ ਇਕ ਚੱਮਚ ਇਲਾਇਚੀ ਪਾਊਡਰ ਮਿਲਾਓ।
- ਸੌਣ ਤੋਂ ਅੱਧੇ ਘੰਟੇ ਪਹਿਲਾਂ ਉਸ ਦਾ ਸੇਵਨ ਕਰੋ।
ਦੇਸੀ ਘਿਓ: ਦੇਸੀ ਘਿਓ ਵੀ ਇਸ ਸਮੱਸਿਆ ਨੂੰ ਦੂਰ ਕਰਨ ਲਈ ਬਹੁਤ ਫਾਇਦੇਮੰਦ ਰਹੇਗਾ। ਦੇਸੀ ਘਿਓ ਚਿਕਿਤਸਕ ਗੁਣਾਂ ਨਾਲ ਭਰਪੂਰ ਹੁੰਦਾ ਹੈ। ਇਸ ਨਾਲ ਨੱਕ ਖੋਲ੍ਹਣ ਵਿਚ ਬਹੁਤ ਮਦਦ ਮਿਲਦੀ ਹੈ। ਅਤੇ ਇਸ ਦੀ ਵਰਤੋਂ ਨਾਲ ਖਰਾਟਿਆ ਦੀ ਸਮੱਸਿਆ ਦੂਰ ਹੁੰਦੀ ਹੈ।
ਇਸ ਤਰ੍ਹਾਂ ਕਰੋ ਸੇਵਨ
- ਘਿਓ ਨੂੰ ਹਲਕਾ ਗਰਮ ਕਰੋ।
- ਇਕ-ਇਕ ਬੂੰਦ ਆਪਣੀ ਨੱਕ ‘ਚ ਪਾਓ।
- ਰਾਤ ਨੂੰ ਸੌਣ ਤੋਂ ਪਹਿਲਾਂ ਇਸ ਦੀ ਵਰਤੋਂ ਰੋਜ਼ ਕਰੋ।
ਜੈਤੂਨ ਦਾ ਤੇਲ ਵੀ ਲਾਭਕਾਰੀ ਹੋਵੇਗਾ: ਜੈਤੂਨ ਦਾ ਤੇਲ ਵੀ ਇਸ ਸਮੱਸਿਆ ਲਈ ਬਹੁਤ ਫਾਇਦੇਮੰਦ ਹੋਵੇਗਾ। ਜੈਤੂਨ ਦਾ ਤੇਲ ਨਾਲ ਸੋਜ ਘੱਟ ਹੁੰਦੀ ਹੈ। ਇਸ ਦੀ ਵਰਤੋਂ ਨਾਲ ਨੱਕ ਵਿਚ ਹਵਾ ਨੂੰ ਆਉਣ-ਜਾਣ ਨਾਲ ਕੋਈ ਦਿੱਕਤ ਨਹੀਂ ਹੁੰਦੀ ਹੈ।
ਇਸ ਤਰ੍ਹਾਂ ਕਰੋ ਇਸ ਦੀ ਵਰਤੋਂ
- ਜੈਤੂਨ ਦਾ ਤੇਲ ਦੀਆਂ ਇੱਕ ਜਾਂ ਦੋ ਬੂੰਦਾਂ ਲਓ।
- ਇਸ ਵਿਚ ਸ਼ਹਿਦ ਮਿਲਾਓ।
- ਇਹ ਰੋਜ਼ ਕਰੋ ਅਤੇ ਫਿਰ ਦੇਖੋ ਕਿ ਤੁਹਾਡੀਆਂ ਸਾਰੀਆਂ ਮੁਸ਼ਕਲਾਂ ਦੂਰ ਹੋ ਜਾਣਗੀਆਂ।
ਲਸਣ: ਰਸੋਈ ਵਿਚ ਵਰਤਿਆ ਜਾਣ ਵਾਲਾ ਲਸਣ ਵੀ ਤੁਹਾਡੀ ਇਸ ਸਮੱਸਿਆ ਨੂੰ ਹੱਲ ਕਰ ਸਕਦਾ ਹੈ। ਇਸਦੇ ਲਈ ਤੁਹਾਡੀ ਜੜ ਤੋਂ ਖਰਾਟਿਆ ਦੀ ਸਮੱਸਿਆ ਖ਼ਤਮ ਹੋ ਜਾਵੇਗੀ।
ਇਸ ਤਰ੍ਹਾਂ ਕਰੋ ਇਸ ਦੀ ਵਰਤੋਂ
- ਰਾਤ ਨੂੰ ਸੌਣ ਤੋਂ ਪਹਿਲਾਂ ਇੱਕ ਜਾਂ ਦੋ ਲਸਣ ਦੀਆਂ ਕਲੀਆਂ ਖਾਓ।
- ਇਸ ਤੋਂ ਬਾਅਦ ਪਾਣੀ ਪੀਓ।
- ਇਸ ਤਰ੍ਹਾਂ ਹਰ ਰੋਜ਼ ਕਰੋ।
