Thyroid Medicine tips: ਥਾਇਰਾਇਡ ਇੱਕ ਅਜਿਹੀ ਹਾਰਮੋਨਲ ਸਥਿਤੀ ਹੈ ਜੋ ਉਮਰ ਭਰ ਤੁਹਾਡੇ ਨਾਲ ਰਹਿੰਦੀ ਹੈ। ਇਸ ‘ਚ ਥਾਇਰਾਇਡ ਗਲੈਂਡ ਨਾਲ ਥਾਇਰਾਇਡ ਹਾਰਮੋਨ ਘੱਟ ਜਾਂ ਜ਼ਿਆਦਾ ਪ੍ਰੋਡਿਊਸ ਹੁੰਦਾ ਹੈ। ਇਸ ਨੂੰ ਜੜ੍ਹ ਤੋਂ ਖਤਮ ਨਹੀਂ ਕੀਤਾ ਜਾ ਸਕਦਾ ਪਰ ਸਹੀ ਲਾਈਫਸਟਾਈਲ ਅਤੇ ਡਾਇਟ ਨਾਲ ਇਸ ਨੂੰ ਕੰਟਰੋਲ ਕੀਤਾ ਜਾ ਸਕਦਾ ਹੈ। ਉੱਥੇ ਹੀ ਜੇਕਰ ਬਿਮਾਰੀ ਗੰਭੀਰ ਸਟੇਜ ‘ਤੇ ਹੈ ਤਾਂ ਡਾਕਟਰ ਥਾਇਰਾਇਡ ਨੂੰ ਕੰਟਰੋਲ ਕਰਨ ਲਈ ਦਵਾਈ ਦਿੰਦੇ ਹਨ ਜੋ ਥਾਇਰਾਇਡ ਗਲੈਂਡ ਨੂੰ ਰੈਗੂਲੇਟ ਕਰਦੀ ਹੈ। ਪਰ ਕੁਝ ਲੋਕ ਸ਼ਿਕਾਇਤ ਕਰਦੇ ਹਨ ਕਿ ਦਵਾਈ ਲੈਣ ਤੋਂ ਬਾਅਦ ਵੀ ਉਨ੍ਹਾਂ ਦਾ ਥਾਇਰਾਇਡ ਵੱਡਾ ਹੋ ਜਾਂਦਾ ਹੈ। ਇਸ ਦਾ ਕਾਰਨ ਦਵਾਈ ਲੈਂਦੇ ਸਮੇਂ ਤੁਹਾਡੀਆਂ ਕੁਝ ਗਲਤੀਆਂ ਹੋ ਸਕਦੀਆਂ ਹਨ।
ਖਾਲੀ ਪੇਟ ਦਵਾਈ ਲੈਣੀ ਕਿਉਂ ਜ਼ਰੂਰੀ: ਅਕਸਰ ਮਾਹਿਰ ਮਰੀਜ਼ ਨੂੰ ਸਵੇਰੇ ਖਾਲੀ ਪੇਟ ਥਾਇਰਾਈਡ ਦੀ ਦਵਾਈ ਲੈਣ ਲਈ ਕਹਿੰਦੇ ਹਨ ਜੋ ਹਫ਼ਤੇ ਦੇ ਹਰ ਦਿਨ ਲੈਣੀ ਪੈਂਦੀ ਹੈ। ਭੋਜਨ ਜਾਂ ਕੁਝ ਵੀ ਖਾਣ ਤੋਂ ਬਾਅਦ ਦਵਾਈ ਪੂਰੀ ਤਰ੍ਹਾਂ ਅਬਜ਼ਰਵ ਨਹੀਂ ਹੋ ਪਾਉਂਦੀ ਅਤੇ ਇਸਦਾ ਕੋਈ ਅਸਰ ਵੀ ਨਹੀਂ ਹੁੰਦਾ। ਤੁਸੀਂ ਦਵਾਈ ਨੂੰ ਨਾਸ਼ਤੇ ਤੋਂ 30 ਮਿੰਟ ਪਹਿਲਾਂ ਜਾਂ 1 ਘੰਟਾ ਪਹਿਲਾਂ ਲੈ ਸਕਦੇ ਹੋ।
