Unlock Lockdown guidelines: Unlock 1.0 ਚੱਲ ਰਿਹਾ ਹੈ ਇਸ ਨਾਲ ਦੇਸ਼ ਵਿਚ ਕੋਰੋਨਾ ਦੇ ਅੰਕੜੇ ਵੀ ਕਾਫ਼ੀ ਵੱਧ ਗਏ ਹਨ। 24 ਘੰਟਿਆਂ ਵਿੱਚ ਕੋਰੋਨਾ ਦੇ 9985 ਨਵੇਂ ਕੇਸ ਸਾਹਮਣੇ ਆਏ ਹਨ ਜਦੋਂ ਕਿ 279 ਲੋਕਾਂ ਦੀ ਮੌਤ ਹੋ ਗਈ ਹੈ। ਹਾਲਾਂਕਿ ਇਹ ਰਾਹਤ ਦੀ ਗੱਲ ਹੈ ਕਿ ਐਕਟਿਵ ਮਾਮਲਿਆਂ ਤੋਂ ਠੀਕ ਹੋਣ ਵਾਲੇ ਮਰੀਜ਼ਾਂ ਦੀ ਗਿਣਤੀ 50 ਪ੍ਰਤੀਸ਼ਤ ਤੋਂ ਪਾਰ ਹੋ ਗਈ ਹੈ। ਕੋਰੋਨਾ ਦੇ ਵੱਧ ਰਹੇ ਮਾਮਲਿਆਂ ਦੇ ਮੱਦੇਨਜ਼ਰ ਸਿਹਤ ਮੰਤਰਾਲੇ ਨੇ ਘਰ ਤੋਂ ਬਾਹਰ ਨਿਕਲਣ ਲਈ ਦਿਸ਼ਾ ਨਿਰਦੇਸ਼ ਜਾਰੀ ਕੀਤੇ ਹਨ। ਹੁਣ ਲਾਕਡਾਉਨ ਖੁੱਲ੍ਹਾ ਹੈ ਇਸ ਲਈ ਤੁਹਾਨੂੰ ਜ਼ਿਆਦਾ ਸਾਵਧਾਨ ਰਹਿਣ ਦੀ ਜ਼ਰੂਰਤ ਹੈ ਕਿਉਂਕਿ ਸਾਵਧਾਨੀ ਕੋਰੋਨਾ ਦੀ ਵੈਕਸੀਨ ਹੈ।
ਆਓ ਜਾਣਦੇ ਹਾਂ ਤੁਹਾਨੂੰ ਘਰ ਤੋਂ ਬਾਹਰ ਨਿਕਲਦਿਆਂ ਕਿਹੜੀਆਂ ਚੀਜ਼ਾਂ ਦਾ ਧਿਆਨ ਰੱਖਣਾ ਚਾਹੀਦਾ ਹੈ…
- ਘਰ ਤੋਂ ਬਾਹਰ ਜਾਣ ਵੇਲੇ ਮਾਸਕ ਪਾਉਣਾ ਨਾ ਭੁੱਲੋ ਜੋ ਤੁਹਾਨੂੰ ਕੋਰੋਨਾ ਤੋਂ ਬਚਾਉਣ ਵਿਚ ਮਦਦ ਕਰੇਗਾ।
- ਕਿਸੇ ਨਾਲ ਹੱਥ ਮਿਲਾਉਣ ਦੀ ਬਜਾਏ ਭਾਰਤੀ ਸਭਿਆਚਾਰ ਅਨੁਸਾਰ ਨਮਸਤੇ ਦੀ ਪਰੰਪਰਾ ਦਾ ਪਾਲਣ ਕਰੋ ਯਾਨਿ ਸਮਾਜਕ ਦੂਰੀਆਂ ਦੀ ਪਾਲਣਾ ਕਰੋ।
- ਬੱਸ ਸਟੈਂਡਾਂ ਅਤੇ ਹੋਰ ਜਨਤਕ ਥਾਵਾਂ ‘ਤੇ ਇਕ ਦੂਜੇ ਤੋਂ ਘੱਟੋ-ਘੱਟ 6 ਫੁੱਟ ਦੀ ਦੂਰੀ ਰੱਖੋ।
- ਅੱਖਾਂ, ਨੱਕ ਅਤੇ ਮੂੰਹ ਨੂੰ ਵਾਰ-ਵਾਰ ਛੂਹਣ ਤੋਂ ਬਚੋ। ਨਾਲ ਹੀ ਖੰਘ ਜਾਂ ਛਿੱਕ ਆਉਣ ਵੇਲੇ ਆਪਣੀ ਨੱਕ ਅਤੇ ਮੂੰਹ ਕੂਹਣੀ ਜਾਂ ਰੁਮਾਲ ਨਾਲ ਢੱਕੋ।
- ਆਪਣੇ ਹੱਥ ਸਾਬਣ ਨਾਲ ਜਾਂ ਸੈਨੀਟਾਈਜ਼ਰ ਨਾਲ ਅਕਸਰ ਸਾਫ਼ ਕਰੋ। ਖ਼ਾਸਕਰ ਆਪਣੇ ਹੱਥ ਦਰਵਾਜ਼ੇ, ਟੇਬਲ ਜਾਂ ਅਕਸਰ ਛੂਹੀਆਂ ਚੀਜ਼ਾਂ ‘ਤੇ ਲਗਾਉਣ ਤੋਂ ਬਾਅਦ।
- ਕੋਰੋਨਾ ਸੰਕਟ ਵਿੱਚ ਯਾਤਰਾ ਨਾ ਕਰਨਾ ਬਿਹਤਰ ਹੈ। ਨਾ ਸਿਰਫ ਵਿਦੇਸ਼, ਬਲਕਿ ਭਾਰਤ ਵਿਚ ਵੀ ਹੋਰ ਥਾਵਾਂ ‘ਤੇ ਜਾਣ ਤੋਂ ਪਰਹੇਜ਼ ਕਰੋ। ਜਨਤਕ ਥਾਵਾਂ ਤੇ ਵੀ ਨਾ ਥੁੱਕੋ।
- ਸਮਾਜਿਕ ਸਮਾਗਮਾਂ ਦੇ ਆਯੋਜਨ ਤੋਂ ਪ੍ਰਹੇਜ ਕਰੋ। ਜੇ ਸਮਾਗਮ ਬਹੁਤ ਜ਼ਰੂਰੀ ਹੈ ਤਾਂ ਮਹਿਮਾਨਾਂ ਦੀ ਗਿਣਤੀ ਸੀਮਤ ਕਰੋ।
- ਭੀੜ ਵਾਲੇ ਇਲਾਕਿਆਂ ਦਾ ਦੌਰਾ ਕਰਨ ਤੋਂ ਪਰਹੇਜ਼ ਕਰੋ। ਜੇ ਤੁਸੀਂ ਦਫਤਰ ਆ ਰਹੇ ਹੋ ਤਾਂ ਇਨ੍ਹਾਂ ਦਿਸ਼ਾ-ਨਿਰਦੇਸ਼ਾਂ ਦੀ ਪਾਲਣਾ ਕਰੋ।