ਤੁਸੀਂ ਕਿਸ ਕਿਸਮ ਦੀ ਦਵਾਈ ਲੈ ਰਹੇ ਹੋ: ਥਾਇਰਾਇਡ ਦੋ ਤਰ੍ਹਾਂ ਦੇ ਹੁੰਦੇ ਹਨ ਹਾਈਪਰਥਾਇਰਾਇਡਿਜ਼ਮ ਅਤੇ ਹਾਈਪੋਥਾਇਰਾਇਡਿਜ਼ਮ। ਡਾਕਟਰ ਹਾਲਤ ਮੁਤਾਬਕ ਦਵਾਈ ਦਿੰਦੇ ਹਨ। ਅਜਿਹੇ ‘ਚ ਜਦੋਂ ਤੁਸੀਂ ਦਵਾਈ ਲੈ ਰਹੇ ਹੋ ਤਾਂ ਪਹਿਲਾਂ ਡਾਕਟਰ ਨੂੰ ਪੁੱਛੋ ਕਿ ਇਸਨੂੰ ਕਿਵੇਂ ਲੈਣਾ ਹੈ।
ਚਾਹ ਜਾਂ ਕੌਫੀ ਦੇ ਨਾਲ ਦਵਾਈ ਨਾ ਲਓ: ਮਾਹਿਰਾਂ ਅਨੁਸਾਰ ਚਾਹ ਅਤੇ ਕੌਫੀ ਦੇ ਨਾਲ ਦਵਾਈ ਨਹੀਂ ਲੈਣੀ ਚਾਹੀਦੀ। ਇਸ ਦੇ ਨਾਲ ਹੀ ਦਵਾਈ ਖਾਣ ਦੇ ਤੁਰੰਤ ਬਾਅਦ ਵੀ ਇਸ ਦਾ ਸੇਵਨ ਨਹੀਂ ਕਰਨਾ ਚਾਹੀਦਾ। ਇਸ ਨਾਲ ਦਵਾਈ ਦਾ ਅਸਰ ਘੱਟ ਹੋ ਜਾਵੇਗਾ।
ਡੋਜ਼ ਮਿਸ ਹੋ ਜਾਵੇ ਤਾਂ ਕੀ ਕਰੀਏ: ਜੇਕਰ ਦਵਾਈ ਮਿਸ ਹੋ ਜਾਵੇ ਤਾਂ ਚਿੰਤਾ ਨਾ ਕਰੋ ਕਿਉਂਕਿ ਇੱਕ ਡੋਜ਼ ਮਿਸ ਹੋਣ ਨਾਲ ਬਹੁਤ ਜ਼ਿਆਦਾ ਫ਼ਰਕ ਨਹੀਂ ਪੈਂਦਾ। ਪਰ ਦੂਜੇ ਦਿਨ ਸਹੀ ਸਮੇਂ ‘ਤੇ ਦਵਾਈ ਲੈਣਾ ਨਾ ਭੁੱਲੋ। ਨਾਲ ਹੀ ਇੱਕ ਵਾਰ ਆਪਣੇ ਮਾਹਰ ਤੋਂ ਸਲਾਹ ਲਓ।
ਕੀ ਸਾਰੀ ਉਮਰ ਦਵਾਈ ਲੈਣੀ ਪਵੇਗੀ ਦਵਾਈ: ਥਾਇਰਾਇਡ ਇੱਕ ਕਿਸਮ ਦੀ ਐਂਡੋਕਰੀਨ ਗਲੈਂਡ ਹੈ ਜੋ ਹਾਰਮੋਨ ਬਣਾਉਂਦੀ ਹੈ। ਇਸ ‘ਚ ਗੜਬੜੀ ਦੇ ਕਾਰਨ ਥਾਇਰਾਇਡ ਦੀ ਬੀਮਾਰੀ ਹੁੰਦੀ ਹੈ। ਕਈ ਵਾਰ ਇਸ ਬਿਮਾਰੀ ਕਾਰਨ ਲੋਕਾਂ ਨੂੰ ਲੰਬੇ ਸਮੇਂ ਤੱਕ ਦਵਾਈ ਲੈਣੀ ਪੈਂਦੀ ਹੈ ਜਦੋਂ ਕਿ ਕੁਝ ਲੋਕ ਲਾਈਫਸਟਾਈਲ ਅਤੇ ਭੋਜਨ ਨਾਲ ਹੀ ਇਸ ਬਿਮਾਰੀ ਨੂੰ ਕੰਟਰੋਲ ਕਰ ਲੈਂਦੇ ਹਨ।
